الموضوع: Golf,civic,lancer,bmw,nubira ,elantra!!!!!!!!!!!

عاوز عربية فحدود 70 الف عالاقصى مستعمله تتميز بي
1- واسعه
2- موتور قوري
3- ثابته عالطريق
4-متانه
5- قطع غيار متوفرة وسعرها متوسط يمكن تحمله لشاب في بداية حياته
6-توافر الصنايعيه الي بيفهموا فتصليحها عشان متوهش

ياريت تختارولي مابين الموديلات دي
1- بي ام دبليو 316 1991-1998
2-هوندا سيفيك 1992-1998
3-نوبيرا 2003-2006
4-متسوبيشي لانسر 1600 2004-2006
5-هيوانداي الانترا 1600 2003-2006
6-فولكس جولف 4
انا مهتم جدا بالثبات عالطرريق وتوافر قطع الغيار وتكون سعرها في متناول الانسان المتوسط ماديا وتوافر الصنايعيه

بص يا باشا انا كان معاى حوالى 50 الف وبدور على عربيه فيها كل المميزات دى وهتكلم بكل صراحه ومش عشان انا مالك للنوبيرا هقولك هاتها وانا لو مكانك ف الحاله دى مش هجيبها لانى ممكن اجيب احسن منها

1-واسعه اوى لانسر . النترا . نوبيرا
2-موتور قوى ف كل اللى فوق الجولف 4
3- للثبات البى ام دبليو والجولف مفيش حاجه تغلبهم ف كل المذكورين
4-متانه بمعنى قوه صاج يبقى البى ام . والجولف 4 برضه
5- قطع غيار متوفرة وسعرها متوسط يمكن تحمله لشاب في بداية حياته .. النترا . نوبيرا . لانسر .
6-توافر الصنايعيه الي بيفهموا فتصليحها عشان متوهش
نوبيرا . النترا. لانسر .



عاوز بالسعر ده يبقى ارشحلك بقوه متسوبيشي لانسر 1600 2004-2006
عربيه حديثه وف نفس الوقت عمليه جدا ف مصر و قطع غيارها منتشره ويابانى وواسعه واعتقد متوافر فيها كل اللى نفسك فيه

انا مالك للنوبيرا ولكن بصراحه السعر اللى معاك يجيبلك احسن منها بشرط الحاله طبعا .. واللى خلى معاى النوبيرا انها كانت احسن عربيه ف حدود ال 50 الف يتوافر فيها كل ما سبق ذكره بنسبه طبعا تتفاوت عن الباقى

المشاركة الأصلية كتبت بواسطة mlebeid

ابعد عن النوبيرا - سيارة فاشلة بكل المقاييس
الثبات يبقى ألماني والالنترا كويسة
لو عايز قطع غيار أسعارها معقولة ابعد عن الألماني
كده يبقى اختار بين السيفيك والالنترا
أنا جربت الجولف والسيفيك وحالياً البي ام

النوبيرا فاشله بكل المقاييس ؟

مبدأيا شكرا على الرد عندي كذا ملاحظه في ناس تحب النوبيرا جداا وناس بتكرها جدا مفيش وسط
انا نفسي اركب بي ام بجد بس خايف اتلسع ولسعتها وحشة اوي
وخايف من الصنايعي اكتر من قطع الغيار
الهوندا معلوماتي عن قطع غيارها صفر ارجو الافادة
الانسر زي الرز وده عيبها وقطع غيارها غالية حبتين
مش عاوز اركب كوري عشان مبحسهاش عربيات بحسها مناظر
ياريت تدوني رأيكم تاني
انا نفسي اركب عربية على حق بس متوهنيش

الفا روميو 146_او 147_فيها كل حاجة

ال بى ام تتركب 318 لو تقدر عليها يبقى هى اللى تكسب

الانسر ارشحهالك و بشدة :) لانها منتشرة و قطع غيارها متوفرة و درجات يابانى و تيوانى ...الخ و واسعة و تتباع و انت واقف و كمان موديل عالى يعنى ماشية اقل من السيفيك و ال بى ام كمان.

