الموضوع: استفسار بخصوص فوانيس الشبورة ..... لانوس 2

بما ان الواحد هايعمل دايرة خارجية

ودى الدايرة الاساسية لنور الشبورة

وعلى حد علمى .... ان الكات اوت له دايرتين كهرباء ( الاولى لتشغيله الموجودة بالصورة بالرقام 86 و 85 ) ودى مالهاش علاقة باللمبتين 100 وات
والثانية اللى هى دايرة النور

ينفع اسيب كل حاجة كما هى واغير السلك اللى جاى من البطارية الى الكاتوت عند 30 -87 ورايح على الفوانيس


وحاجة كمان محتاج مساعتدكم فيها
عندى العربية هاف اوبشن فيها فيش لفوانيس الشبورة لكن من غير فيشة للزرار بتاعهم فعلشان اوصل كل حاجة تمام وكمان لمبة نور الشبورة تنور

اولا يعنى ايه splice الموجودة كا s203 s204 والتوصيل ليهم عادى ولا فى مشكلة
ثانيا : خرج المفتاح 5و7 اربطهم مع بعض واخرج سلكين لـ c202 والتانى لفيشة العدادات الموجودة فى النص عند المدخل 17

كه تمام ولا فى غلط

المشاركة الأصلية كتبت بواسطة VANTROY

بما ان الواحد هايعمل دايرة خارجية

ودى الدايرة الاساسية لنور الشبورة

وعلى حد علمى .... ان الكات اوت له دايرتين كهرباء ( الاولى لتشغيله الموجودة بالصورة بالرقام 86 و 85 ) ودى مالهاش علاقة باللمبتين 100 وات
والثانية اللى هى دايرة النور

ينفع اسيب كل حاجة كما هى واغير السلك اللى جاى من البطارية الى الكاتوت عند 30 -87 ورايح على الفوانيس


وحاجة كمان محتاج مساعتدكم فيها
عندى العربية هاف اوبشن فيها فيش لفوانيس الشبورة لكن من غير فيشة للزرار بتاعهم فعلشان اوصل كل حاجة تمام وكمان لمبة نور الشبورة تنور

اولا يعنى ايه splice الموجودة كا s203 s204 والتوصيل ليهم عادى ولا فى مشكلة
ثانيا : خرج المفتاح 5و7 اربطهم مع بعض واخرج سلكين لـ c202 والتانى لفيشة العدادات الموجودة فى النص عند المدخل 17

كه تمام ولا فى غلط

splice يعني مشترك اسلاك

ان قريت عن توصيل فوانيس الشبوره في كذا موضوع و كانت الخلاصه اللي وصلت ليها
انك تشتري دراع النور المتعدد الوظائف Multifunction و تستخدم دايره العربيه زي ماهيه باستخدام الكتاوت الاصلي طالما انت بستخدم اللمض ال 55 وات

يفضل توصيل كتاوت خارجي كعامل امان

لو انت عاوز توصل كتاوت خارجي
خد دخله (الطرف 86) من فيشة الشبوره و خلاص

لو انت عاوز تستخدم المفتاح اللي انت اشتريته
خلاص وصل زي التوصيله الاصليه
توصل الطرفين 6 و 8 على نور التابلوه (اكيد هتاخدهو من ضفيره العربيه)
الطرفين 5و7 على الطرف 86 بتاع الكتاوت
الطرفين 2 و 3 ارضي على اي صاموله في جسم العربيه
بس طالما انت عملت ده كله يبقى متجيش ناحية ال splice ووصل علطول على كتاوت خارجي و خلاص

وده رايي الشخصي
و انتظر التاكيد باقي الزملاء

الكهربائى عمل توصيلة الزرار زى ما قلت كده بالظبط - بعد مجادلة دامت عدة دقائق - .... ربط 5و6 مع بعض وشد منهم سكل خارجى لـ86 وهو راكب فى مكانه .... يعنى ضفيرة العربية ما فيش حد جه جنبها ...

