عندي صوت غريب من وسط العربيه

**amr_007** · 31-10-2011 05:21 PM

عندي صوت غريب من وسط العربيه زي نحره بحسه من الفتيس او من تحت التابلوه والسحب قل شويه وفي تنتيش بسيط لو سيبت دبرياج سنه يعني لازم اكون دايس دبرياج جامد والصوت النحره ده عالي جدا كذا واحد قالي دي بليه اشتريت بلي وغيرته مرتين في شهر واحد والمره التانيه كانت بلي اصلي وبرضوا الصوت عالي وظبط زوايا ورصصت مجرد مامشي علي اسفلت ناعم وسليم ابدا اسمع الصوت طول مانا في شوارع مكسره ماسمعش الصوت اول مامشي علي اسفلت سليم اسمع النحر ---انا ساكن في شارع الاربعين اللي ورا حديقه بدر اللي يعرف يدلني اعمل ايه وشكرا جدا جدا ليكم

**Ahmed Nasser** · 31-10-2011 06:15 PM

بلى اية اللى غيرتة ؟؟

**amr_007** · 01-11-2011 02:12 AM

انا غيرت الاول بلي ايطالي سعره خمسين جنيه وبعدين غيرت تاني في نفس الشهر بلي سعره 80 جنيهي انه اصلي ونضيف حتي بتاع العفشه قالي انه ممتاز وعجبه جدا وسالني جايبه منين
وطبعا انا مش فاكر الماركه بس انا ماعنديش صوت في العجل خالص انا اخر مازهقت نزلت الجراج بالليل ورفعت العربيه ولفيت الفرده بايدي مره ودورت اديت التاني وماسمعتش حاجه
من العجل الصوت جايلي من وسط العربيه حد يساعدني انا زهقت وكل ميكانيكي بكلمه ولو مشيت وراهم هاخسر