السيفيك عربية لا غبار عليها شد و غرز و حرق 100% انما قطع الغيار معرفش

انا راى تحصر خياراتك ف دول

المشاركة الأصلية كتبت بواسطة semsem kane

بالنسبة للنوبيرا مساحتها تقريبا هية والالنترا واحد والاتنين مناسبين يعنى مش ضيقين ومش واسعين

البى ام طبعا ضيقة بس شغالة لو طولك قليل

الجولف 4 ضيقة طبعا مش عايزة كلام وممكن بالنسبة لناس تانية واسعة حسب الطول والحجم

دة بالنسبة للراحة

* بخصوص الماتور القوى يعنى سريع واستجابتة سريعة يبقى مقدامكش غير الهوندا سيفيك 92-95 si لو هنتكلم على العادى ماشاء الله اقوى واحدة فى المجموعة عن جدارة 1600 سى سى 130 حصان اتوماتيك , يليها الالنترا ماتورها سريع واستجابتة حلوة بس المانيوال بلاش الاتوماتيك , يليها النوبيرا , وبعد كدة الجولف 4 والبى ام فى مرتبة واحدة وطبعا السبب فى ان محركات الجولف 4 هتلاقيها يأما 1.4 سى سى او 1.6 سى سى والاتنين اداء متواضع , كذلك البى ام ال316 لكن لو هتجيب ال318-320 هيبقى فية كلام تانى خالص وهتتحط مع السيفيك وجها لوجة ودة عن تجربة

* الثبات يبقى ماتخرجش عن ثلاثة ( سيفيك - بى ام - جولف ) يليهم النوبيرا واخرهم الالنترا

* اعتمادية وتحمل قطع الغيار ( سيفيك - بى ام دبليو ) والصراحة الاتنين معمرين جداااااااااااااااااااا

* قطع غيار متوافرة طبعا الالنترا والنوبيرا واللانسر بالعبيط ( السيفيك والبى ام اغلى منهم ومتواجدين بردة بس فى مناطق معينة

* السعر ( هيفرق لو هتجيب جديد اصلى ولا جديد يابانى - جديد المانى - جديد صناعات اخرى )

بس عموما بالنسبة للبى ام اسعار قطع غيارها غالية جدا جديدة بس مش غالية استيراد

الهوندا كذلك

الهوندا والفولكس والبى ام محتاجين ناس بتفهم وفيهم ومتخصصة فيهم بس لكن بقية السيارات اى حد بيفهم فيهم

طبعا انا متكلمتش على اللانسر لسببين ان العربية اصلا بطيئة مش سريعة , ثباتها بعد ال130 بيقل , قطع غيارها غالية مش رخيصة , السعر اللى فى نفس الفئة دة يجيبلك واحدة 1300 سى سى يعنى هتبقى بطة بلدى بمعنى الكلمة , لان سعر ال1600 بيبدأ من 65 الف وانت طالع

* اقوى واحدة فى الصاج البى ام بعد كدة كلة صاجة خفيف

* اوطى واحدة فيهم البى ام دبليو , يليها الهوندا , يليها الالنترا , يليها الجولف , والنوبيرا واللانسر فى مستوى واحد تقريبا

نصيحة اركب الست سيارات دول وقرر انت

مبدئيا لو فعلا ال بي ام والجولف ديقين تبقى صدمة حياتي لاني طويل 187 سم ياريت حد يأكد المعلومه دي بس مش عارف هل فعلا ديقه اماال الشاهين تعمل ايه انا راكبها ومحدش بيقعد ورايا خالص السيفيك حلم من احلام حياتي بس بصراحه سمعت ارقام غريبه فقطع غيارها الاسبور وخصوصا حاجة المكن ال اس اي ار ولو زي مانت بتقول يبقى هتروق عند الصنايعية مهوا مش اي حد بيفهم فيها !!!!!!!!! هل ممكن اركب واحد مكانه ستوك 1600 او 1500 تقريبا وقطع غياها تكون فالمتناول
البي ام قريت لستة اسعار قطع غيارها الاستيراد لقيتها متوسطه المساعد ب 250 والتيل برضوا
الجولف معنديش معلومات خالص عنها
اللانسر عربية حلوة بس مع احترامي لكل الي معاهم لانسر العربية بقت عامل زي ال 128 ماليه البلد وي حد راكبها قطع غيارها غالية معرفش ليه اوي كده واحد زميلي انهارده بيقولي عشان يغير الدبرياج هيكلفوا 2000 جنيه !!!!!!!!!!!!!!!!!
انا حاطط النوبيرا والالنترا الشكل القديم اخر اللسته يارب نوصل لحل
ومتشكر على الاهتمام الجميل ده