الموضوع: سكودا a4 ولا a5

السلام عليكم
أنصح حضرتك بالأوكتافيا a4 2007 وده عن تجربة، كان معايا a5 وصديقي معاه a4 والاتنين عشت معاهم أكثر من تجربة.
أولا مشكلة الفيتيس اللي كل الشعب المصري بيتكلم عليها هي ببساطة شديدة بسبب زيت الفيتيس لازم يتغير قبل 40 ألف كيلو ودي حاجة مبتحصلش إلا نادرا، والعيب ده بيحصل لأي عربية أوروبي تمشي بيها على زيت فيتيس قديم وحصلت لي قبل كده في بيجو 406 وحصلت مع واحد في bmw318. آسف للإطالة بس ياريت تشوف حاجة ماشية كيلومتر قليل أو بيتغيرلها زيت الفيتيس الأصلي قبل فوات الأوان ( ملحوظة زيت الفيتيس الأصلي بحوالي 1300ج.م)
بالنسبة للإمكانيات مش فرق كبير بينها وبين a5 وهتستغرب لو قلت لحضرتك إن a4 بتسحب عن a5 وده عن تجربة (ومكانش فيهم عربية بتشتكي من حاجة).
الصيانات في a4 أرخص من a5 الفارق مش كبير قوي بس المهم هتلاقي فرق.
وعلى العموم يشترط توافر الحالة الجيدة والفحص الجيد قبل الشراء وبالتوفيق

المشاركة الأصلية كتبت بواسطة hisham80

شكرا لرد حضرتك يعني حضرتك شايف a4 أحسن أنا عارف موضوع الفتيس كويس بس كنت عايز أعرف هل الي موجود في a4 هو نفسه الي موجود في a5 وكنت عايز أعرف كام سعر 2006-2007 a4 ماشيه كيلو قليل auto ومعلش هتعبك معايا شويه

السلام عليكم
أنصح حضرتك بشراء سكودا أوكتافيا a4 وفعلا هتستريح من شوية مشاكل لو اشتريتها كيلومتر قليل، على العموم أسعارها في الثمانينات حسب الحالة، ولو لقيت حاجة كيلومتر قليل وفابريقة بالكامل أغلى شوية مش مشكلة، صديق اشترى واحدة أول السنة ب93 ألف ج بس ماشية 30 الف ك وفوق الرائعة، بس طبعا الأسعار اليومين دول أقل بكثير. ووبداية من 2007 يكون تمام وممكن 2008 أو 2009 ، هي مناسبة عائلية وشبابي وتتحمل بس أنصح بمتابعة صياناتها عند فني سكودا وغاليا ما بيكون متخصص سكودا وفولكس وفي أكثر من واحد كويس وبلاش توكيل وبلاش أي ميكانيكي عشوائي،،،وربنا يوفقك

متهيقلى الوكيل اساس منزلش a4 2008 - 2009 اوتو

هتلاقي إن شاء الله أوتوماتيك... ومتشيلش هم... الموضوع مش كبير بين التوكيل والخليجي