الموضوع: أول مشاركة ليا فالمنتدى ياريت تفيدوني :) سؤال عن fantasia

+++++++++
متابع باهتمام

بص انا معايا كتالوج 2012 ...... هصوره وانزلهولك وهتعرف الفرق بين كل الموديلات ....... انا لسه جايب اتوماتيك اول فئه وكيل امبارح ..... بس بأختصار الفرق بين المانيوال واتواماتيك اول فئه فى حاجتين بس ... المانوال تكييف كليماتك يدوى والفتيس يدوى 5 سرعات ........ اما الاتوماتيك اول فئه تكييف كليماترونيك اليكترونى وتوزيع الهواء للمقاعد الخلفيه والفتيس اتوماتيك ...... بس الاختلاف فى الحاجتين دول

ألف شكر بجد :)
يعني المنوال مافيهوش فتحات ورى ولا فيه dual zone :( ، طب معلش سؤال كمان ، طب كدة باءة حكاية إن درج التابلو بيشتغل كتلاجة موجودة فالمنوال ولا لأ ؟! معلش هتعبك معايا

معلش نسيت أؤلك ألف مبروك يا باشا عل عربية :) وربنا يكرمك فيها إنشاء الله

الف مبروك للمالك الجديد و صاحب الموضوع مقدما....هي بس ان شاء الله و ليس انشاء

الله يبارك فيكم يا جماعه ....... الاخ الكريم الى بيسأل على فانتازيا المانوال ...... كل الى موجود فى السياره المنوال موجود فى الاتوماتيك مفيش اختلاف فى اى شىء ..... الا التكييف فى المانوال يدوى والاتوماتيك تتش والفتيس هنا يدوى وهنا اتوماتيك ....... بخلاف كده هى هى السياره ....... السبورت بتزيد الجنوط والزينون والسنسور ...... والهاى لا ين بتزيد فتحة السقف والجنوط 16 مش 15 وخشب ابنوس على التابلوه ونظام تدفئه فى الكراسى والفرش جلد وبتهيألى فيها 2 ايرباج زياده ..... ده فى الوكيل اما فى الخليجى فيه اختلاف فى ارتفاع السياره وفى العفشه والاوبشن .

المشاركة الأصلية كتبت بواسطة esp

الف مبروك للمالك الجديد و صاحب الموضوع مقدما....هي بس ان شاء الله و ليس انشاء

معلش أصل باستخدم موقع عشان يترجملي الفرانكو فمش أنا البكتب يعني ومش بدأا أوي :) شكراً عل تصحيح وجزاك الله خيراً :)