الموضوع: استفسارات فى اللوجان

المشاركة الأصلية كتبت بواسطة د.أحمد عبد الرحمن

باختصار شديد

اللوجان:

* ماتور اقوى
* فرامل احسن
* امان اعلى
* ايرباج
* كرسي بيطلع وينزل
* كمبيوتر رحلات
* مرايات كهربا الاثنين
* كمبيوتر رحلات
* فوج لايت
* استهلاك بنزين اقل
* ثبات اعلى
* الكاوتش 15 اللانوس 13
* صالون اوسع
* سحب اكتر
* شنطة اكبر مرة ونص
* توكيل احسن بكتير جدا جدا
* خدمة كل 5000 كيلو مجانية
* صاج اقوى

اللانوس:
* قطع غيار ارخص
* قطع غيار متوفرة اكتر
* اي ميكانيكي يشتغل فيها

بس

طبعا الناس قالت الخلاصة

لكن انا ممكن اقولك تجربتي

لو انت عايز عربية تكون في فئة من ال 60 لل 70 وتكون عربية شيك وقوية ومرتفعة عن الارض علشان المطبات وعربية ثابتة علي الطريق في السفر وعايزها عربيه تقعد معاك فترة من الزمن خمس او سبع او عشر سنين
يبقي اللوجان اختيار افضل

لكن لو عايز عربيه تكون هتمشي في شوارع نضيفة ويكون كذا حد هيركبها فممكن تكون معرضة اكثر لتلف بعض قطع الغيار وتكون عايز تغيرها مثلا كمان سنة

يبقي اللانوس افضل ليك
حيث انها مطلوبة في السوق جدا كاعادة بيع وقطع غيارها عند كل حد وكله بيفهم فيها

اللوجان عايزه معامله خاصة واحد علي الاكثر يستخدمها ويحافظ عليها وميكونش عايز يبيع علي طول- وان كان سعر اعادة البيع للوجان في ازدياد نتيجة الاقبال عليها ولكن خلينا نقول انه اقل دلوقتي من اللانوس- العربية دي هتكون مناسبة جدا


انا اكبر مشكلة عندي بصراحة هي المطبات
فكرة انك تبقي راكب عربية جديدة وتحك مع كل مطب دي متعبه نفسيا جدا

اللوجان عربية عائلية وان كان شكلها كومبكت من برة شنطتها وسعه وعلو العربية عن الارض يخليك تشحنها بشر وتحمل فيها حاجات

يعني مهما تحط فيها عمرها ان شاء الله ما هتحك في اي مطب

اخيرا التوكيل، توكيل رينو محترم ونضيف
لانوس بعد لما بقت مع شيفورلية ناس كتير بقت مضايقة

وربنا يوفقك للافضل

انا لسه جايب 2012 لوجان وفيها ريموت بقى ينزل معاها .
بس موضوع السخونة اللى جنب الدواسة لسة موجود بس مش ولعة يعنى .

مع احترامى للانوس والفيرنا بس باتعصب قوى لما حد يقارنهم باللوجان علشان نفس السعر ..ومع تكرار الاحترام دول مش عربيات جنب اللوجان..اللوجان مفروض يبقى سعرها قرب 90 الف بس علشان اتفاقيه اغادير بقيت ب 70 الف..يعنى تقارنها بالنيسان صنى او بالكيا ريو مش باللانوس والفيرنا اللى عمرى ما شفتها فى اى بلد عربى انا زرته تقولش متصنعه لمصر مخصوص..
مشكله اللوجان الوحيده وانا باقول الوحيده هى صوت الموتور العالى نسبيا لكن لو قفلت الزجاج يبقى حماده بالجنزبيل ولا حتسمع اى حاجه.. اهم حاجه فى اللوجان الارتفاع ثم الارتفاع لان شوارعنا الحمد لله بتفكرك برالى الصحراء.
نصيحه بخوصوص الهاف اعمل اى حاجه وادفع الفرق وهات الفول حد يسلفك اكسر بلاطه يعنى مش الفرق اللى يوت بس حتحس بفرق ..

اللوجان ما عندهاش أى مشكلة غير الآنتشار وكمان أنتشار قطع الغيار بالوفرة بتاعت الانوس وكمان مركز العبور أحسن مركز صيانة يبعد 100 كيلو عن القاهرة يعنى عدم أنتشار مراكز الصيانة الكثيرة . ما تقدرش توديها لميكانيكى يحط أيدة فيها حاليا لآنها لسة ما أتعرفتش بالنسبالهم قوى من الناحية الميكانيكية يعنى هتضطر تتعامل مع التوكيل اللى الآماكن بتاعتة بعيدة دة بالنسبة للى فى القاهرة

التوكيل علية عبأ كبير وهو لآزم يوفر مراكز خدمة كتير وكويسة جدا ومنتشرة بكثرة فى كل الجمهورية علشان الناس تتشجع على الشراء

ودية كلها عقبات مش موجودة فى اللانوس وتعيق أنتشار اللوجان بكثرة

والله الموفق والمستعان