ترخيص عربيه ملحومه

**saleh311** · 25-10-2011 07:29 PM

السلام عليكم
إيه الوضع القانوني
لو دخلت افحص عربيه و أعمل إثبات لموتور جديد
و أثناء الفحص تم إكتشاف إن العربيه نصين وملحومه و لاحم رقم شاسيه
هي هيتم مصادرة العربيه ولا غرامه ولا هيبقي إزاي

**heshamzaky** · 25-10-2011 07:35 PM

أعتقد فيها حبس طبعا

**saleh311** · 25-10-2011 07:38 PM

طيب إيه العمل لو عربيه عامله حادثه ومعجونه تماما و بالعافيه في رقم الشاسيه و الموتور وبقيه البادي في الضياع
إيه الإجراء القانوني في الحابه دي

**M.Alaa92** · 25-10-2011 07:42 PM

فى اجراء غير قانونى

**heshamzaky** · 25-10-2011 08:03 PM

المشاركة الأصلية كتبت بواسطة saleh311

طيب إيه العمل لو عربيه عامله حادثه ومعجونه تماما و بالعافيه في رقم الشاسيه و الموتور وبقيه البادي في الضياع
إيه الإجراء القانوني في الحابه دي

بتتاع حوادث بثمن زهيد جدا طبعا
بس فية ناس بتشترى الورق دة بصورة غير قانونية علشان تلحم عربية نصين
بصراحة سكة مش حلوة و ربنا يبعدك عن شر السكة دى

**i_Boy** · 25-10-2011 08:11 PM

حنجيبلك عيش وحلاوه
اعملها واتطمن :)

**فتح الباب** · 25-10-2011 08:45 PM

يعنى اللى يعمل حادثه يرمى العربيه ولا ايه ياجماعه الموضوع ليس بالخطوره اللى انتم عملينها انما يجب ان يتم الشغل على نظافه وبعدين ياجماعه انتو بتتكلموا فى ورق عارفين يعنى ايه ورق يعنى هو العربيه بس للاسف الكلام ده فى مصر بس طبعا

**heshamzaky** · 25-10-2011 08:59 PM

المشاركة الأصلية كتبت بواسطة tjp

يعنى اللى يعمل حادثه يرمى العربيه ولا ايه ياجماعه الموضوع ليس بالخطوره اللى انتم عملينها انما يجب ان يتم الشغل على نظافه وبعدين ياجماعه انتو بتتكلموا فى ورق عارفين يعنى ايه ورق يعنى هو العربيه بس للاسف الكلام ده فى مصر بس طبعا

الخطورة أن الى عامل الموضوع دة يبقى مزور و يقع تحت طائلة القانون
الموضوع مفيهوش لبس و لا خلط دة تزوير فى أوراق رسمية و لما يبيع العربية الملحومة يبقى بيخدع الى حا يبيعها لة و بها تدليس

**AHMED1718** · 25-10-2011 09:00 PM

فيه ناس اساسا مصدر دخلهم كله من الحوار ده

انه يشترى سيارات الحوادث ويجيب واحدة بعد كده من غير ورق نصين ولا تلاتة

ويحط دى فى دى ويعيش شوية ويبيع على انها فابريكا

امال الناس فاكرا الناس بتتلهف على سيارات الحوادث ليه اكيد مش هيسمكرها

انا شخصيا شايف الحل ده ممكن تعمله لو عربيتك الشخصية حصل فيها كده وانتا مقدمكش حل تانى غير ده ولما تبيع العربية يبقا فيه امانة وتقول للى هيشترى وابقى قابلنى

لو هتعملها ليك وبدل جشع والحال اللى وصلناله فى مصر الفترة دى اتكل على الله اهو ف الاخر انت مش بتعمل كده علشان تغش حد

**heshamzaky** · 25-10-2011 09:08 PM

دة شيىء متعلق نسبيا بموضوع النزوير
.......... منقول .........
حبس 3 موظفين بمرور الإسماعيلية لاتهامهم بالتزوير
أ ش أالنهار : 17 - 09 - 2011
قررت نيابة الإسماعيلية حبس 3 موظفين بإدارة مرور الإسماعيلية لمدة أربعة أيام احتياطيا على ذمة التحقيقات ، لاتهامهم بالتزوير في أوراق رسمية ، واستخراج تراخيص لسيارات ليست لها ملفات بإدارة المرور .

وكان اللواء أبو الفتوح الورداني مدير أمن الإسماعيلية قد تلقى إخطارا بالقبض على 3 موظفين من إدارة مرور الإسماعيلية عقب اكتشاف المقدم حمدي عبدالنبي رئيس قسم التراخيص بإدارة مرور الإسماعيلية إستخراج 4 رخص رسمية لسيارات ملاكي مسجلة على الحاسب الآلي ولا يوجد لدي إدارة المرور أي أوراق رسمية أو ملفات لتلك السيارات .

وتم تحرير محضر بالواقعة ، وإحالة المتهمين للنيابة العامة التي قررت حبسهم ، وتولت التحقيقات.