النترا 2012 اول فئه مانيوال ولا هوندا سيفيك الاتنين 1180002009

**tit** · 11-10-2011 10:38 PM

من فضلكم انا محتار جدا فى الموضوع ده لان الهوندا2009 عربيه معروفه وغنيه عن التعريف ولكن استعمال.... والالنترا زيرو وعربيه شيك وحديثه والناس بتشكر فيها بس اقل فئه
مع العلم ان الاتنين نفس السعر 118000 وده اخرى خالص فبرجاء الافاده ضرورى وشكرا

**devil_storm** · 11-10-2011 10:58 PM

لو كنت قلت الالنترا الهاى لاين اللى فيها ايرباجز و abs كنت قلت الالنترا الجديدة طبعا و كفاية ان فى فرق 3 سنين بينهم يعنى الهوندا خلصت الضمان, لكن كده انت صعبتها قوى بموضوع الالنترا اول فئة!!!
طب يا ريت تقول الهوندا حالتها اية و انهى فئة و عاملة كام الف كيلو علشان الاعضاء يقدرو يفيدوك.
انا عجبانى الالنترا الجديدة قوى و الريفيوهات العالمية عليها جيبها فى السما, بس بلاش اول فئة دى.

**أبو ياسين** · 11-10-2011 11:02 PM

لو الهوندا حالتها حلوه و مفيهاش مصاريف خدها لاكتر من سبب
بيتهيقلى قطع غيرها موجوده و هتلقيها بنفس سعر الانترا و يمكن ارخص
سعر الزيرو بيقل بعد الشراء عند اعاده البيع

**yalahwy2010** · 12-10-2011 09:07 AM

أسعار قطع غيار الهوندا غالية
لكن الالنترا عشان لسة زيرو..........غالية دلوقتى
لكن المعروف من الهيونداى انها بتبقى غالية فى الأول وبعد كدة ترخص خالص
أنا رأى.......الالنترا ......بس حاول تجيب حاجة abs ...وبص على الخليجى برضه
وبالتوفيق

**szaalouk** · 12-10-2011 11:17 AM

هوندا ......هوندا......هوندا حتي لو عظم في قفه .
مش حاقول كوري و ياباني و الكلام اللي اتقتل بحث و مناقشات مع العلم اني لا اعترف بالكوري مهما اتطور و مهما غير من انظمته ده لأن اليابانيين كمان ما بيلعبوش بلاي ستيشن و بيطوروا هما كمان .
كفايه اقوللك ان الهوندا هي اعلي سياره ياباني من حيث جوده الخامات المستخدمه و من حيث طول عمر التشغيل ( مقارنه بباقي اليابانيات ) و من حيث الأعتماديه في التشغيل و من حيث ان قيادتها مختلفه قلبا و قالبا عن باقي اخواتها.
استخير ربنا و توكل علي الله و انشاء الله لن تندم ابدا مع الهوندا .

تحياتي .