الموضوع: حجزت سيراتو زخايف من السرقة

احسن حل هو الجراج مهما كان بكام

المشاركة الأصلية كتبت بواسطة nice_bird

بسيطة عندك كذا طريقة
1- تجيب قفل داخلي (قفل دريكسيون او للفتيس او الدواسات ) ودا مالي الدنيا وكلو ب 80 ج
2- تركب انذار صوتو عالي زي wolf , spy
3-ودي الاهم تركن العربية في مكان كويس (متركنش في حتة مقطوعة او حته منظرها لبش وكدا)

أنا فعلاً كنت ناوي إن شاء الله أول حاجة هجيبها هو القفل بتاع الدركسيون ده
أما بالنسبة للإنذار هركبه في التوكيل إن شاء الله، عشان مش حابب حد يلعب في الكهربا بتاعة العربية من أولها كده وكمان عشان الضمان

المشاركة الأصلية كتبت بواسطة moshaks

قل لَنْ يُصِيبَنَا إِلَّا مَا كَتَبَ اللَّهُ لَنَا
صدق الله العظيم
اولا الف مبروك وربنا يديك خيرها ويكفيك شرها
تانى حاجة قدر الامكان تأمن نفسك وتركنها فى جراج مضمون
وقدر الامكان حاول تعمل عند الكهربائى زرار خفى يفصل بيه الكهربة عن العربية علشان محدش يعرف يدورها
بس يكون الكهربائى ده بعيد جدا عنك ولا يعرفك ولا تعرفه واتاكد ان مفيش حد ماشى وراك بعد متمشى من عنده
ولو مفهاش انذار اشترى واحد وركبه لو مكنش هيخرجك من الضمان
وبقيت الاخوة ينصحوك ان شاء الله
وربنا يكرمك وتستمتع بيها

صدق الله العظيم، والله أنا صليت أكتر من خمس مرات استخارة ، والواحد هيحطاط ويأخذ بالأسباب، وفي النهاية لا يوجد ما يمنع القدر، فربنا يستر إن شاء الله
بالنسبة بأه لموضوع الجراج ده، انا اعرف واحد عربيته اتسرقت من الجراج نفسة :))
وده بيحصل في إحتمالتين:
1_ حرامي يدخل يسرق المفاتيح من غرفة السايس والعربية إللي تنور معاه ياخدها ويهرب ، طبعا مابيكونش لوحده
2_ ممكن سايس الجراج نفسه يطلع نسخة من المفتاح ويكون بايعه لحد تاني أو متوانس معاه، وساعة السرقة، انا ماليش دعوة يا بيه ماهو المفتاح موجود

المشاركة الأصلية كتبت بواسطة rsarabia

احسن حل هو الجراج مهما كان بكام

أشكرك يا أستاذي الفاضل ولكن زي ما جاوبت موضوع الجراج برضه مش مضمون

السؤال إللي انا عاوز أتأكد منه بأه، هل فعلا موضوع سرقة المفتاح الماستر ده إللي سمعنا عنه من فترة؟؟ ولا إيه الحكاية بظبط؟؟