الموضوع: أوماترا..إتقي ربنا فيا بزيادة حسي بيا...

ازيكم عاملين ايه

من امبارح ونا شكلي كدا من حرقة الدم الي كنت فيها..

النهاردة الصبح بقي طلعت علبرقان فلهرم كان معادي 10 وصلت 10 ونص تقريبا...

خمس دقايق وكنت مسلمة العربية والقطعة اللي هركبها علي طول...حتي المهندس كان قايلي هتخلص الساعه 4 وبعدين طلب مني استني يحاول يبدل البدال بس لكن منفعش وكان لازم القطعة كلها تتبدل...وكان اتفاقنا هستلم العربية الساعة 4..انا طرت علشغل رجعت حوالي الساعة 4 ونص جيت لقتهم شغالين فيها من ساعة مسبتها الصبح متوااااااااااااااصل.... عشان الموضوع طلع صعب شويتين لانهم كانوا بيركبوها تقريبا من غير ميفكوا علبة الدركسيون عشان ميحصلش مشكلة ف الايرباج..مع ان دا بالنسبة لهم كان اسهل كتير...فضلوا فعلا طالع عنيهم فلعربية ...لحد مخلصوها كانت تقريبا 5 وشوية..وكان كل شوية المهندس يجييلي فلساعه اللي انا قعداها ويفهمني بيحصل ايه وعمل ايه خطوة بخطوة...حتي كان في قطعة صغيرة محتاجينها فلمركز ب 150 جنيه جبهالي من برة ب 50 جنيه بس...

بعد مخلصوا وجربوا العربية وكله تمام التمام لقيته بيقولي كمان اللوك بتاع الكبوت اللي كنت اشتكيت منه قبل كدا عملهولي كان بس محتاج يتنضف ملتراب ويتزيت

وكمان مكان الفوج لايت الامامي الكافر البلاستيك...كان هيقع ثبتهولي_دا المفروض ان امبارح كنت مثبتاه ف أوماترا _

دا غير لما جربوا العربية قالي فعلا صوتها عالي وطلع الزيت قليل دانا كنت ملاحظاه من ساعه صيانة ال 5 ومحدش عمل حاجة....قلتله خلاص كدا كدا هغيره بعد اسبوع...قالي لا خلاص احنا زودناه...من غير حتي مكان هيقول

والعواكس اللي ديخة عليها من غير مطلبها برده قالي هنجبهالك ونكلمك...

بجد ناس محترمة جدا جدا فنيا...بغض النظر عن العميل عاوز يطلع العربية ف احسن صورة ممكنة من غير ميكون فيها مشكلة حتي لو حاجة مشتكاش منها العميل بتتعمل بردوا...بدون استغلال ولا منظرة...لأا دي ناس فاهمة بتعمل ايه وبتطلع شغلها صح

وفلنهاية يادوب دفعت تمن المصنعية...220 جنيه...شغالين فلعربية بدون مبالغة حوالي 6 ساعات ب 220 ....ف اوماترا لو اشتغلوا الساعات دي متهيألي كانوا هيقفلولي باكو...وياريت شغلهم نضيف

بصراحة انا كنت واخدة قرار مروحش التوكيل تاني ايا كانت العواقب والحمدلله ربنا عوض عليا ولقيت مكان يغنيني عن التوكيل...يهمه فلنهاية مصلحة العميل فنيا ونفسيا وماديا كمان....وبالرغم من انه بقي بعيد نسبيا عني بس المشوار يهون ف سبيل اخد خدمة صح..مش اخد علي قفايا!!

مشيت من هناك الساعة 6 تقريبا وبعد مخرجت بدقيقة لقيت المهندس بيكلمني تاني وطلب مني ارجع....ونا خارجة فضل باصص علعربية ولقي لمبة الستوب بتعلق تقريبا فرجعني ظبطهالي كويس....مع اني حتي مخدتش بالي ولاكنت هاخد بالي...