واحدة بتتعلم السواقة خبطتنى ورحت القسم

**eng_maged** · 17-10-2011 05:04 PM

حمدالله على سلامتك يا باشا
انا طبعا مقتنع بوجهه نظرك انها اصلان مبتعرفش تسوق وخطر على المجتمع
بس المشكله في مصر كبيره اوي

ليه: عشان اي حد بيطلع رخصه بالفلوس - يعني ناس متعرفش قواعد المرور بتسوق - يعني حوادث
وفي الاخر مفيش قانون في مصر يحميك حتى لو انت ماشي صح

يعني المعادله كلها فاشله
يبقى الناس تعمل ايه - تسوق براحتها وببلطجه - تزعق وتشتم عشان تاخد حقها بدرعها

احنا مفروض نبقى دوله قانون الكلمه الاولى والاخيره فيها للقانون
وعشان افهمكوا موضوع دوله القانون ده انا عايز اديكوا مثال

تخيل معايا ان في طريقين واحد مغلق امام السيارات والتاني بتمشي في عربيات عادي
الطريق اللي مغلق في ولد صغير بيلعب كوره مع نفسه
والطريق المفتوح في 3 اطفال بيلعبو كوره
وفي عربيه نقل جايه بسرعه ومعاش فرامل ولازم تختار طريق من الاتنين - تختار انهي ؟

طبعا في ناس كتير هتقول الطريق اللي في ولد واحد

بس انا بستغرب الاجابه ده اوي - يعني الولد اللي ماشي صح هو اللي يتخبط واللي ماشي غلط يفضل سليم
مفروض نطبق القوانين في جميع الاحوال ونحترمها
ومش مفروض اللي ماشي غلط يصعب علينا عشان هو اللي اختار

**al_manara** · 17-10-2011 05:23 PM

مش عارف اقول اية
لا تعليق

**Elawany13** · 17-10-2011 05:35 PM

المشاركة الأصلية كتبت بواسطة Ashraf_Ashraf

اولا حمد الله على سلامتك
تانيا حد يروح القسم فى حادثه زى دى ماهينوبك الا البهدله وبهدله العربيه وانا كنت لسه كاتب موضوع شبه موضوعك بس اشد كتير والعربيه بتاعت صاحبى اتكلفت اكتر من 13500 جنيه وللاسف مافيش قانون ولا نظام ممكن يعاقب الغلطان كله بالذراع والزعيق زى ماعمل جوز اختها والشاطر اللى يزعق اكتر
اللى يجنن بقى الناس المطيباتيه اللى يجوا يقولك انت هتقبل العوض وانت هيتخرب بيتك من مصاريف الحادث اللى انت مش غلطان فيه

بلد غريبة ..... حاجه تجنن

**Dr_Mido** · 17-10-2011 05:56 PM

حصل موقف مشابه قبل كدة وانا راكب ال 128 وواقف فى اشارة واحدة راكبه اوبل خبطتنى وانا مبطل العربيه ونازله هى و عيل بقصه كان راكب جنبها بتقلى انت اللى خبطتنى انا ضحكت بصراحه وكبرت دماغى لقيتها بتقلى انت متعرفش انا بنت مين مهعملك محضر وهعل واسوى و هشردك وهربيك اصل اهلك معرفوش يربوك انا كنت طلعت بالعربيه شويه سمعت اهلك معرفوش يربوك ورحت جايب مارش مدغدغلها وش العربيه بالفاونيس بالاكصدام وقلتها ابقى خلى ابوكى يعملى محضر بقى لو يعرف عالم زباله الادب مبيجبش نتيجه معاة ان اينعم خسرت وش فانوس 128 بس مش مرتح نفسيا جدا ودمى مش محروق ولا حاجه

**ahmedsrs** · 17-10-2011 06:33 PM

مفيش اخلاق ولا ضمير

**Omar_H** · 17-10-2011 08:12 PM

أنا حاسس فعلا الواحد لو مكانك هيبقى عايزهم يتعدمو فعلا عالكذب والتحوير ده ... بس أنا بصراحة بقيت ماشي بمبدأ إن أي حق ليَّ هاخده إن شاء الله يوم لا تضيع الحقوق و ساعتها فعلا الناس دي هتتمنى لو كانت ادتك حقك في ساعتها و ساعتها فعلا هيبقى العقاب والندم أشد بكتير من محضر أو نيابة في الدنيا و خصوصا اللي شهد زور ده و هو ماكانش موجود أساسا و ربنا ينتقم من كل واحد بياكل حق غيره

