الموضوع: فتيس dsg حقائق ومعلومات !

هاني باشا ، أشكرك على التوضيح عن طريق شرح لوقائع ، هو دة المطلوب ،
لكن تعليقي على الكلام إلي فات إن احنا نستخدم استنتاجات ونؤكدها على انها وقائع وحقائق ، وهو دة إلي أنا كنت برد عليه ، ما تزعلش مني برضه ، لكن هو دة إلي مفروض نتجنبه ، بمعنى إن لواحد لو عنده معلومة أو رقم أو حقيقة مؤكدة يقولها ، عشان تفيد الناس، تخيل كدة إن واحد ممكن من المعلومات دي ييجي في دماغه حل أو إبتكار أو يشغل دماغه ذي ما حضرتك قلت ويتطلع بحل منطقي لكل الناs ،


لو تلاحظ أنا مش بعلق ولا برحاول أتكلم في حاجات من نوعية التوكيل حرامي ونصاب ولا كل العربيات إلي فيها DSG وحشة ولا الناس بتبيع عربياتها ليه وبكام ، عرف ليه ؟ .. أكيد مش عشان أنا مش عرف أقول كلام وحش ولا عشان أعمل دعاية ذي م احضرتك بتقول ، أنا مش بتكلم في الجانب دة عشان معنديش أرقام ، مش عارف كام عربية إتباعت ولا كم وحدة منها فيها DSG ولا كام وحدة اصحابها باعوها تاني عشان مش عجبهم الفتيس أو عشان طلع بايظ ولا عارف حاجات كتير .. عشان أحكم على السوق لازم أكون دارس السوق !!! ، لكن مجرد إستنتاج بدون معلومة .. يبقى أنا بفتي و دي مش حاجة كويسة ولا بتفيد حد بالعكس ممكن تضلل ناس .


على فكرة ذي ما حضرتك جربت DSG أنا كمان جربته ، وكمان عندي أصحاب كتير معهم العربية ، وفيهن ناس غيرته ، وناس برضه عدت بيه 50 ألف ولسة محصلش فيه مشاكل ، وناس تانية عندها رعشة ومش حاسين انها مزعجة قوي ، أو بمعنى أصح إتعودو عليها وتعاملوا معها ، بس أصحابي أو معرفي مش هما المقياس ، لأنهم مش كل الناس ولأن حتى ما بينهم كل واحد عند حالة غير التانية !


هديلك مثل ازاي المعلومات دي ممكن تكون مفيدة ، في واحد صاحبي برضه كان بيشتكي من الرعشة ، وأخد باله انها ديماً بتيجي في الزحمة وديماً لم بيطلع على التاني ، قعد يدور لم عرف إن الفتيس مانوال ، عارف عمل إيه ؟
لما فكر مع نفسه قالك في المنوال لم بطلع على التاني لازم ترعش ، إلا لو دست دبرياج ، و أنا كدة مفيش عندي دبرياج ، يبقى لازم أخليها تجيب أول ، وكل إلي عمله إنه لما بييجي في الزحمة بيجبها على M و وبالتالي بتطلع على الاول وبدون رعشة .


اتمنى تكون فهمت وجهة نظري وماتزعلش مني عشان علقت على إستنتاج حضرتك السابق .

استاذ فرحات صباح الخير
1-اعتقد ان تجربة حضرتك للفتيس مش بقدر تجربتي عشان انا عملت بيه 27500 كم
2-التوكيل مش وحش بدليل انه بيغير بس الظروف اقوى منه
3-زي مانا مصدق حضرتك انه بيعمل 50000 كم يبقى تصدقني لما اقول لك انه في 2009 كان بيعمل كيلو متر قليل غير اللي نزل بايظ اصلا و حاليا ظهرت مشاكل 2010 في عربيات كانت سليمه و زي الفل وانا سوقتها بنفسي و هي جديده واللي راكبنها ناس كبيره ما يعرفوش يعني ايه كيك داون اصلا فالموضوع لازم فيه الاستنتاجات اللي مش محتاجه نباهه و خصوصا ان حضرتك مهندس واللي بيكلم حضرتك مهندس الكترونيات فنستبعد موضوع الفتي وانا عارف ان فيه مشاكل كتيره بحكم اني روحت التوكيل فوق العشرين مره واتصاحبت على كل الناس اللي عندها مشاكل تقولش ضحايا الريان و على اتصال مع بعض وبيكلموني عشان يسألوني عن الحلول المتاحه و حاليا اعز اصحابي عرفتهم من التوكيل وبنخرج و نسافر مع بعض اهو الموضوع طلع بفايده
4-حضرتك انا المفروض راكب عربيه اوتوماتيك اللي الناس بتجيبها عشان الزحمه انما تقول لي اجيبها ستب ترونيك طول مانا ماشي في الزحمه و تفضل ايدي على عصايه الفتيس يبقى الموضوع فيه حاجه غلط عشان استخدام الخاصيه دي بتكون و انا ماشي و عايز اعدي عربيه مثلا و اثبت النقله و اتحكم في الفتيس واول ما الطريق يبقى طوالي او يقف ارجع ل d تاني و الحركه دي للناس اللي بتجب تجري
5-لما تكون التكنولوجيا القديمه تعيش 1500000 على الاقل في المتوسط وده للاوتو العادي المفروض الجديده ماتقلش ان ما زادتش كمان مش تبقى ربع عمرها بعد التعديلات يبقى اسف في الكلمه قمه التهريج
ارجو خلافنا في الرأي لا يفسد للود قضيه

ده على كده الفتيس الدوالوجيك بتاع فيات ده نعمة رهيبة .. من الوصف كده حاسس إن هوه نفس الإحساس في النتشة وبيعتمد برضه على حساسية الدوسة على البنزين والفرامل .. وكمان محتاج تحطه على n في اللإشارات ..

