الموضوع: سعر الكاوتش البيرجيسدون حطملي نفسيتي ! !

المشاركة الأصلية كتبت بواسطة hugan

ياباشا كله في الاخر زي بعضه
بيتاكل ويتخرم وخوابير ولحامات
والشوارع عندنا اصلا ضايعه
شوف الماكسيس او ال جي تي
ونفس الاستخدام واحد وكله شغال

هو اكيد كله بيتخرم وبيتاكل بس اكيد مش كله زي بعض

لازم فيه فرق في الصناعة والجودة وقدرة الاستحمال

المشاركة الأصلية كتبت بواسطة mohamedbook

لا مش كلة زي بعضة
بس حضرتك الي طالب مقاس كبير وكمان تورانزا
العادي بتاع بريجستون يعمل حوالي 550ج او 600ج بالكتير
الكوتش من اهم عوامل الامان في السيارة والحوادث الي بتيجي من فرقعة الكوتش عشان جودتة كتير جدا

طيب لو جنط 16 يعتبر كبير امال لو بجنط 17 او 18 كانت الفردة هتبقى عاملة كام ؟ ؟ ؟

المشاركة الأصلية كتبت بواسطة SASA3

كان فيه عرض من بريجستون على المنتدى هنا شوف كده الموضوع ده يمكن يكون فيه خصم
http://www.nilemotors.net/Nile/207051-a.html

انا لازق استيكر المنتدى بس ماسألتش بصراحة عن الخصم ده لكن المرة الجاية هسأل واشوف

المشاركة الأصلية كتبت بواسطة MOSHAKS

رغم ان عربيتى نيفا موديل 82 بس انا اشترتها بكاوتش بريدجيستون راكب فيها . المهم كنت فى مشوار للمرج وماادراك ما المرج وشوارع المرج وبعدين طلعت على الدائرى وحاسس ان العربية تقيلة كده فى الحركة مش زى مكانت المهم وقفت لقيت الفردة اللى وره شمال مريحة شوية صغيرين قولت ازود من بنزينة الوطنية بتاعت الجيش اللى على طريق مصر اسماعيلة وخلاص ابئا قربت من العاشر وفعلا روحت والراجل بيزود الفرد وحط العداد لقاه زيرو ولا نقطة هوا والعجلة مش بتذيد وفى صوت هوا خارج من العجلة الراجل حط ايده وقالى يابشمهندس العجلة مخرومة وحط ايده مش قادر اقولك على الفتحة اللى كانت فى الكاوتش كانت حوالى 5*3 سم الراجل جاب عصايا كده ودخله فى مكان الفتحة كانت هتقع جوه منه وقفت انا والراجل مستغرب ان الفردة واقفة و على حيلها مجرد انها مريحة بسيط ومع تقل العربية النيفا ومع 3 افراد بداخلها وهو عمال يقولى ياسبحان الله اول مرة اشوف كده كتر الف خيرها نها جيباك لحد هنا ومشيت لحد العاشر عليها ولا اكن عجلة نايمة مجرد مريحة بس والكاوتش عندى 16/205 وبصراحة من ساعتها احترمت بريدجستون جدا على كاتوشها وقوة تحمله بعد الموقف اللى حصل معايا ده فعلا ارفع لها القبعة
انا اسف على الاطالة بس حبيت اقول تجربتى معاه مش دعايا للشركة وربنا يعلم بس هو يعبها سعرها العالى
بس صراحة معرفش هل كل الكاوتش ممكن يعمل نفس الموقف ده ومتحسش انها فارغة من الهوا ونفس القوة ولا لا
لو حد عنده خلفية يقولنا

المشاركة الأصلية كتبت بواسطة ainshouka

بصراحة اشترينا بريدجستون وميشلان للعربية وعملت حادثة الجنط اتعجن فيها ومكانش ينفع يتصلح وسبحان الله ركبت الفردة على جنط جديد واتنفخت عادى ومكانتش مخرومة خالص

انا عارف طبعا ان بيرجيسدون كاوتش نضيف جدا وتمنه فيه

بس برضوا مازلت مصر ان 1200 في فردة كاوتش كتير

دانلوب يااحمد والله ممتاز جدا نعومة وثبات وفرامل فى جميع انواع الارض ممتازة