المشاركة الأصلية كتبت بواسطة dr_mido

حصل موقف مشابه قبل كدة وانا راكب ال 128 وواقف فى اشارة واحدة راكبه اوبل خبطتنى وانا مبطل العربيه ونازله هى و عيل بقصه كان راكب جنبها بتقلى انت اللى خبطتنى انا ضحكت بصراحه وكبرت دماغى لقيتها بتقلى انت متعرفش انا بنت مين مهعملك محضر وهعل واسوى و هشردك وهربيك اصل اهلك معرفوش يربوك انا كنت طلعت بالعربيه شويه سمعت اهلك معرفوش يربوك ورحت جايب مارش مدغدغلها وش العربيه بالفاونيس بالاكصدام وقلتها ابقى خلى ابوكى يعملى محضر بقى لو يعرف عالم زباله الادب مبيجبش نتيجه معاة ان اينعم خسرت وش فانوس 128 بس مش مرتح نفسيا جدا ودمى مش محروق ولا حاجه

والله يا باشا أحسن حاجة اللي عملته ده و يا سلام لو كانت عربيتك تريلا ولا نقل كبيرة وكنت فرمتلها وش العربية بتاعتها ... فعلا عالم متجيش إلا كده والله

**kar!m** · 17-10-2011 09:51 PM

المشاركة الأصلية كتبت بواسطة minicooper20

احسدك على برود اعصبك

عارف اللى بيقول لك اتق شر الحليم اذا غضب .. أهو أنا كده .. بارد جدا لكن لما بقلب أن نفسى مبعرفشى نفسى .. من شهرين كنا فى السعودية بعمل عمرة و برضه قفشت مع واحد فى الاتوبيس بيشرب سجاير .. و قلت له لو سمحت اطفى السجارة قال لى ماشى .. و بعدين فضل يدخن .. رحت له تانى و قلت له بعد اذنك من فضلك اطفى السيجارة عشان عندى حساسية و الاتوبيس مكيف و مقفول .. قال لى مانا فتحت الشباك .. قلت له لو سمحت اطفيها .. قال لى لأ مش هينفع.

بس و عينك ما تشوف الا النور .. زغقت فى سواق الاتوبيس و خليته يقف .. و الاتوبيسين اللى ورانا وقفوا و ركنوا .. و الناس اللى فى الاتوبيس كلهم صحيوا على صوتى .. و الناس كلها تقول لى ربنا يبارك لك .. ده الدخان قارفنا من الصبح .. أقول لهم طيب و متكلمتوش ليه .. و بجد لولا انه طفا السيجارة أنا كنت ممكن رميتة من الشباك.

**kar!m** · 17-10-2011 09:53 PM

المشاركة الأصلية كتبت بواسطة dr_mido

حصل موقف مشابه قبل كدة وانا راكب ال 128 وواقف فى اشارة واحدة راكبه اوبل خبطتنى وانا مبطل العربيه ونازله هى و عيل بقصه كان راكب جنبها بتقلى انت اللى خبطتنى انا ضحكت بصراحه وكبرت دماغى لقيتها بتقلى انت متعرفش انا بنت مين مهعملك محضر وهعل واسوى و هشردك وهربيك اصل اهلك معرفوش يربوك انا كنت طلعت بالعربيه شويه سمعت اهلك معرفوش يربوك ورحت جايب مارش مدغدغلها وش العربيه بالفاونيس بالاكصدام وقلتها ابقى خلى ابوكى يعملى محضر بقى لو يعرف عالم زباله الادب مبيجبش نتيجه معاة ان اينعم خسرت وش فانوس 128 بس مش مرتح نفسيا جدا ودمى مش محروق ولا حاجه

فعلا فى ناس بتخرجك عن شعورك .. عشان كده ثواب كظم الغيظ كبير جدا .. عشان الموضوع مش سهل فعلا.

أنا لو مكانك كنت ممكن أعمل كده.

**dolly13** · 17-10-2011 09:59 PM

والله انا اتعرضت لموقف شبه ده وبرده الراجل ماكنش عايز يعترف ابدا انه غلطان
كنت ماشية فى الشارع على سرعة 40 مثلا لانه الحوار ده كان بعد مطب صناعى المهم كان فيه سواق ميكروباص من الصغيرين اوى واقف على جنب وبيركب زباين وبعد ما نص العربية بتاعتى عدى قام طالع فجاة وخبط باب العربية بس كانت خبطة صغيرة والمشكلة ان عربيتى كانت لسة زيرو بجد وده مصمم انى غلطانة . ازاى ابقى غلطانة مش عارفة لما مالقاش حاجة خالص يقولها قاللى هو حد بعد المطب يمشى بسرعة كدة ؟
طبعا سيبته ومشيت وحمدت ربنا انها جت على قد كدة مع العلم ان الموضوع ده حصل بعد المطب تقريبا ب 100 متر

الموضوع: واحدة بتتعلم السواقة خبطتنى ورحت القسم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سيارتى فلوينس 2010 سوداء خبطتنى سيارة نقل

لو سيارتك مستعملة جديدة لسه بتتعلم اتمنى قراءة هذا الموضوع

الحمد لله عربيه خبطتنى

عايز امشى بالعربية واحدة واحدة من غير ما ادوس دبرياج,, هل ينفع؟؟

الكلمات الدلالية لهذا الموضوع

المفضلات

المفضلات

ضوابط المشاركة