عايز أرد رفرف و اشتري فانوسين

**solid_khaled** · 03-11-2011 10:11 AM

عايز أرد رفرف و اشتري فانوسين
LANOS

يا جماعة أنا عايز أرد رفرف قدماني على البارد اعملها فين و بتتكلف كم تقريباً ؟

و عايز اشتري وش فانوس الأمامي

و وش فانوس خلفي

أنا من سكان مصر الجديدة أنزل أشوف في جسر السويس ولا في شارع دمشق

و لو حد يعرف أسعار وش الفانوس ..

شكراً

**mailo** · 03-11-2011 10:27 AM

هو أنا معرفش إن فيه وش فانوس بيتباع لوحده
بس الفوانيس ممكن أقولك فين
أبوالحسن معندوش دلوقتي اللا الأصلي ب 400
الديبو مش موجود عنده وكان بيبيعوا ب 140

جنبه واحد اسمه الصياد عنده الصيني وبيبيعوا ب 90
بس مانصحكش بالصيني عشان أنا جبته يوم الإتنين وركبته واضطريت اغير الفيش بتاعته عشان كان النور ضعيف
وفيه محل لسة فاتح أول امبارح تحت كبري الدقي بيبيع ال ديبو ب 130 ومنزل شوية في الاسعار عشان لسة فاتح جديد إن شاء الله هعدي عليه أجيب منه اسعاره ونجربه

السمكري بقى إنت جنبك عين شمس فيها شيوخ السمكرية
أنا أعرف واحد فيهم هو كويس بس أنا مجربتش شغله في حاجة ليَّ
في ظَهر مودرن سكول اسمه عم حمادة
لو رايحله قولي أقولك إزاي
الباقيين اللي أعرفهم بعاد قوي عنك يعني المعصرة ومنيل شيحة وكده

**tarek_2005** · 03-11-2011 10:45 AM

الفانوس الامامي ليس له وش الخلفي يباع له وش ب 20جم الواحد صيني ممتاذين بقلهم سنة في عربيتي ولم يتغير لونهم المصري ب 15 جم بس بيتغيير لونهم

**aliyosef** · 03-11-2011 07:00 PM

الديبو ده حاجه محترمه جدا على تجربه سنتين فى البونتو و7 شهور فى النوبيرا ولايصفر ولا يتكسر حتى لانه بلاستيك

**XGoGoX** · 03-11-2011 07:55 PM

إشتري فانوس صيني أحسن بكتير من الإستعمال
أنا جايب واحد صيني وواحد إستعمال
الإستعمال كان عامل 200 جنيه وزي الزفت ودخله ميا وشبر
أما الصيني جديد وعامل 90 جنيه وماشي معايا زي الفل

**mailo** · 04-11-2011 04:26 AM

الفانوس الديبو دة كويس ؟ و فن عم حمادة دة بالظبط لو تقدر توصفلي من عند بوابة 5 نادي الشمس :) و ياريت ياباشا أسعار الرد على البارد في حدود كام

معرفش بوابة 5 بالضبط بس إنت أكيد عارف أحمد عصمت
امشي فيه من جسر السويس وفي نص الشارع تقريبا خامس ناصية هتلاقي مدرسة modern school خوش قبلها شمال هو على شمالك ومعروف هناك

بص هتلاقي واحد أعد على كرسي في نص الشارع قولوا إزيك يا عم حمادة
هيقولك اتفضااااال الشاي يابت
هو ده الراجل :D

بس أنا باقولك تاني هو معمليش شغل قبل كده بس اللي سمعته عنه إنه كويس
وياريت كمان تسأل حد من الناس اللي جنبك أكيد عارفين ناس في عين شمس ومجرابينهم