نقل الرخصه من مرور مدينه نصر للسلام

**totti78ali** · 12-10-2011 07:59 PM

الحمد لله ربنا اكرمنى بشراء عربيه هوندا سيفك بعد رحله بحث هى الموتور بتعها مختاج عمره
بس مش هى دى المشكله الى ان عاوز استفسر عنها فى النشاركه دى
المشكله ان العربيه تبع مرور مدينه نصر و انا بحكم السكن بتبع مرور السلام
انا معايه الغقد المسجل و شهاده المخالفات بس مش عارف المفرود ارخص من السلام علطول وله لازم اروخ مرور مدينه نصر
تقبلو فائق احترامى

**أبو صلاح** · 12-10-2011 08:14 PM

لا على الوضع الحالي بعد التعديلات
هتروح مدينة السلام
وتدخل على شباك صرف اللوحات وتجيب بيان صرف لوحات
وبعدين تروح على شباك المخالفات وتطلع شهادة مخالفات
وبعدن تشتري نماذج فحص سيارة
تروح تفحص العربية والطفاية
وبعدين تروح تدفع التأمبن الاجباري بعدد السنوات اللي انت عايزها
وبعدين تشتري نماذج الترخيص بعدد السنوات اللي انت عايزها
وبعدين تحط ده كله في ملف (اشتريه من الناس اللي واقفة في الجراج بتاع العربيات الي هو على شمال باب المرور وخش اركن في الجراج هو كان ب 3 جنيه تقريبا بس احسن من بلطجية الشارع وبيديلك تذكرة ) وتخش على شباك التراخيص وتطلع الرخصة
خلي معاك احتياطي نسختين من كل ورقة لاي ظروف
وبعد لما تستلم الرخصة تروح شباك صرف اللوحات وتاخد النمر
ويعدها تحمد ربنا انك خرجت من مرور السلام عايش ولسه على رجليك

نصيحة : يعتبر درب من الخيال انك تخلص كله في يوم واحد حاول تقسمهم على يومين او ثلاثة
بحيث انه يكون وقوفك في شباك الترخيص ده يوم لوحده مع استلام الرخصة والنمر لان الموضوع بيطول جدا والافضل في اليوم ده بالذات تكون في المرور الساعة 7.30 امام الباب علشان تكون في اول الطابور