النترا (مش الشكل الجديد) ولا سيراتو ولا لانسر (بومة) زيرو

**medod** · 28-10-2011 04:15 PM

انا عايز اشترى عربية زيرو و انا بقارن بين التلاتة دول انهى احسن وحدة فيهم و ياريت مقارنة بينهم بس انا هجيب اوتوماتيك فا ياريت لو فى مشاكل فى اى فتيس اوتوماتيك منهم اعرف

**SAMEH_FOUAD** · 28-10-2011 06:16 PM

لو سيراتو والنترا يبقى السيراتو

السيراتو عفشة ناشفة , مقابل عفشة اطرى للالنترا , اللانسر متقاربة جدا للالنترا

الاوبشن طبعا السيراتو بدرجة امتياز وبعد كدة اللانسر اللنترا مافيهاش حاجة

الثبات : اللانسر وبعد كدة السيراتو وبعد كدة الالنترا

المساحة الداخلية : الثلاثة متقاربين

التحمل : اللانسر

بالنسبة للاتوماتيك ( افضل اليابانى )

استهلاك البنزين : النترا ولانسر زى بعض السيراتو بتاكل بنزين عنهم بحبة حلوين

**devmedo_lab** · 28-10-2011 08:39 PM

لانسر ومتفكرش

**medod** · 28-10-2011 09:20 PM

بس للعلم انا لو هجيب سيراتو هتبقى اول فئة الى هيا جنوط 15 فا هل بردو العفشة هتبئا ناشفة ولا ايه

**SAMEH_FOUAD** · 28-10-2011 11:35 PM

ماتقلقش كل الجديد عفشتة ناشفة بس بتختلف من عربية لعربية حسب الارتفاع عن الارض , وحسب مقاس الكاوتش المستخدم , وحسب نظام التعليق الخلفى هل هو مستقل او غير مستقل وبما ان الكورى واليابانى دلوقتى اغلبيتة غير مستقل يبقى الاحساس بالعفشة متفاوت بنسب بسيطة جدا

نصيحة منى لا تجيب عربية ناشفة اوى او طرية اوى هاتها وسط عشان يبقى معاك ثبات وكمان راحة وماتسمعش صوتها غير فى النقر الشديدة

هات العربية اللى توفر معاك قطع غيار وموجودة واى حد بيصلحها

هات العربية اللى توفر معاك بنزين لان البلد بقت زحمة موووووووووووت ودة بيبلع بنزين