اشتري جيتا 2010 ولا فانتازيا 2011اشتري جيتا 2010 ولا فانتازيا 2011

**man_from_shado** · 19-10-2011 10:23 PM

اشتري جيتا 2010 ولا فانتازيا 2011 يا ريت تكون المقارنه من ناحيه كل حاجه القوه والثبات والعيوب والمميزات اهم حاجه اسعار قطع الغيار

**IronHead** · 20-10-2011 10:51 AM

فانتازيا احسن لسبب واحد فيتيسها 6 سرعات اوتو مش dsg زى الجيتا
ابعد فى الوقت الحالى عن اى عربية فيها vw dsg عشان مشاكله كتير
غير كدة العفشة والموتور واحد فى الاثنين

**szaalouk** · 20-10-2011 11:04 AM

المشاركة الأصلية كتبت بواسطة IronHead

فانتازيا احسن لسبب واحد فيتيسها 6 سرعات اوتو مش dsg زى الجيتا
ابعد فى الوقت الحالى عن اى عربية فيها vw dsg عشان مشاكله كتير
غير كدة العفشة والموتور واحد فى الاثنين

الراجل ده كلامه 100%
و علي فرض انك بتقارن العربيتين و الاتنين مجهزين بالفتيس ال 6 نقلات زي بعض برضه الفانتازيا تكسب .
انا كان معايا جيتا 2008 بتاعه قريبي لمده شهرين و ركبتها كتير و جريت بيها كتير و سافرت كتير و جاري معاه فانتازيا 2010 فبرضه فرص سواقتها كتير بالنسبه لي .....اقدر اقولك مافيش فرق بينها و بين الفانتازيا يذكر غير في شكل التابلوه قدامك و وسع شويه زياده لصالح الفانتازيا .
و ارتفاع العربيه الجيتا منخفض حبتين عن الفانتازيا يعني حتاخد المطبات عالهادي قوي و برضه فيه احتمال تحك من تحت.
غير كده سواقه الأتنين تقريبا واحده و ربنا يوفقك في الأختيار .

تحياتي

**devil_storm** · 21-10-2011 09:40 PM

الجيتا شكلها اشيك و مشاكل الفتيس انا مش مصدقها او ممكن تكون فردية... اصلى لو كان فى مشاكل فعلا فى الفتيس ذى ما البعض بيقول كانت فولكس وقفتة من زمان مش تنزلة فى كل موديلاتها الجديدة!!! يا جماعة دى سمعة فولكس العريقه مش عربية صينى من تحت بير السلم!!!
الخلاصة لو مكانك حجيب الجيتا الكمفورت اللى فيها سنسور امامى و كاسيت تاتش و فرش جلد بيج و زجاج فامية خلفى عربية رهيبة بس المهم تغير زيت الفتيس فى معادة و بالنوع اللى فولكس بتقول علية.
بص على كل العربيات الباسات و السيات و الجيتا اللى بالفتيس ال dsg بصى على عددها فى الشارع و سمعة شركة ضخمة زيت فولكس و بص على موديلات فولكس الجديدة اللى كلها تحمل نفس الفتيس و انت تعرف ان مشاكل الفتيس حالات فردية

**man_from_shado** · 18-11-2011 01:38 AM

طب ايه الفرق في اسعار قطع الغيار

**Dr'AhmZZong** · 19-11-2011 11:14 PM

الفانتازيا 2011 تكسب في كل حاجة

**Formulator** · 20-11-2011 12:00 PM

أنا هتكلم على الفتيس الـDSG 7-speed:

الفتيس من أول 2010 مفيهوش مشاكل, لأن الشركة اللى بتورد الفتيس لـVW وهى شركة Borg-Warner الألمانية الرائدة.. غيرت الـHigh-Pressure Solenoid-Valve بتاع الـModule اللى فـ الدبرياجين الكهرباء..!!
وكمان غيرت فـ السوفتوير.. حسب الـShift-Mode بتاع الفتيس.

دلوقتى بقت النقلات أنعم (خصوصا فى الـDownshifting) ومشاكل الكنترول اختفت..!!

بالنسبة للمقارنة بين الجيتا والأوكتافيا:
- الفتيس الـDSG زود تسارع الجيتا سيكا (على الرغم من ان الموتور أصلا متوسط: 1.6 SOHC 8v 102 hp) وقلل شوية فـ استهلاك البنزين
مقابل فتيس Tiptronic 6-speed للأوكتافيا.. أقل فـ التسارع وبيهدر جزء من طاقة الموتور!

- على الرغم ان العربيتين ميكانيكيا واحد (شاسيه وموتور...etc) لكن الجيتا عفشتها lowered شوية + أبعادها أفضل قليلا من الأوكتافيا = سواقة وهاندلينج/ ثبات أفضل..

عشان كده أنا رأيى أن الجيتا أفضل (كـ Style كماااااان).. خاصة لو فيه أى فروق لصالحها فى الأوبشن..!!!

بالتوفيق isA فى الأختيار,,