الموضوع: فين نيابة مرور السلام يا رجالة ؟؟

المشاركة الأصلية كتبت بواسطة زينة الله

شكرا جزيلا :)

فعلا أنا هاجى من الاسماعيلية يعنى هادخل من عند العبور تقريبا

أفهم من وصفك كدا إن بعد ما أنزل من الدايرى منزل مدينة السلام أمشى 150 متر والاقى المرور ..

العفو يافندم
بصي حضرتك هنتكلم تاني خطوة خطوة وياريت تحضري ورقة وقلم علشان الوصفة دي صعبة على اللي اول مرة يروح


حضرتك هتيجي من طريق الاسماعيلية هتلاقي دخلة العبور تعديها وتمشي شوية هتلاقي زحمة ودي زحمة موقف العاشر بعد كدة تلاقي فتحة بتودي الزقازيق واستاد السلام بردو هتفوتيها وتمشي شوية هتلاقي كوبري كدة متطلعيش عليه وامشي من جنبه يمين هتلاقي نفسك كدة على الدائري وفي اقل من 500 متر هتلاقي نزلة السلام هتمشي شوية وخلي بالك من اللي بيجو عكس دول لحد ميدان صغير كدة بعد النزلة وتلاقي الطريق راح يمين .. ركزي بقى في النقطة دي .. هتلاقي فتحة شمال سيبيها وامشي شوية هتلاقي فتحة كمان هتلفي منها وترجعي وبعد كدة هتلاقي شارع واسع وعلى الناصية ناس واقفين مستنين الفرج .. تروحي حضرتك داخلة الفتحة دي وحوالي 150 متر هتلاقي المرور

والف حمد الله على السلامة وخلي بال حضرتك من نصايح الاخوة الاعضاء

المشاركة الأصلية كتبت بواسطة mido51eg

الأفضل من كل ده تدوري على واسطة. ضابط شرطة قريبك يروح معاكي مثلا او ضابط جيش. ضباط الجيش دلوقتي واخدين وضعهم وشفت كده بعيني هناك في مرور السلام. بيدخلوا صالة التراخيص ويخلصوا كل حاجة. لو معرفتيش تشوفي واسطة يبقى تبعدي تماما عن يوم السبت والأحد علشان دول اجازات لبعض المهن والحرف وهيبقى يوم مأساوي هناك. تبتدي تروحي من يوم الأثنين. ربنا يوفقك ويعينك

متشكرة جدا .. حاخد بنصيحتك إن شاء الله .. ربنا يكرمك

المشاركة الأصلية كتبت بواسطة no comment

المفروض معظم الشبابيك هناك السيدات بتخلص اجراءتها اسرع وبدون الآلتزام بالطابور ، لاكن يفضل طبعاً يبقى معاكى حد لأن العملية فى مرور السلام اصعب شويتين ... وربنا معاكى ويعينك .

شكرا يا أستاذ أحمد .. أكيد إن شاء الله لو سافرت هيكون فى حد معايا بس بردو اللى معايا مش عارفين السكة هههههههههه عشان كدا بسأل وربنا يهون

المشاركة الأصلية كتبت بواسطة eng f3lix

العفو يافندم
بصي حضرتك هنتكلم تاني خطوة خطوة وياريت تحضري ورقة وقلم علشان الوصفة دي صعبة على اللي اول مرة يروح


حضرتك هتيجي من طريق الاسماعيلية هتلاقي دخلة العبور تعديها وتمشي شوية هتلاقي زحمة ودي زحمة موقف العاشر بعد كدة تلاقي فتحة بتودي الزقازيق واستاد السلام بردو هتفوتيها وتمشي شوية هتلاقي كوبري كدة متطلعيش عليه وامشي من جنبه يمين هتلاقي نفسك كدة على الدائري وفي اقل من 500 متر هتلاقي نزلة السلام هتمشي شوية وخلي بالك من اللي بيجو عكس دول لحد ميدان صغير كدة بعد النزلة وتلاقي الطريق راح يمين .. ركزي بقى في النقطة دي .. هتلاقي فتحة شمال سيبيها وامشي شوية هتلاقي فتحة كمان هتلفي منها وترجعي وبعد كدة هتلاقي شارع واسع وعلى الناصية ناس واقفين مستنين الفرج .. تروحي حضرتك داخلة الفتحة دي وحوالي 150 متر هتلاقي المرور

والف حمد الله على السلامة وخلي بال حضرتك من نصايح الاخوة الاعضاء

ماشى هأكتب وصفتك دى وربنا يسهل ..متشكرة قوى ليك ربنا يكرمك