الموضوع: صوت طقطقة فى العفشة بيزيد مع الوقت ؟! الوكيل كله تمام ؟! الصوت من كسوة الكراسى !!!!

العربية امبريزا سيدان 2009 عاملة 16000 كم مانوال
استخدامى مش كتير للعربية يعنى كل أسبوع بخرج مرتين تلاتة كده ع الخفيف ... والسفر مرة كل كام شهر
--
المهم العربية الحمدلله ماشاء الله كويسة من ساعة ما جبتها .. من شهرين كده بدأ المساعدين اللى وراه صوت من العفشة كده ع الهادى مع المطبات و الشوارع المكسرة .. المهم كان فى صوت تانى كده فى الشنطة طلع من الاستبن ..
المهم روحت الوكيل علشان أطمن على المساعدين فى صيانة ال 15 .. قالولى كله تمام ... طلعت بالعربية الصوت موجود .:!!
أجيبهم كده أجيبهم كده يا باشا العفشة تمام ..
أخر ما زهقوا منى واحد من اللى واقفين من الادارة طلع معايا نجرب و أول ما ركب قام مشغل الكاسيت ...
بقوله حضرتك اطفى الكاسيت علشان نسمع !!!! قام موطيه .. المهم طفينا الزفت .. قصدى الكاسيت ..
والصوت موجود فى المطبات خاصة والدركسيون بيلف يمين أو شمال ..
الباشا كأنه اكتشف اكتشاف .. حضرتك مركب كسوة كراسى؟؟ ياعم ده الصوت ده من الكسوة روح خلى المحل يظبتهملك ... طيب ممكن تعملوهم انتم ونشوف .. لا لا دى حاجة بسيطة ..
-
روحت للمحل وشلنتا الكسوة ومشيت الصوت موجود ...المهم بعد أسبوع أو اتنين وانا حاسس ان التوكيل ضحك عليا او ولا كشف اصلا على المساعدين ولا حاجة .
الصوت فى تزايد مستمر و اصبح من الامام زى وراء و فى كل المطبات الطقطقة بتيجى دلوقتى بصوت مستفز مسموع لكل اللى فى العربية
-
أنا رايح الوكيل السبت ولو انى خايف ميرضوش يعملوا أمر شغل .. ويحاولوا يماطلوا وانا المرة دى مش ناوى أسكت ...
-
المهم رجاء من الاخوة اللى عندهم خلفية أعرف ازاى حالة المساعدين و ممكن يكون الصوت ده من ايه تانى !؟
-
صور المساعدين الأمامى مرفق تحت .. ازاى اعرف المساعد بيجيب زيت ولا لأ ؟؟
-
المساعد الايسر ( ناحية السواق ) :::
مفيش الا شويه تراب و الحاجة الوحيدة اللى ممكن نقول عليها زيت هى اللى عليها السهم
رغم انى لما مسحتها طلعت حاجة زى الشحم كده .. )) الصور والعربية فى الجراش مخرجتش بقالها يومين )))



المساعد الايمن:::
مفيش الا تراب .. مفيش حاجة غريبة



صورة أوسع للمساعد الايمن و الايسر كان نفس الصورة مفيش حاجة غريبة ...":