لوجي و الكلب و الكارتيرة

**walloo1978** · 30-10-2011 09:48 AM

امبارح يا جماعة و أناً ماشي في أمان الله رايح على طريق الصعيد الشرقي --بالمناسبة الطريق ده ممتاز--

المهم أن كنت ماشي تقريباً على سرعة 80 -90 مش فاكر و فاضل على ما أدخل الطريق الرئيسى حوالي 500 متر

و لوحدي على الطريق يعني مفش ولا عربيه ألاقي حوالي 10 كلاب طلعوا من الجبل و عمالين يجروا ورا العربية
عادي يدوب عادتهم ب 100 متر و ببص عليهم في المراية ألاقي كلب تاني قدام العربية ب متر واحد و طاااااخ

قمت واخدو بجانب الرفرف اليمين كاني والله خبط في حجر على السرعة دي . ببص عليه من المراية لقيتو على الأرض لكن ثواني و قام بيحعل يجري علشان الكلاب التانية جاية من بعيد تجري عليه.

أنا قلت كدة الرفرف ضاع المهم مشيت شوية علشان أنا خفت لحسن الكلاب تيجي تنتقم مني و يطلبوا التار

وقفت و ببص على الخساير لقيت الحمد لله الرفرف سليم

لكن الكارتيرة اليمين اتكسرت من تحت من عند الحتة إلي موصلها باللرفرف

و الرفرف في تقريباً كلبس فك أو اتكسر .

طبعاً لحد ما روحت البيت كل ما أمشي في حتة فيها كلاب أتزف
تقريبا ريحة الكلب في ررف العربية الكلاب شمتها و عاوزين يقطعوني
لكن على مين
دا أنا جامد أوي
خلتني في العربية لحد ما الكلاب مشيت

السؤال ياجماعه

ياريت حد يقوللي سعر الكارتيرة كام ؟

و الصنايعي المفروض ياخد كام عليها؟

وائل الشيشيني

**walloo1978** · 30-10-2011 11:22 AM

المشاركة الأصلية كتبت بواسطة walloo1978

امبارح يا جماعة و أناً ماشي في أمان الله رايح على طريق الصعيد الشرقي --بالمناسبة الطريق ده ممتاز--

المهم أن كنت ماشي تقريباً على سرعة 80 -90 مش فاكر و فاضل على ما أدخل الطريق الرئيسى حوالي 500 متر

و لوحدي على الطريق يعني مفش ولا عربيه ألاقي حوالي 10 كلاب طلعوا من الجبل و عمالين يجروا ورا العربية
عادي يدوب عادتهم ب 100 متر و ببص عليهم في المراية ألاقي كلب تاني قدام العربية ب متر واحد و طاااااخ

قمت واخدو بجانب الإكصدام اليمين كاني والله خبط في حجر على السرعة دي . ببص عليه من المراية لقيتو على الأرض لكن ثواني و قام بيحعل يجري علشان الكلاب التانية جاية من بعيد تجري عليه.

أنا قلت كدة الإكصدام ضاع المهم مشيت شوية علشان أنا خفت لحسن الكلاب تيجي تنتقم مني و يطلبوا التار

وقفت و ببص على الخساير لقيت الحمد لله الإكصدام سليم

لكن الكارتيرة اليمين اتكسرت من تحت من عند الحتة إلي موصلها باللرفرف و الإكصدام

و في تقريباً كلبس فك أو اتكسر .

طبعاً لحد ما روحت البيت كل ما أمشي في حتة فيها كلاب أتزف
تقريبا ريحة الكلب في إكصدام العربية الكلاب شمتها و عاوزين يقطعوني
لكن على مين
دا أنا جامد أوي

خلتني في العربية لحد ما الكلاب مشيت

السؤال ياجماعه

ياريت حد يقوللي سعر الكارتيرة كام ؟

و الصنايعي المفروض ياخد كام عليها؟

وائل الشيشيني

**elshaky** · 30-10-2011 01:02 PM

ايه هى الكارتيره بالظبط معلش اعتبرنى جاهل ههههههههههههههههه

بس انت طلعت شجاع اوى ولا لوجناوى مان هههههههههههههههههه

**elgohary** · 30-10-2011 06:01 PM

لاتقلق فالامر هين بالنسبة للاخ اللى بيسأل يعنى ايه كارتيره انا اقولك لفظ كارتيره يطلق على المكان اللى بيتجمع فيه زيت الموتور والعربيه راكنه وبيكون اسفل الموتور تحت الرادياتير الخاص بدورة مياه التبريد

أما الكرتيره اللى احنا نقصدها فى موضوع اخونا اللى حصل معاه موقف الكلاب ع الطريق هى اللى بتكون فوق الكاوتش ومربوطة فى الاكصدام الامامى وبتكون بلاستيك وبتحمى العربيه من الطين
نصيحتى للاخ الفاضل صاحب الموضوع روح لسمكرى شاطر يحطلك كلبسات ويربطهالك كويس بدون قلق وحمدالله على سلامتك من الاوغاد

**georgedada82** · 01-11-2011 01:29 AM

سعر الكارتيرة في التوكيل كانت حوالي 680 او حاجة زي كده الكلام ده من سنة ونص تقريبا

**ahmedeg1** · 03-11-2011 09:24 AM

المشاركة الأصلية كتبت بواسطة georgedada82

سعر الكارتيرة في التوكيل كانت حوالي 680 او حاجة زي كده الكلام ده من سنة ونص تقريبا

يا باشا انتا كده اديته سعر كرتيرة الزيت
و الأخ الفاضل عاوز سعر كرتيرة العجل البلاستيك
هتلاقى تمنها مهم كان غالى لن يتعدى ال 50 جنيه

**walloo1978** · 03-11-2011 04:55 PM

المشاركة الأصلية كتبت بواسطة ahmedeg1

يا باشا انتا كده اديته سعر كرتيرة الزيت
و الأخ الفاضل عاوز سعر كرتيرة العجل البلاستيك
هتلاقى تمنها مهم كان غالى لن يتعدى ال 50 جنيه

تمام يا باشا كدة هو دة إلي أنا كنت بسأل عليه

**iq360max** · 04-11-2011 04:13 PM

السلام عليكم وكل سنة وانتم طيبيين
سعر الكرتيرة البلاستيك الي حوالين العجل فالتوكيل ب 180 جنيه وبره التوكيل ب 80 في شارع صلاح الدين
وممكن توديها لو فيها كسر انشاء الله لنصين توديها لواحد بيصلح اكصدامات الفبر بيصلحها وبيلحمها ببعض ب تسيح قطهة حديد وبتبقى 100 %