فكروا معايا في مشكلة الكمبيوتر دي :(

**MRBEBO** · 16-10-2011 07:53 AM

فيه جهاز روحت شوفته عند واحد صحبي فيه مشكلة

المشكلة انه تدوس باور الجهاز مرة يفتح ويدي بلو اسكرين مختلفة كل مرة

او تدوس باور تلاقي الكيسه اشتغلت لكن الشاشة مشتغلتش ومش حاسه ان الجهاز اشتغل

المهم نزلت ويندوز الجهاز اشتغل يومين كويس وبعدين نفس العيب

يعني باور الشاشة متفتحش ندوس ريستارت بارضوا الشاشة متفتحش وتاني مرة علشان الحبايب تروح فاتحه وكمان عيب جديد حصل مرة واحدة ان الشاشة في اللودنج كانت بترقص يعني الشاشة مش ثابته وفيها تموجات شديدة ( شاشة lcd )

رحت فاكك الكيسة ومديها تنفيضة معتبرة بالبلاور و شيلت الرامات وغيرت مكانها وكارت الشاشة الخارجي

وصلت لقيتها اشتغلت كويس رحت فاصل الكهربا علشان اقفل الكيسة وكده ورجعت لقيت نفس العيب

انا لاحظت ان العيب ده بيظهر اكتر لما بعد ما الجهاز يعمل شات داون ونفصل عنه الكهرباء من المشترك ونرجع تاني نشغله يظهر العيب ده .... مش عارف ليها علاقة ولا بتهيئلي

اول ما الجهاز فتح تاني نزلت احدث تعريف لكارت الشاشة قلت لما اشوف

بس بعد كده قولت التعريف ده مسئول عن الجهاز في حالة لما يعمل لودنج للويندوز يعني باقي المشاكل ملهاش اي علاقة :(

المهم ياريت تقولولي ايه الاحتمالات .... هل ممكن تكون البوردة حصلتلها حاجة مثلا .... لان انا جهازي كان فيه شبه العيب ده ومتحلش غير ببوردة

ياريت تفكروا معايا يا شباب في احتمالات العيب ده وشكرا ليكم جميعا

**lonedoctor** · 16-10-2011 08:11 AM

انا عندى نفس المشكلة فى جهاز ديسك توب وموش عارف لها حل بس احيانا كنت باحس انه العيب فى الهارد ديسك وخاصة فيشة البور بتاعته كان فيها مشكلة وفى الاخر شميت ريحة حاجة بتتحرق من الجهاز فشيلته على جنب وموش عاوز استعمله

**ahmedeg1** · 16-10-2011 09:05 AM

الرمات محتاجة لتنضيف الجزء النحاسى و مسحها كويس و إذا لم تعمل يجب تغييرها

**MRBEBO** · 16-10-2011 01:29 PM

شكرا احمد .... طيب لو نفس المشكلة استمرت مع تنضيف او تغيير الرامات ؟؟

**windofchange** · 16-10-2011 01:50 PM

ممكن تاخد الجهاز وتكشف عليه وانت واقف عند ناس محترمة بتوع صيانة ويكشفوا عالبوردة والهارد ممكن يكون في عيب بوردة او مثلا الهارد فيه باد سيكتور وتريح دماغك (كان عندي كيسة كل فتره كانت عند اللودينج لويندوز xp تعمل ريستارت وانزلها ويندوز تتظبط اسبوع او اكتر وتعمل نفس الحركة تاني ودتها لواحد مش قد كده قاللي مروحة البرويسسور مش متركبة صح ركبها صح واشتغلت معروف طبعا الجهاز لو حرارة البروسيسور زادت بيعمل ريستارت لوحده او يقفل خالص عشان يحمي نفسه رجع العيب ودتها لواحد تاني عند الخليفة المأمون فالسخاوي كشف وانا واقف وقاللي عالهارد وانه في باد سيكتور وعمله وخد 45 جنيه)والجهاز الحمدلله شغال دلوقتي كويس

