الموضوع: كل واحد يقول ايه العيوب اللي شايفها في عربيته

بالنسبة للشاهين 1600 انجيكشن موديل 2006.
العيوب :
- صوت المحرك مرتفع.(مع ان ذلك يعتبر ميزة و عيب فى الوقت نفسه, لأن صوت المحرك المرتفع فى الفيات مقصود لتعزيز الطابع الرياضى).
- خشونة القيادة, خاصة فى الدواسات و علبة التروس.
- التكييف متوسط.
- الثبات بعد ال120 أقل من السيارات فى فئتها.
- المقود المزود بمساعد, بفتقد قليلا للدقة.
- الفتيس "بيعض" الصبح.
- تشعر بصعوبة فى قيادة السيارة قبل وصول المحرك الى حرارة التشغيل المثالية.
- السرعة القصوى محددة بواسطة علبة التروس و نسبة التخفيض ب165 كم/ساعة فقط, رغم أن المحرك فى رأيى يمكنه أن يدفعها الى سرعات أعلى.

المشاركة الأصلية كتبت بواسطة ahmodium

بما اننا من اصحاب الفيات
يعني المعمره
يعني المشاكل
كل واحد يقول ايه العيوب للي شايفها في عربيته

انا مثلا عندي بونتو 2003
انا شايف ان عيوبها:
1. البويه أو الدهان بتاعها ضعيف جدا وممكن يتأثر بأي خربوش حتو لو بأظافرك
2. التكييف أي كلام ولا يقارن بالياباني
3.صوت الموتور الى حد ما عالي وملاحظه من أول يوم
4الزجاج الخلفي بتاع العربيه عالي وصغير.... هايتعبك جدا في المارشدير والركن
5.طبعا غير انها ضيقه وشنطتها صغيره والكراسي مش مريحه اوي


يتهيألي الناس كده هاتكره البونتو
بس اصل انا باقارن بينها وبين الهوندا... وحاسس بالفرق(بالرغم ان الهوندا اللي باتكلم عنها موديل 1983 اكورد) بس زي الفل

انت باه ايه اللي مش عاجبك في عربيتك؟

بس لم أفهم جملة "يعنى المشاكل" تلك؟!!
أنا ركبت عربيتين من فيات بالاضافة الى اننا كنا نمتلك سيارة بيجو, و أفدر اقولك انو فيات من أكثر السيارات الاعتمادية التى رأيتها.
الفيات بونتو سيارة اعتمادية جدا و سمعتها جيدة فى هذا المجال, لاحظ أن فيات عموما تشتهر بصوت المحرك المرتفع لتعزيز الطابع الرياضى, كما تشتهر بتفضيلها للأداء الرياضى على حساب الراحة, و هو ما يجعل بعض السائقين غير المتطلبين لا يحبون الفيات, لكن بالنسبة لى أنا أحب هذا الطابع الذى يشعرك بالتحكم الكامل و أنك ملتصق بالطريق.
ثانيا لا تقارن بين الأكورد و البونتو لأن هذه فئة و هذه فئة, قارن مثلا الجراند بونتو بالهوندا سيتى, هتلاقى انو الجراند بونتو تضرب السيتى بالجزمة, فى الأداء و الثبات و التكنولوجيا و كل حاجة.

أنا معايا بولو 99 1000CC

السحب ضعيف عشان 1000CC
التكييف تعبان و أفضل استخدام ليه في السفر (متوسط) لأنه جوه البلد غلبه علي الفاضي

بصراحة مش شايف عيوب أخري
أنا كان معايا 127 قبلها و كانت عيوبها قليلة برضة
الظاهر العيب فيا

فادي باشا

هو فعلا جراند بونتو احسن من سيتي؟؟

انت والله رفعت من روحنا المعنويه

lancer 2008 1600 at
-العفشه نشفه بس بالنسبه لى مش مزعجه

renault clio 2003 1200cc mt

-وانا مركب ناس معايا بحس ان سحب العربيه وحش العربيه 1200 سى سى ومكتوب فى البورشور انها 1149 سى سى
بس لو انا راكب لواحدى او معايا ثلاثه غيرى متوسطين فى الحجم السحب بيكون كويس
-الكنبه الخليه ضيقه شويه
-الصاج ضعيف
-قطع غيار غاليه بمقارنه بالانوس والفرنا

daewoo lanos 19991500cc at

بعد خمس سنوات من الاستخدام العربيه بتفتح بقها
-الاتوماتيك فيا مش بياع
-صاج ضعيف
-الكنبه الخلفيه غير مريحه والكراسى الاماميه واطيه زياده عن اللزوم
-فرامل مش قويه (يمكن علشان العربيه الى معايا كانت اوتوماتيك
-صوت المتور عالى شويه
zaz salavota 2004 1300cc mt
-عربيه ضيقه جدا جدا من جوه
-شكل مش عاطفى
-عفشه بايظه وثبات زى الزفت
-قطع غيار نادره
-تقفيل داخلى تعبان جدا
-صوت ماتور عالى جدا
-سخونه المحرك بتحس وانت بتسوق

المشاركة الأصلية كتبت بواسطة ahmodium

فادي باشا

هو فعلا جراند بونتو احسن من سيتي؟؟

انت والله رفعت من روحنا المعنويه

بالطبع أفضل.
تاريخيا فيات أكثر عراقة من هوندا كثيرا, و اسم أعلى, و هتلاقى انو الجراند بونتو سعرها أغلى من السيتى على ما أعتقد ب10 ألاف أو أكثر.
فى الثبات و الأداء الفيات دائما أفضل من اليابانيات فى هذا المجال, و أداء الجراند بونتو لا غبار عليه.
من ناحية العمر الافتراضى, هتلاقى الجراند بونتو معمرة أكثر, يمكن الهوندا مشاكلها قليلة فى ال5 سنين الأولى, لكن بعد 5-6 سنين هتلاقى الفيات مازالت تحتفظ بأدائها و هتلاقى انو حالتها كويسة, أما الهوندا سيتى فهتحس انها عربية قديمة, انظر الى حالة الهوندا سيفيك موديل 96 و 97 و عاملين ازاى, و بص فى المقابل الى الفيات بونتو موديل 95, و بص للفيات برافا أو ماريا لترى ازاى محتفظين بحالتهم لحد النهاردة.
من ناحية التكنولوجيا, لا يوجد فى هوندا سيتى أى اختراع يذكر سوى اعتماد علبة تروس الكترو هيدروليكية, و دى موجودة فى بعض سيارات فيات منذ التسعينات, هوندا وعيت عليها متأخر و مفيش من كام سنة.
بقى أن نشير أن نظام "الفى تك" التى تتباهى به هوندا و تضعه دائما على مؤخرة سياراتها, هو نظام طورته فيات سنة 1960 و اسمه الأصلى "VVT" يعنى ميصحش تقارن بين شركة مبتكرة للتقنيات و شركة ناقلة لها.