طيب ياجماعة انا معايا كيا ريو 2002 وانا من السويس وبسافر مصر كتير مرتين في الاسبوع علي الاقل ومشكلة الثبات مجنناني في العربية
اتجاه الهواء في الطريق وانا نازل مصر بيضرب في الجنب اليمين للعربية وبيبقي شديد جدااا فمبحسش بتأثيرة علي اتجاه العربية وانا راجع بقي طبعا الصدادات الاسمنتية في وسط الطريق بتكون حاجبة جزء كبير من الهواء ده وأول ميكون فيه جزء متشال من الصدادات دية الهواء طبعا بيخبط في الجنب الشمال للعربية وبيخليها تحدف يمين جامد واول ما الصدادات ترجع تاني العربية تروح حادفة شمال وطبعا بحس بالموضوع ده لما بكون بعدي عربيه كبيرة زي مقطورة مثلااا

حاجة تاني التعاريج اللي في الاسفلت اللي العربيات المقطرة بتعملها طبعا من وزنها اول ما اي عجله من العجلات الاماميه تيجي عليها العربيه يتحدف يمين او شمال واستحاله التحكم في العربيه الي لما ابعد عن منطقة التعاريج ديه

مع العلم اني مغير جلب المقصات وكل الكاوتشات اللي في العفشة من التوكيل والزوايا مظبوطة والعربية مبتحدفش لوالطريق مظبوط ومفيش هواء

حد يقدر يفيدني بإجابه شافية عن الموضوع ده ياجماعة