محتاج لكم يا خبراء الأوكتافيا "فانتازيا"

**elsewedy** · 09-10-2011 02:54 PM

السلام عليكم جميعا

يا شباب لو سمحتم محتاج المشورة ضروري جدا

أنا موجود في السعودية و نازل مصر في خلال شهرين تقريبا و ناوي أشتري عربية جديدة أن شاء الله

دلوقتي أنا بين خيارين و حبيت أسألكم بعض الأسئلة يمكن تساعدوني في القرار

أنا ما بين الفلوانس الفئة اللي ب 150 و الفنتازيا اللي ب 191 أو 212

طبعا أنا عارف أن فيه فرق كبير في الفلوس أيه رأيكم لو هذا الفرق مش مشكلة أوي بالنسبة لي.

الفلوانس ليها مزايا (اللي حببني فيا الكلام اللي بسمعه في منتدى الرينو خصوصا الأخ Bukla) لكن ليها برضو عيوب

أسئلتي هي:

1. ما هي أهم عيوب الفنتازيا أليجانس من واقع التجربة أو معلومات أكيدة

2. هل من الضروري أستعمال بنزين 95 ؟

3. بالنسبة لأعلى فئة : أنا سامع أنها متخشبة من الداخل هل يوجد فيها فرش جلد غير الأسود؟

4. أخبار الوكيل أيه؟

5. أيه أحلى الألوان من وجهة نظر الجميع؟

معلش على الأسئلة الكثيرة و شكرا مقدما على المشاركاتز

**KHALED AYMAN** · 12-10-2011 01:24 AM

1-بعد تجربه 3 عربيات سكودا اوكتافيا ..صوت العفشه مسموع شويه داخل العربيه و بعد فتره بيظهر صوت تزييق خفيف من داخل الابواب الخلفيه (لكن للامانه صوت مش عالى)
2-92 كويس اوى مفيش منه مشكله
3-فعلا فيها ابنوس ..و فى فرش بيج ..
4-ناس بتشكر فيه و ناس مش عاجبها ..لكن وجهه نظرى انه توكيل كويس مقارنه بالى موجود فى مصر ..انا اقيمه ب 8 من 10
5-الابيض تحفه بكل المقاييس و نادر ..حتى هنا سعره ازيد ب 3000 جنيه من باقى الالوان

**elsewedy** · 12-10-2011 01:13 PM

شكرا أخي العزيز على المعلومات
يعنى حضرتك شايف الأبيض أحلى لون فيها؟

و هل الأبيض بتيجي فرش بيج جلد من الداخل؟

المشاركة الأصلية كتبت بواسطة khaled ayman

1-بعد تجربه 3 عربيات سكودا اوكتافيا ..صوت العفشه مسموع شويه داخل العربيه و بعد فتره بيظهر صوت تزييق خفيف من داخل الابواب الخلفيه (لكن للامانه صوت مش عالى)
2-92 كويس اوى مفيش منه مشكله
3-فعلا فيها ابنوس ..و فى فرش بيج ..
4-ناس بتشكر فيه و ناس مش عاجبها ..لكن وجهه نظرى انه توكيل كويس مقارنه بالى موجود فى مصر ..انا اقيمه ب 8 من 10
5-الابيض تحفه بكل المقاييس و نادر ..حتى هنا سعره ازيد ب 3000 جنيه من باقى الالوان

**KHALED AYMAN** · 13-10-2011 01:17 AM

انا شايف الابيض احلى لون ..و بصراحه شايف الاسود من جوا احلى لون
لكن حضرتك تقدر تجيبها ابيض فرش بيج ..عادى جدا

**inspiron** · 13-10-2011 08:56 PM

بالنسبة لصوت العفشة المسموع نسبيا
بعد البحث إتضحلي إن ضغط الكاوتش بيكون مظبوط علي 32...وطبعا ده عالي.فخليته 28 ونيتروجين.وكانت النتيجة مذهلة.بقيت هادية جدا..ده السبب الأول..السبب التاني في الصوت إن الكاوتش اللي نازل فيها كونتيننتال وعلي الرغم من إنه الأفضل في الموجودين..بس عيبه إنه خشن شوية.

بالنسبة لصوت التزييق فالعربية معايا سنة ونص والحمدلله محصلش الموضوع ده فيها..

بالنسبة للون فعلا زي ما خالد باشا قال...الأبيض ....إشي خياااال يا ناااس.

بالنسبة للتوكيل فأنا واحد من الناس مش بحترم معاملتهم.