السلام عليكم
انا لسه جايب سيراتو من يومين ذى ما انتم عارفين وربنا يكرمكم فعلا لقيت هنا اعضاء ولا اجمل بجد ناس محترمه بجد جزاهم الله كل خير
انا كان ليا شويه استفسارات علشان احافظ على العربيه ان شاء الله
1- انا عندى جنوط 17 افضل حاجه انفخ الكاوتش عليها كام 32 ولا اكتر ولا اقل
نيتروجين على 30 ده افضل حاجة
2- دراع النور الفوج لايت بيعلق ومش شغال والعيب من دراع النور هل بيتصلح ولا بيتغير وتكلفه التغيير بيكون كام فى التوكيل وخارج التوكيل لو امكن
دراع النور بيتغير و بيتباع فى الحرفيين استيراد او شارع دمشق بس السعر معرفوش
3- ذيت الفتيس متغيرش قبل كدا والعربيه عامله 55 الف كيلو والمفروض انه يتغير هو بياخد كام لتر زيت ونوع الذيت والتكلفه تقريبا قد ايه
كان لسه فى موضوع قريب عن تغيير زيت الفتيس و هتعرف امته و احسن نوع من رجالة المنتدى
4- العربيه فيها الريموت بتاعها الاصلى بفكر انى الغيه خالص واركب انزار افضل علشان موضوع السرقه والافلام ال بتتقال على السيراتو
والله انا كمان ناوى اعمل كده ففى احسن نوع الرجاله هنا اشادوا بيه هو spy way 2
و فيه بردو upgrade بيركب على الريموت الاصلى بتاع العربية
5- فلتر التكييف بيتباع فين وبكام الاصلى علشان هومسدود عندى حسب كلام الراجل لما كنت بكشف على العربيه
فى شارع دمشق ان شاء الله
6- النور الواطى عندى مش مظبوط حاسس انه نازل لتحت اوى وركبت سيراتو تانيه لقيت نفس العيب هل بعلى الفوانيس شويه ولا ليها طريقه تانيه يا شباب
هتروح لواحد كهربائى و يرجلشهولك و يرفعهولك شوية
7- مقاس كاوتس السيراتو الجنط 17 كام يا شباب وتكلفه الكاوتش الفرده كام تقريبا وهل فى مقاس افضل ممكن اغير ليه بيكون افضل فى الجنوط ال 17
انا اخر مرة كنت سائل على الكومهو الايكستا ب 680 جنيه و بقى المركات و انت طالع و احسن مقاس ال 225/45 والله اعلم
انا اسف جدا بس لسه بتعلم منكم ومعلش هتعبكم معايا
تعبك راحة يا باشا
المفضلات