شوية افكار كده علي السريع

**Moustafa.yonis** · 13-10-2011 11:43 AM

كنت في توكيل رينو اللي في المقطم
كنت لاحظت ان اللمبة اللي بتنور ورا لما ادوس فرامل بتنور علي طول
المهم رحت الراجل قالي انها بس عايزة تتظبط، وخلصتها علي طول

المهم لقيت واحد واقف قبلي كان هيعمل صيانة ال 15 بس كان عفريت
قالي علي شوية افكار

1- هو عامل فرش جلد.... قالي ان اسبير كار كان عامل عرض انك تشتري 2 فرش تاخد واحد هدية ، فهو شاف تلاته وراحوا جابوا الفرش وقف عليهم ب 180 جنية ومش عارف هل العرض ده لسه ساري او فيه عروض لسه بتنزل كده ، لو فيه كده يبقي ممكن نظبط اي تلاته ونستفيد باي عرض
وممكن نعمل تواصل بين سيبر كار ونايل موتورز

2- هو حاطط في الارضية مشمع بلاستك شفاف سميك علشان لو مية وقعت او حاجه وبيكون سهل التنظيف..........قالي ان العربية والشنطة احتاجوا 4 متر وكانوا ب 100 جنية يعني المتر 25
لكن هو عمله في الخدمة الوطنية لانه يعرف حد في الجيش

3- الراجل مش حاطط لا انذار ولا قفل وبيعتمد علي ان العربية فيها درجة من الامان
وعنده يقين ان العربية لو نصيبها تتسرق يبقي هتتسرق هتتسرق حتي لو عملت ايه

لكن قالي علي فكرة مجنونة كده- علي الاقل بالنسبة لي- قالي افتح الكبوت، وراني فيوز الكهربا
حاجه كده بكلبس راح فك الكلبس ولكن سابه متشنكل اكنه متوصل يعني
وقالي دور كده طبعا العربية لم تدور
فكرة حلوة لو الواحد هيسيب عربيته لفترة ويكون الحرامي مش ميكانيكي

انا مش عارف المعلومات دي قد ايه ممكن تكون مفيدة لاي حد ولا لئه بس انا حابب ان اي معلومة اعرفها لا ابخل بيها علي المنتدي لاني استفدت منه كتير
وجزاكم الله خيرا

**mostafamndy** · 13-10-2011 02:03 PM

جزاكم الله خيرا ...
وأنا معاك فى الفرش يلا بقى عاوزين حد ثالث ...

**Moustafa.yonis** · 13-10-2011 03:14 PM

يبقي خليني اتصل بسبير كار واشوف هل العرض لسه ساري ولا لئه
او ايه العرروض الموجودة

**MOUSTAFA_SAAD** · 13-10-2011 05:05 PM

شكرا على هذه الافكار
بسحكاية الكلبس دية عاوزك تتاكد من مكانه وتعرفنا بيه

**Moustafa.yonis** · 13-10-2011 05:47 PM

لو ربنا سهل وانا جيت اسكندرية بكرة

ممكن اوريهالك عملي

فكرة السفر حلوة لكن الواحد مكسل شوية

**frhateg** · 14-10-2011 03:57 PM

ممكن تصور مكان الكلبس . بس انا اعرف ان لوجي فيها امبوليزر و متدورش الا بمفتحها الأصلي .

**medo_fam** · 21-10-2011 11:25 PM

جزاك الله خيرا

**mostafamndy** · 24-10-2011 01:59 PM

ايه يا نجم ...
أيه أخر أخبار موضوع الفرش ...

**hf2m2002** · 24-10-2011 08:47 PM

انا اللي اعرفه ياجماعة ان الامبولايز في اللوجان يخلي العربيه عمرها ماهتتسرق حتى لو تم كسر بيت المفتاح والتوصيل بالسلكتين العربيه مش هاتدور ده اللى النا اعرفه يعني ارمي اللوجي في اي حته ومش ممكن حد يقدر ياخدها الا اذا كان جايب معاه ونش عشان يرفعها والله اعلى واعلم وتقبلو مروري

**wael30003** · 24-10-2011 08:58 PM

موضوع الفرش انا معاكم فيه وموضوع الكلبس نسأل اى كهربائى يقولك على مكانه بس انا لسه ان شاء الله هاستلم اخر الشهر

الموضوع: شوية افكار كده علي السريع

LinkBack

أدوات الموضوع

عرض

-

-

المواضيع المتشابهه

شوية اسئلة على السريع علشان باظبط العربية

508 شوية صور و افلام و بيانات في السريع

شوية كماليات للنوبيرا حد عندو افكار؟؟؟

شوية استفسارات علي السريع من خبراء نيسان صني وارجو الرد

افكار ... افكار... الاجتماع التاسيسسى للرابطه

الكلمات الدلالية لهذا الموضوع

المفضلات

المفضلات

ضوابط المشاركة