**mailo** · 16-10-2011 03:56 PM

bios aw VGA card

**madyyuri** · 16-10-2011 04:21 PM

العيب ده بسيط جدا

غير الباور صبلاي بتاع الجهاز وهات باور نضيف بلاش الباورات التجاري ام 45 جنيه دي

جرب وهتدعيلي

**MRBEBO** · 16-10-2011 04:48 PM

المشاركة الأصلية كتبت بواسطة windsofchange

ممكن تاخد الجهاز وتكشف عليه وانت واقف عند ناس محترمة بتوع صيانة ويكشفوا عالبوردة والهارد ممكن يكون في عيب بوردة او مثلا الهارد فيه باد سيكتور وتريح دماغك (كان عندي كيسة كل فتره كانت عند اللودينج لويندوز xp تعمل ريستارت وانزلها ويندوز تتظبط اسبوع او اكتر وتعمل نفس الحركة تاني ودتها لواحد مش قد كده قاللي مروحة البرويسسور مش متركبة صح ركبها صح واشتغلت معروف طبعا الجهاز لو حرارة البروسيسور زادت بيعمل ريستارت لوحده او يقفل خالص عشان يحمي نفسه رجع العيب ودتها لواحد تاني عند الخليفة المأمون فالسخاوي كشف وانا واقف وقاللي عالهارد وانه في باد سيكتور وعمله وخد 45 جنيه)والجهاز الحمدلله شغال دلوقتي كويس

باشا انا من هواياتي الصيانة وبحب اكتشف كل حاجة بنفسي :)

المشاركة الأصلية كتبت بواسطة mailo

bios aw VGA card

الفيجا ممكن اجرب اني اشيل الكارت الخارجي واجرب بالبلت ان والبايوس ده حله ايه انا عملت ريستور للديفولت سيتنج وبرضوا نفس المشكلة

مع العلم ان البوردة الى حد ما جديدة من سنتين g31

المشاركة الأصلية كتبت بواسطة madyyuri

العيب ده بسيط جدا

غير الباور صبلاي بتاع الجهاز وهات باور نضيف بلاش الباورات التجاري ام 45 جنيه دي

جرب وهتدعيلي

الباور اللي راكب hec

**shaddadfalcon1** · 16-10-2011 04:57 PM

البورده ال BIOS ببتاعها بيهيس
انا كان عندي نفس المشكله وكنت كل شويه ابدل مكان الرامات وانضف ويطلع عين اهلي كل اسبوع ويرجع نفس العيب لحد مافي مره قفشت ومرضتش تقوم خالص والكيسه تشتغل والشاشه منوره وخلاص وفي الاخر وديتها لشركة بايوز BIOS اخدت يومين واتظبطتت ومن يومها تشتغل عادي جدا حتي لو في تراب او سايبها شهرين تلاته برده تشتغل

حاول تعمل Flush للبرده لو الجهاز بيقوم واعمل Update للبيوز من علي النت
ادخل علي الموقع بتاع البورده ودور علي الدريفر ونزله وشغله وان شاء الله المشكله تتحل

**MRBEBO** · 16-10-2011 05:13 PM

المشاركة الأصلية كتبت بواسطة shaddadfalcon1

البورده ال BIOS ببتاعها بيهيس
انا كان عندي نفس المشكله وكنت كل شويه ابدل مكان الرامات وانضف ويطلع عين اهلي كل اسبوع ويرجع نفس العيب لحد مافي مره قفشت ومرضتش تقوم خالص والكيسه تشتغل والشاشه منوره وخلاص وفي الاخر وديتها لشركة بايوز BIOS اخدت يومين واتظبطتت ومن يومها تشتغل عادي جدا حتي لو في تراب او سايبها شهرين تلاته برده تشتغل

حاول تعمل Flush للبرده لو الجهاز بيقوم واعمل Update للبيوز من علي النت
ادخل علي الموقع بتاع البورده ودور علي الدريفر ونزله وشغله وان شاء الله المشكله تتحل

يعني مجرد ابجريد للبايوس الموضوع ممكن يتحل ؟ ولا انت قصدك شحن للبايوس

اصل البوردة مش قديمة دي G31 asus

الموضوع: فكروا معايا في مشكلة الكمبيوتر دي :(

LinkBack

أدوات الموضوع

عرض

-

-

-

-

المواضيع المتشابهه

فكروا معايا يا شباب في العربية دي

تظبيط اسبيرنزا .. فكروا معايا

فكروا معايا عشان خاطر الفوكاس

فكروا معايا العيب من اين

الكلمات الدلالية لهذا الموضوع

المفضلات

المفضلات

ضوابط المشاركة