بس مسمعتش إن فتيس ضرب من حد بالمعدل بتاع فولكس ده .. غير إللي مبيغيرش زيت السلسبيد بدري عن الطبيعي .. هوه بس إللي الفتيس بيضرب منه ..

وبالتالي ليه فولكس متستخدمش التكنولوجي بتاعت السلسبيد (دوالوجيك) بدل الdsg على أساس إن الإتنين بيحققوا نفس المميزات ..

الكلام ده طبعا بناءا عن تجربة ال dual logic في الجراند بونتو .. وسماعا بس عن الdsg

إيه رأي الخبراء هنا في الموضوع الأكثر من رائع ده :)

المشاركة الأصلية كتبت بواسطة elysmeen

هل الفتيس محتاج يغير زيت على كيلو معين

هي دي ميزة من مميزات الفتيس دة ، إنه بيستخدم نوعين زيت في نفس الوقت ، أو بمعنى أصح فيه خزنتين زيت ، زيت للتروس وزيت لمجموعة التحكم في الفتيس (البادي فالف )،
زيت التروس دة عبارة عن زيت منوال عادي وبالتالي عمره أطول كتير ، ومش هتحتج غير تزوده لو نقص ، ودة حوالي كيلو ونص .
وزيت الهيدروليك دة ذي زيت الباور العادي ودة برضه مفيش فيه تروس بتحرك ولا حاجة ، وبالتالي مفيش فيه رايش أو مشاكل ، ومفيش عليه سخونة عالية ، يعني عمره طويل جداً ،ولفتيس فيه كيلو زيت من النوع دة .
أعتقد كدة مش محتاج تغير الزيت ، وحتى لو فكرت تغيره بعد فترة طويلة جداً مش هيكون فيه مشكلة ذي الفتيس الاوتو ويتغير بمنتهى السهولة وغير مكلف .

المشاركة الأصلية كتبت بواسطة ammar

ده على كده الفتيس الدوالوجيك بتاع فيات ده نعمة رهيبة .. من الوصف كده حاسس إن هوه نفس الإحساس في النتشة وبيعتمد برضه على حساسية الدوسة على البنزين والفرامل .. وكمان محتاج تحطه على n في اللإشارات ..

بس مسمعتش إن فتيس ضرب من حد بالمعدل بتاع فولكس ده .. غير إللي مبيغيرش زيت السلسبيد بدري عن الطبيعي .. هوه بس إللي الفتيس بيضرب منه ..

وبالتالي ليه فولكس متستخدمش التكنولوجي بتاعت السلسبيد (دوالوجيك) بدل الdsg على أساس إن الإتنين بيحققوا نفس المميزات ..

الكلام ده طبعا بناءا عن تجربة ال dual logic في الجراند بونتو .. وسماعا بس عن الdsg

إيه رأي الخبراء هنا في الموضوع الأكثر من رائع ده :)

معلش اسمح لي يا باشا ، هما مش نفس الفتيس ، الدول لوجيك هو فتيس عادي مانوال بدون أي تعديل في الفتيس ، التعديل كله في دواس الدبرياج ، شالح الدواس (مجرد دواس القدم بتاع الدبرياج ) و عملوا مكانه دواس كهربا .
لكن ال-dsg الفتيس نفسه متغير ، من ناحية التركيب هو 2 فتيس جوا بعض كل واحد ليه نفس مكونات فتيس كامل لكن راكبين جنب بعد ، ومن ناحية مجموعة الدبرياج دول اتنين مش واحد ، والاتنين ليهم دواستين بس كهربا عشان الكنترول هو إلي يعرف يتحكم في التزامن ما بينهم (عشان مفيش بني أدم عنده 3 رجول يخلي 2 منهم للدبرياجين ووحدة للبنزين :)) )


وبالتالي ما ينفعش نقول ليه الشركة دي مستعملتش تكنولوجيا دي ولا دي تستعمل تكنولجيا دي ، دول حاجتين مختلفين تماماً .


صحيح فيه ناس مش مرتاحة في أسلوب قيادة الدوالوجيك وبتشتكي منه وفيه ناس عجبها ، لكن حضرتك ما سمعتش عن شكاوى في الدول لوجيك وسمعت عن فتيس ال-dsg عشان شوف حضرتك كام عربية جراند بونتو وبرافو إتباعت في مصر فيها دوا لوجيك وكام عربية غولف وجيتا وباسات فيها dsg

تقبل تحياتي