15-20 يجيبو اية؟؟؟

**Silenty** · 14-10-2011 04:36 PM

السلام عليكم ورحمة الله وبركاتة

دلوقتى انا محتاج عربية فى رينج من 15-20 الف وتكون قطع غيارها رخيصة ومتوفرة وفى نفس الوقت تكون كويسة فى اعادة بيعها عشان ناوى ان شاء الله ابيع كمان 7-8شهوور واجيب حاجة احسن شوية
ف عايز عريبة ماتصرفش معايا خلال الفترة دى ..... يدووب تقضينى 4مشاويراسبوعيا حوالى 40 كيلو المشوار بدل بهدلة المواصلات
فدلوقتى قدامى كذا اختيار محتار اوى بينهم

1- ماروتى تسعينات -ودىفيها كل اللى انا طالبو بالظبط بس للاسف اخاف اسوقها عشان صغيرة اوى واحتمال ماتستحملنيش عشان انا سواقتى غشيمة شوية

2- فيات 131 بعشقهااااااااااا ونفسى فيها بس للاسف موديل قديم اوى وهبقى معرض لانها تفتح بوقها وتصرف معايا جامدوماضمنش سعرها ممكن يقع بعد الفترة دى ولا لا

3- مازدا 323
4-سكودافيفوريت
5-ريجاتا
ياريت يا جماعة تفيدونى افادكم الله
مع العلم انى ماقدرش ازود تانى ولا مليم

**SAMEH_FOUAD** · 14-10-2011 06:15 PM

هو حضرتك لازم تحط فى اعتبارك ان السعر دة مش هينفع يجيب غير الموديلات دية

بس لو عايز عربية كويسة يبقى قدامك ال 131 كويسة جدا بس هاتها حالة نظيفة

عندك ال132 كويسة بردة وفية منها ال 1600 الكداب ودية بتبقى باور وفية منها فيها زجاج كهرباء

ممكن تزود 3 الاف وتجيب فيات اونو كويسة بردة

ممكن تجيب 128 موديل 2000

بيجو 504

**SAMEH_FOUAD** · 14-10-2011 07:35 PM

الريجاتا كويسة جدا ومحركها 1500 ممتاز الصراحة بس بحس ان اعطالها كتير

المازدا 323 طبعا جميلة وناعمة وسريعة وثباتها كويس بدرجة معقولة وقطع غيارها متوافرة بس هية هتعمل اكتر من 20 الف عشان تجيب حالة نظيفة

ال 131 كويسة جدا وياسلام لو معاك المحرك ال 2 كامة بيبقى جامد جدا

ومين قالك ان ال132 بيعها تقيل اللى بيعها تقيل ال2000 لكن ال1600 طيارة بتتباع على طول , انا صاحبى معاة 1600 كداب جابها ب15 الف جنية , ظبطتها ووقفها على رجلها جايبالة 21 الف بس هو مش عايز يبيع هو بس كان بيشوف هتجيبلة كام

ال128 مش سيئة اوى كدة زى ماحضرتك متخيل وماتخليش انطباعك يسرى على كل العربيات لمجرد مشكلة فى عربية , بس عموما هية عملية جدا والموديل كمان هيبقى عالى يعنى سيبك بقى من البارومة و فتح الشاسية والكلام دة لسة بدرى علية
لكن هية كعربية كويسة جدا هية بس طبعا مش زى المنافسين لانة مش ناعمة واى وفتيسها غيارتة صعبة بس خلى بالك انها هتبقى 1300 سى سى و 5 سرعات يعنى وتابلوة حديث , وصدقنى مع ظبط كاوتش نظيف + عفشة محترمة + كراسى نظيفة وفرش حلو هتلاقيها نظيفة

**RAMYALI_1982** · 16-10-2011 12:41 PM

المشاركة الأصلية كتبت بواسطة benmatar

السلام عليكم
أنصح حضرتك بعربيتين لو لقيتهم بحالة كويسة وبكرر حالة كويسة توكل على الله واشتريهم وهما مازدا 323 أو هوندا سيفيك وكلاهما من سنة 82 وحتى 85 تقريبا وعن تجربة عربيتين تمام جدا بس قطع الغيار صعبة حبتين حاليا وبالذات الهوندا. أما سكودا فيفوريت بتكون أفضل لأن موديلاتها أحدث (في التسعينات) وقطع غيارها أوفر. سيبك من الماروتي لأنها بناتي وضعيفة وعاوزة واحدة تعمل بيها مشاوير حوالين البيت. ممكن تشوف بيجو 305 حالة كويسة وهي عربية قوية وتتحمل بس التصليح عند متخصص بيجو وقطع الغيار قليلة. آسف دوشتك بس افضل الخيارات فيفوريت

انا متفق مع الراى دة الوحيدة اللى هاتلاقيها تسعينات بالفلوس دى هى السكودا

**prince_bondok1st** · 16-10-2011 12:49 PM

ممكن فيات اونو بردو عربيه محترمه بس لو فيه حد يعرف عنها حاجه لان انا شوفت اعلاناتها مستعمله والناس بتقول ان فيها تكييف تلاجه
هل الكلام ده صحيح؟
لان لو كده اعتقد شكلا وعملانيه وتوفير للوقود هي افضل اختيار
ده طبعا رايي بس فعلا اللي يعرف عنها اكتر يقول وخصوصا الفئه السعريه بتاعتها