بالنسبة للنور فهو واطى جدا ... فاشتريت لمبتين 100 ولذلك عايز اركب كات اوت كلكس ليهم ... واشد سلك 2 ملم من الكات اوت للفوانيس علشان الاحمال- ولا ممكن الضفيرة تشيل عادى ال 100 وات


بالنسبة لدراع النور دا سعره كام؟ وهل تركيبه محتاج قطع فى الضفيرة ؟

المشاركة الأصلية كتبت بواسطة VANTROY

الكهربائى عمل توصيلة الزرار زى ما قلت كده بالظبط - بعد مجادلة دامت عدة دقائق - .... ربط 5و6 مع بعض وشد منهم سكل خارجى لـ86 وهو راكب فى مكانه .... يعنى ضفيرة العربية ما فيش حد جه جنبها ...

الف مبروك عالتركيب


بالنسبة للنور فهو واطى جدا ... فاشتريت لمبتين 100 ولذلك عايز اركب كات اوت كلكس ليهم ... واشد سلك 2 ملم من الكات اوت للفوانيس علشان الاحمال- ولا ممكن الضفيرة تشيل عادى ال 100 وات

انا سمعت ان ضفيرة اللانوس ممكن تشيل لحد 100 بس انا مش مقتنع و استحاله اجرب
طالما انت مستخدم سلك خارجي موصله ل الطرف 86 و مستخدم كتاوت خارجي اعتقد مفيش مشكله اهم حاجه السلك اللي بعد الكتاوت الخارجي

بالنسبة لدراع النور دا سعره كام؟ وهل تركيبه محتاج قطع فى الضفيرة ؟



انا معرفش سعره كام
ممكن حضرتك تسأل عند بتوع الاستيراد و يا ريت لو عرفت تقولي
بس الناس بتركبه علشان متجيش ناحية الضفيره خالص و لا اي شغل من اي نوع في العربيه على اساس انها تبقى زي العربيه الكامله بالظبط

ممكن حضرتك تبص على الموضوعين دول

http://www.nilemotors.net/Nile/243287-2.html
http://www.nilemotors.net/Nile/220869-a.html

والله أعلم

الحمد لله امبارح خلصت تركيب ودى تجربتى فى تركيبهم بنفسى

الكهربائى فى اول مرة كان مركب الفوانيس الصينى فى الفيشة بتاعتهم وكان مطلع سلك من الزرار للكات اوت الموجود فى علبة لفيوزات ... شغالين تمام لكن نورهم ضعيف
بصيت على دوائر الكهرباء فى دليل الصيانة وقلت اتوكل على الله واعملهم

اشتريت الاتى
- لمبتين شبورة نور ابيض 100 وات 35 ج
- كات اوت كلكس تركى 10ج
- 10 متر سلك 2مم 12 ج
- فيوز 30 بالقاعدة 2 ج
- شوية كلبسات وغطيان وعروتين 10 وفيشتين توصيل تقريبا بـ 3 ج كلهم
- لمبة نور الشبورة الموجودة فى العدادات بالقاعدة 5 ج
- كيس افيزات اسود صغير لزوم التربيط بالضفيرة
الخطوات:
1- فكيت الفانوسين وغيرت اللمبتين وجربت نورهم ... احسن كتير وكمان شكلهم احسن
2- قسمت سلوك الكات اوت ووصلت الفيوز بالسلك 12 فولت اللى جاى من البطارية وركبت الكات اوت فى مسمار تثبيت علبة الفيوزات من ناحية الرفرف
3- دخلت جوه العربية وفكيت فبر التابلوه وفكيت العدادات ودورت عل لمبة الشبورة فى العدادات طلعت على الشمال وسلكها رقم 8 فى الفيشة الاولى ... انا عندى كان مكان اللمبة ملزوق بلزقة بيضاء ... المهم كان عندى فيشة عدادات قديمة شلت منها سلك التوصيل ووصلته بالفيشة بتاعة العدادات عندى
4- قسمت سلوك الزرار من جديد ... وللاسف كان الكهربائى موصلى نور الشبورة على كهرباء البطارية على طول - شغال لوحده - قسمت الموضوع دا تانى وخليته شغال مع النور الصغير ووصلت الزرار بلمبة الشبورة فى العدادات
5- تقفيل كل حاجة والتجربة

ظبطت ارتفاع الفوانيس ونورهم تمام الحمد لله ....لسة هاجربهم النهادرة بالليل


الموضوع مش صعب ويحتاج شغل 3-4 ساعات ... وهاتعمل الشغل اللى على مزاجك

حبيت انقل تجربتى لحضراتكم