الموضوع: هل من المتوقع تخفيض اسعار سكودا فى يناير 2012

كان زمانو نزل اول السنه اللى فاتت بس بالعكس زاد لأن الجنيه بينهار
وكمان لأن التخفيض المفترض 4% من قيمة الجمارك يعنى لو الجمرك حوالى 50 ألف جنيه يبقى هيكون 2000 جنيه بس

فعلا زى ما انت بتقول ....... فيه ناس برضه قالولى نفس كلامك ....... شكرا يا اخى على ردك

عفوا
الخصم 4% على اجمالي قيمة السيارة قبل الجمرك
اي انه 10% من اجمالي الجمرك البالغ 40%
فالاجمالي اكثر من 2000 جنيه

المشاركة الأصلية كتبت بواسطة alfadely

عفوا ى
الخصم 4% على اجمالي قيمة السيارة قبل الجمرك
اي انه 10% من اجمالي الجمرك البالغ 40%
فالاجمالي اكثر من 2000 جنيه

الجمرك كان 40% العام السابق واصبح 36% العام الحالى وسيكون 32% العام القادم حتى يصبح 0% عام 2019

يعنى 4% من القيمة المضافة فقط اللى هى حوالى 50 الف جنيه

والله يا جماعه فيه ناس بتقول ان السعر هينزل حاجات بسيطه وفيه ناس بتقول سعرها هينزل حوالى 7000 جينه الواحد مش عارف يتوكل على الله يجيب دلوقتى ولا يستنى الشهرين دول ....... وسعر الخليجى اقل من الوكيل بحوالى 5000 جينه فى موديل 2012 بس المشكله الواحد خايف عشان الضمان...... وسعر 2011 خليجى هاى لا ين ب 188 الف عند ناشونال موتورز ..... والاتوماتيك سبورت وكيل ب 190 الف بس مشحوطه من السوق جدا ...... السنه الى فاتت كانت الاسعار اقل بكتير والعربيه زى ما هى مفيش اوبشن مختلف ..... والاخ الى بيسأل على السنسور الخلفى الاتوماتيك ب175 مفيهاش ...... السنسور نازل فى السبورت مع الزينون والجنوط السبور وبخاخات الفوانيس وب 190 الف وكيل .... والهاى لاين بتزيد الفرش الجلد وفتحة السقف والخشب الابنوس فى التابلوه وشوية حاجات كمان مش فاكرها..... والله الواحد زهق من اللخبطه وعدم الاستقرار الى فى السوق المصرى ده....... حاجه تقرف

معلش اخى الكريم نسيت اجاوبك عن سؤالك الفرق بين ارتفاع الخليجى والوكيل ...... الوكيل مرتفع عن الخليجى حوالى 3 سم ...... انا اخويا عنده اوكتافيا اليجانس 2011 وكيل ، ولما بنركب فيها 3 اشخاص بتحك فى المطبات فما بالك لو كانت خليجى ..... احنا عندنا فى الشرقيه مطبات كتير وطرق وحشه وبنحتاج عربيات مرتفعه