الطريق الى بنى سويف

**ahmedalshora** · 13-10-2011 07:09 PM

السلام عليكم اخوانى الأعزاء :
انا من كفرالزيات محافظة الغربيه ورايح السبت القادم ان شاء الله الى محافظة بنى سويف لان ابن أخى جاله كلية تعليم صناعى هناك ولازم اروح معاه ضرورى السبت القادم .
المهم أنا اعرف الطريق الزراعى جيدا الى محافظة القاهره يعنى لحد الدائرى اللى قبل شبرا بشويه واعرف ايضا طريق الكورنيش من شبرا . ازاى بقى أروح بنى سويف ؟
أرجوا من كل زميل هنا عنده اى معلومه انه يذكرها ويقولى الطريق بالتحديد وواحده واحده واى ملاحظه فى الطريق وحتى العوده مره أخرى . عربيتى لانوس 2011
وشكرا جزيلا لكم

**ahmedalshora** · 13-10-2011 08:54 PM

الرجاء الرد من أهل الخبره بسرعه أرجوكم لانى مسافر السبت صباحا
وجزاكم الله خيرا

**MaZaGAngeE** · 14-10-2011 05:47 AM

بص يا باشا :
قدامك طريق من تلاتة :
1- هتكمل كورنيش و تطلع أوتوستراد و تفضل ماشي باتجاه حلوان لحد ما تعدي 15 مايو و تاخد طريق الكريمات .( أفضل طريق و أسرعهم )
2- هتطلع محور 26 يوليو و تروح ميدان الرماية و تمشي في طريق الفيوم مسافة 25 أو 30 كيلو لحد ما تلاقيطريق أسيوط الغربي و تفضل ماشي فيه حوالي 70 أو 80 كيلو لحد ما تلاقي على يمينك رست الفيومي و بعديه على طول كوبري هتنزل في المخرج اللي على الكوبري باتجاه بني سويف

3- هتفضل ماشي كورنيش على طول لحد ما توصل المعادي و تطلع محور المنيب و تنزل اول ما تعدي النيل و ده شارع البحر الأعظم , هتلف و ترجع من أول يوتيرن و تفضل ماشي على طول لحد ما توصل بني سويف ..( بس الطريق مليان مطبات بالهبل ) .

ما تقلقش خالص من الطريق بالليل أو بالنهار الدنيا عمرانة و الطريق مليان عربيات و كافيتيريات و بنزينات كتير ... و لو تهت اسأل و هتلاقي الناس كلها بتدلك و تساعدك .
توصل بالسلامة و لو عزت حاجة أو تهت في اي حتة كلمني
01000785234
01147540303
عمر الصاوي

**mohamedbook** · 14-10-2011 06:59 AM

زي مالبشمهندس عمر وصفلك الطرق كلها بالترتيب

انا ارشجلك نفس الطريق - طريق الكريمات الاولاني هو احسن طريق واسرعهم السرعة المسموح بيها هناك 120 كيلو
والوصفة تاني هتكمل طريق الاوتوستوراد الي بيوديك علي صقر قريش والمعادي وتكمل الي 15 مايو ثم تعدي كمين 15 مايوا
وهتفضل ماشي مسافة شوية حوالي 3 الي 5 كيوا تقربيا الي ان تجد فتحة تدخلك يمين و كبري متجة شمال تطلعة وتنزل منة الطريق علي طول طوالي هتفضل ماشي الي ان تجد مدخل مدينة بني سويف وان شاء الله توصل بالسلامة

**ahmedalshora** · 14-10-2011 02:44 PM

المشاركة الأصلية كتبت بواسطة mazagangee

بص يا باشا :
قدامك طريق من تلاتة :
1- هتكمل كورنيش و تطلع أوتوستراد و تفضل ماشي باتجاه حلوان لحد ما تعدي 15 مايو و تاخد طريق الكريمات .( أفضل طريق و أسرعهم )
2- هتطلع محور 26 يوليو و تروح ميدان الرماية و تمشي في طريق الفيوم مسافة 25 أو 30 كيلو لحد ما تلاقيطريق أسيوط الغربي و تفضل ماشي فيه حوالي 70 أو 80 كيلو لحد ما تلاقي على يمينك رست الفيومي و بعديه على طول كوبري هتنزل في المخرج اللي على الكوبري باتجاه بني سويف

3- هتفضل ماشي كورنيش على طول لحد ما توصل المعادي و تطلع محور المنيب و تنزل اول ما تعدي النيل و ده شارع البحر الأعظم , هتلف و ترجع من أول يوتيرن و تفضل ماشي على طول لحد ما توصل بني سويف ..( بس الطريق مليان مطبات بالهبل ) .

ما تقلقش خالص من الطريق بالليل أو بالنهار الدنيا عمرانة و الطريق مليان عربيات و كافيتيريات و بنزينات كتير ... و لو تهت اسأل و هتلاقي الناس كلها بتدلك و تساعدك .
توصل بالسلامة و لو عزت حاجة أو تهت في اي حتة كلمني
01000785234
01147540303
عمر الصاوي

ألف شكر لرد حضرتك واهتمامك يا باشمهندس عمر وربنا يجزيك خير وادعيلى ان ربنا ييسر لى طريقى ان شاء الله
بس استفسار اخير انا هاكمل كورنيش سليم الاوتستراد فين بقى عشان اطلعه واكمل عليه معلش اوصفلى مكانه وفين بالظبط عشان ما توهش
وشكرا جزيلا لحضرتك

**ahmedalshora** · 14-10-2011 02:46 PM

المشاركة الأصلية كتبت بواسطة mohamedbook

زي مالبشمهندس عمر وصفلك الطرق كلها بالترتيب

انا ارشجلك نفس الطريق - طريق الكريمات الاولاني هو احسن طريق واسرعهم السرعة المسموح بيها هناك 120 كيلو
والوصفة تاني هتكمل طريق الاوتوستوراد الي بيوديك علي صقر قريش والمعادي وتكمل الي 15 مايو ثم تعدي كمين 15 مايوا
وهتفضل ماشي مسافة شوية حوالي 3 الي 5 كيوا تقربيا الي ان تجد فتحة تدخلك يمين و كبري متجة شمال تطلعة وتنزل منة الطريق علي طول طوالي هتفضل ماشي الي ان تجد مدخل مدينة بني سويف وان شاء الله توصل بالسلامة

اشكرك استاذ محمد على ردك واهتمام حضرتك وربنا يباركلك

**ahmedalshora** · 15-10-2011 10:12 PM

الحمد لله يا جماعه انا رحت النهارده الصبح بنى سويف واشكر كل من شارك وافادنى فى الطريق وكل من قرا ولم يشارك وانا رايح رحت من طريق الفيوم واسيوط وبصراحه طريق مش كويس قوى وانا راجه بقى رجعت من طريق الكريمات وبسم الله ما شاء الله فى منتهى الروعه حتى انى جبت سرعة 180 لاول مره فى حياتى مع انى مش من هواة السرعه بس فعلا الطريق رائع ويشجع وجزاكم الله خيرا