سياسة التغيير والحيرة الشديدة

**Ashraf_Ashraf** · 17-10-2011 12:47 PM

فى السوق المصرى للسيارات تتنوع وتختلف الاراء بدرجه رهيبه لدرجه تخلى الواحد يوافق على كل راى ويعارض كل راى وتبقى الحيره لا ليها اول ولا اخر
انا عندى عربيه ماتريكس 2006 اتوماتيك عامله بالظبط 38500 كيلو ناس كتيره قالت لازم تبيع العربيه عشان موديلها بيعدى وبتنزل فى سعرها طيب ياجماعه ابيعها ليها ماهى تعتبر جديده دا حتى لما اجيب جديد تانى مش هحس باى اختلاف او متعه لان الاتنين جداد كان الرد علطول ياعم انت هتفتى ولا هتمشى السوق على مزاجك بنقولك بيع تبيع
ناس تانيه سالتهم ياجماعه ابيع ولا لا كان ردهم لا ماتبعش دلوقتى انت تستخدمها اكتر عشان كده كده هتخسر فيها بس تحافظ عليها عشان خاطر اللى هيشتريها منك يبقى راضى عنك وتدخل الجنه يعنى لا تلعب فى حاجه فى الموتور ولا تلعب فى الصالون ولا تداوى خربوش ولاقدر الله حته اتخبطت اياك وانك ترشها ولا هتدخل النار ولا حتى تزود بتومين للرفاف عشان طبعا فى بلدها طبقه البتومين بتبقى اخف كتير ( بلاد معفنه معندهمش مجارى وبلاوى زرقه فى الشوارع ) يعنى تستخدمها وانت حاططها فى كيس بلاستيك من الاخر

طيب دلوقتى انا ابيع ولا لا واخسر عربيه لسه جديده
اشترى جديد ولا لا رغم ارتفاع اسعار العربيات الايامى الغير مبرر

انا احترت والله العظيم

طيب دلوقتى

**أبو ياسين** · 17-10-2011 01:02 PM

مدام مفيش مشاكل منها و بتوادى الغرض المطلوب يبقى متبعش

**Dr_Mido** · 17-10-2011 06:21 PM

لو مريحاك و موديل 42 متبعهاش انت اللى راكب وانت اللى بتصلح وانت اللى بتدفع لا حد هيصلحلك ولا حد هيدفعلك

**Ashraf_Ashraf** · 18-10-2011 01:36 PM

المشاركة الأصلية كتبت بواسطة dr_mido

لو مريحاك و موديل 42 متبعهاش انت اللى راكب وانت اللى بتصلح وانت اللى بتدفع لا حد هيصلحلك ولا حد هيدفعلك

ماحنا هنرجع بالمنطق ده انه بعد فتره العربيه هتبقى قديمه وتبدا تطلب وتفتح بقها وانت عارف عربيات الجيل الحديث غير معمره يبقى ابيعها دلوقتى وهى لسه مامشيتش الحق تمنها ولا استنى واخسر فيها كتيييييييييييير

**Dr.Mostafa Anwar** · 18-10-2011 01:46 PM

طيب ما هو حضرتك لو بعتها وجيت تشتري واحدة جديدة زيرو هتجيبها بضعف تمن القديمة يعني هتخسر فلوس برده

إلا لو هتبيعها وتجيب باللي هتبيع بيه عربية تانية زيرو بس ساعتها هتكون غالبا عربية صغيرة ومش زي الماتريكس أبدا...

إعذرني لو قلت لك إني حاسس إن مافيش منطق في تفكيرك

**mohammedabdallh** · 18-10-2011 01:55 PM

رائى خليك فى بتاعتك احسن انت كدا كدا خسران فعربيك مريحاك يبقى افضل بكتتير

**friendship7897** · 18-10-2011 02:00 PM

أ/ أشرف
لو شغلك يفرض عليك تغيير السيارة كل خمس سنين - زي شغلى مثلاً - يبقى لازم تغير ، بس بيع بغناوة - يعني عربيتك ما شاء الله كويسة والكيلو مترات بتعتاها مش كتير وأنت محافظ عليها - فممكن تبيع بسعر كويس ، تقدر تحط المبلغ في عربية موديل جديد وما تدفعش مبلغ كبير في الفرق ، لكن لو ما فيش مشكلة في شغلك - يبقى ما فيش داعي تغيير ما دام مريحاك - واللي بينصحوك ليهم نظرة تجارية شوية ، وبيبصوا لبعيد - ودي نظرة ناس شاطرين لأن اللي هتجيبه في العربية دلوقتي مش هتعرف تجيبوا السنة الجاية ولو رافعها ومش بستهلكها خالص .
والله الموفق

**Ashraf_Ashraf** · 18-10-2011 02:11 PM

المشاركة الأصلية كتبت بواسطة friendship7897

أ/ أشرف
لو شغلك يفرض عليك تغيير السيارة كل خمس سنين - زي شغلى مثلاً - يبقى لازم تغير ، بس بيع بغناوة - يعني عربيتك ما شاء الله كويسة والكيلو مترات بتعتاها مش كتير وأنت محافظ عليها - فممكن تبيع بسعر كويس ، تقدر تحط المبلغ في عربية موديل جديد وما تدفعش مبلغ كبير في الفرق ، لكن لو ما فيش مشكلة في شغلك - يبقى ما فيش داعي تغيير ما دام مريحاك - واللي بينصحوك ليهم نظرة تجارية شوية ، وبيبصوا لبعيد - ودي نظرة ناس شاطرين لأن اللي هتجيبه في العربية دلوقتي مش هتعرف تجيبوا السنة الجاية ولو رافعها ومش بستهلكها خالص .
والله الموفق

مرسيى جدا لردك ولفهمك قصدى من الموضوع
هو كلامك منطقى جدا وعجبنى واكيد هاخده فى الحسبان

**Dr.Mostafa Anwar** · 18-10-2011 02:19 PM

المشاركة الأصلية كتبت بواسطة ashraf_ashraf

اولا اشكرك على ردك
انا لسه معنديش منطق او فكره فى الموضوع عشان كده سالت دلوقتى العربيه موديلها عدى عليه 5 سنين وكل سنه بتعدى بتخسر من تمنها كتر حتى لو مشاستخدمتها بمعنى ان حضرتك لو جاى تشترى عربيه موديل 2000 مثلا عامله 35000 الف اكيد مش هتيبقى تمنها لو موديل 2005 عامله برضوا 35000 فهمت الفكره
سؤالى هنا الافضل التغير دلوقتى عشان تلحق تمسك من تمنها اكبر مبلغ ولا تستهلكها وتخسر اكتر من تلتين تمنها
اتمنى اكون قدرت اقربك لك السؤال

جميل جدا... طيب هأسألك سؤال صغير.... أنت هدفك إيه من البيع؟ فقط إنك تلحق تبيع العربية قبل ما تخسر أكتر؟؟؟ وللا ناوي تشتري عربية بدالها؟

إجابتك على السؤال ده هتحدد رأيك في الموضوع ....