دبى واللوجان

**amen** · 12-10-2011 01:26 PM

السلام عليكم يااخوانى الاعزاء انا الان فى دبى لحضور احد معارض التكنولوجيا جيتكس وسايب العربيه بدون صيانه ال10 الاف لكن مش مهم لما ارجع يوم الجمعه انشاء الله ابق اعملها لكن المهم بقى واللى صدمنى هو الحضور الضعييييييييييييييف جدا للعربيه هنا فى دبى ورينو بشكل عام انا شوفت اتنين لوجان وواحده سانديرو وواحده ميجان ودى شوفتها فى راس الخيمه مش دبى
وانا عارف ان التواجد الاوروبى ضعيف لكن لفت نظرى لما شوفت العربيه السانديرو عن قرب لانها كانت راكنه ان تقفيلها يبدو انه جيد جدا وكمان اوتوماتيك
ومفاجاه تانيه انى سالت احد العارضين رومانى الجنسيه وفاجانى ان العربيه هناك زى ال28 عندنا وسعرها للفاضيه 10 الاف دولار لكن اللى ضايقن انه قال ان العربيه رغم انها قويه جدا لكن ماركد داتشيا مش محبوبه فى رومانيا وده لان عندهم نفس مشكلتنا هناك ..عقده الخواجه
اه نسيت اقول انى لقيت هناك فرش ووتر بوف بسعر لايتجاوز ال80ة جنيه لكن للاسف خايف اجيبه وكل اللى محتاج اى استفسار من دبى انا فى الخدمه

**mostafamndy** · 12-10-2011 04:13 PM

ترجع بالسلامة ...

**amrelzawawy** · 12-10-2011 05:14 PM

اللوجان فاضيه فى الخليج بموتور 16 صمام ب10 الاف دولار يعنى 60 الف جنيه فاضيه يعنى مش فرق كبير عن سعرها فى مصر بموتور 8 صمام

**amriar** · 13-10-2011 01:32 AM

انا شايف اللودان اليوم في قطر .. ما كنتش مصدق بس في عربيات رينو كتير هنا

**amen** · 13-10-2011 02:16 PM

انا قصدى انا سالت الراجل الرومانى على سعرها فى رومانيا فقال انها 10 الاف دولار

**frhateg** · 14-10-2011 04:01 PM

معظم دول الخليج عربيتهم ياباني أو امريكي . نادر فيها العربيات الأوروبي . المهم ترجع بالسلامة .

**ghosty1313** · 03-11-2011 06:22 PM

صعب تلاقى اوربى اصلا فى الخليج, كله يابانى او امريكانى

اللوجان موجوده فى اوروبا وشوفتها فى تركيا كتير جدا
والرينو عموما عامله غزو لاوربا بس هتلاقى اللوجان فى فى معظم الدول الاوروبيه اسمها داتشيا لوجان مش رينو لوجان

فى تركيا هتلاقى اللوجان شغاله تاكسيات بس داتشيا.. وفى تركيا اساسا معظم العربيات رينو اكتر من اى ماركه تانيه

وفى اسبانيا موجوده داتشيا ورينو لوجان بس المنتشر اكتر ال 7 راكب لانهم بيحبوا السيارات العمليه

وهتلاقيها منتشره بكثافه فى دول شمال افريقيا من اول ليبيا لحد المغرب
امريكا تقريبا ماتلاقيش رينو فيها اصلا