تسلم ايدك ...
معلومات قيمة جدا ..
ونحتاج لتذكرها فعلا ...
رقم العضوية : 69042
تاريخ التسجيل : 27Apr2010
المشاركات : 255
النوع : ذكر
الاقامة : Aswan
السيارة: Logan F/O 2010
السيارة[2]: Mazda 323 1982
دراجة بخارية: لا
الحالة :
لاحظت ان هناك معلومات كتيره عن العربية والواحد بيحتار هل هذه المعلومات مؤكده ام لا وخصوصا ان بعض الاخوة بينقضها ونبدا بالشك وقد لاحظت ان بعض المعلومات نتيجة تجارب شخصية و البعض منها نتيجة كلام خبير وبعضها من مواقع او من دليل العربية.
أنا بأقترح ان كل واحد عنده معلومة مؤكده من الدليل ومن الدليل فقط يضعها هنا وبشرط ذكر رقم الصفحة التى بها المعلومة علشان تكون موثقة وكمان اللى عايز يتأكد ان المعلومة اتفهمت صح ونراجعها مع بعض لو كانت محتاجة اضافة او شرح.
واعتقد ان بعد فترة ممكن كل المعلومات والنصائح والتحذيرات الموجوده بالدليل تكون بين ايدينا ملخصة وسهل الوصول اليها.
وسوف ابدا وياريت نرقم المعلومات علشان سهولة الرجوع اليها فممكن نقول مثلا راجع المعلومة رقم كذا صفحة كذا .
معلومة: 1 صفحة 1.2
تغيير بطارية الريموت كل سنتين
المعلومة2 - رقم الصفحة: 1.3
اذا فتحت العربية بالريموت ولم تفتح انت بعدها بأيدك اى من الابواب او باب الشنطة لمد 30 ثانية سوف تغلق جميع الابواب مرة اخرى اوتوماتيكيا.
المعلومة 3 - رقم الصفحة: [COLOR=rgb(29, 22, 227)]1.3[/COLOR]
مدى الريموت كنترول غير موضح ومكتوب فقط انه يعتمد على الجو المحيط
المعلومة 4 - الصفحة: 2.2
عند اول 1000 كم لا تزيد السرعة عن 130 كم/ساعة وعدد اللفات يكون (3000 : 3500 )
المعلومة 5 - الصفحة: 2.2
لا تتوقع الاداء الامثل للعربية قبل 3000 كم
المعلومة 6 - الصفحة: 2.3
لا تطفئ المحرك ابدا قبل وقوف العربة تماما لان ذلك يؤثر على البور وعلى ايرباج وربما يعطلوا ولا يشتغلوا.
معلومة 7 - الصفحة: 2.4
1 - القيادة لمدة طويله مع تحذير لمبة البيان ان البنزين اوشك على النفاذ
2- استخدام بنزين به نسبة رصاص عالى
3- اضافة زيوت او بنزين غير موصى به من الشركة المصنعة الى البنزين الاصلى.
4- مشاكل عدم الاحتراق الكامل للبنزين بسبب اعطال شمعات الاحتراق وغيرها
كل ذلك يتسبب فى زيادة سخونة الشكمانات بالسيارة وبالتالى تقليل كفاءته مما ينتج عنه تدمير الشكمان مما ينتج عنه زيادة درجة حرارة السيارة
معلومة 8 و 9 و 10: - صفحة 1.17
8 - لا تنطلق الايرباج الا والمحرك شغال مع التعرض لصدمة امامية
9- عند تشغيل المحرك تومض لمبة البيان الخاصة بالايرباج ومكانه داخل عداد اللفات وتنطفئ خلال ثوانى واذا لم يحدث ذلك يكون نظام الايرباج عطلان
10- نظام الايرباج معتمد على توليد حرارة ودخان مع صدور صوت ضوضاء وهذا لا يعنى ان هناك حريق على وشك الحدوث
معلومة 11: صفحة 1.18
حتى لا تعوق عمل الايرباج تجنب الاتى:
- لا تقم بعمل تعديلات بعجلة القيادة وخصوصا مكان الايرباج
- لا تغطى مكان الايرباج بأى شيئ تحت اى ظروف
- لا تضع او تلصق اى اشياء مثل الساعات والموبيلات على مكان الايرباج
- لا تفك عجلة القيادة الا بمعرفة الوكيل
- عند القيادة لا تجلس قريبا من عجلة القيادة (اجلس بحيث يكون الذراعين مثنيان قليلا حتى يكون هناك فراغ كافى لعمل الايرباج بكفاءة)
معلومة 12 و 13 -- صفحة 1.20
12- ليس اكيد انطلاق الايرباج فى حالة الصدمات الخلفيه والانحرفات الشديدة
13- من الممكن انطلاق الايرباج فى حالة الصدمات السفلية مثل الرصيف والحفر والحجارة
معلومة 14 : صفحة 2.7
Do not overrev the engine in the intermediate gears. Always use the highest gear possible without labouring the engine
وده معناه انك لا تزيد السرعة على الغيارات المتوسطة. ودائما استخدم الغيار الاعلى كلما امكن بدون ان تجعل السيارة تسير بصعوبة.
"لاحظ ان الكلام ده فى الحالة الطبيعية للسيارة فالاجدر بنا ان نتبعها فى حالة التليين ونزيد شويه ان السرعة لا تزيد عن 130 كم/س"
معلومة 15 : صفحة 1.21
تصادم بالسيارة على سرعة 50 كم/ س يعادل سقوط من ارتفاع 10 متر يعنى من بلكونه بالدور الرابع.
معلومة 16 : صفحة 1.38
عند اول كيلومترات قليلة من بداية الحركة بعد تصفير كمبيوتر الرحلات سوف تجد ان معدل الاستهلاك عالى وربما يقل معدل استهلاك البنزين فى احدى الحالات الاتيه:
- ايقاف العجلة التزايديه.
(ملحوظة: العجلة التزايديه هى ان السرعة تزيد مع الزمن يعنى التسارع).
- وصول المحرك الى درجة الحرارة المثالية للتشغيل.
- اصبح الطريق خاليا بعد ان كان مزدحما.
يزيد معدل استهلاك البنزين فى حالة ان السيارة واقفة والمحرك شغال.
معلومة 17: صفحة 1.41
سوف تتوقف الساعة فى حالة تم نزع البطارية وسوف تضطر الى اعادة ضبطها مرة اخرى.
معلومة 18: صفحة 1.42
مرايا الكهرباء الخارجية بتسخن مع تشغيل مفتاح تسخين الزجاج الخلفى.
(ملحوظة :لم يذكر ان هذه الخاصية تعتمد على نوع السيارة فاعتقد ان هذه الخاصيه موجوده فى الفول اوبشن فى مصر وياريت لو حد جربها يفيدنا)
معلومة 19: صفحة 1.44
لو اطفأت المحرك ولم تطفئ انوار السيارة وفتحت الباب الامامى سوف تسمع صوت انذار. ( وده لربما تكون ناسى الانوار وترجع تلاقى البطاريه فاضيه).
معلومة 20: صفحة 1.47
لو اطفأت المحرك قبل ما توقف المساحات سوف تقف المساحات فى مكان عشوائى على سطح الزجاج الامامى.
علومة 21: صفحة 1.48
عند استخدام مفتاح تسخين الزجاج سوف يغلق اتوماتيكيا بعد 12 دقيقة (تعتمد على نوع السيارة).
معلومة 22 و 23: صفحة 1.49
22- استخدم دائما نوعية جيدة من البنزين ولا تستخدم بنزين به نسبه عاليه من الرصاص ،لا تزيد نسبة الايثانول به عن 85%.
23- اذا استخدمت نوعيه بها رصاص عالى سوف تلاحظ زيادة معدل استهلاك البنزين ولا بد من اعادة ضبط المحرك لان البنزين عالى الرصاص غير متوافق مع الموتور ويسبب وقت اطول عند بداية التدوير وتقطيع الخ.
معلومة 24 : صفحة 1.50
استخدام نوعيه بنزين بها رصاص عالى سوف يدمر نظام مانع التلوث بالسيارة وبذلك تخرج السيارة من الضمان.
معلومة 25: صفحة 1.50
الزور او فوهة تانك البنزين (المكان الذى يتم منه ملئ التانك بالبنزين) مصمم بحيث يحتوى بداخله على صمام حاجز لا يسمح بدخول فوهة المسدس الخاص بالبنزين عالى الرصاص.
(اعتقد ان فى مصر كل مسدسات ملء البنزين الخاصة بمحطات التمويل متشابه ولايوجد اى فرق بينها سواء عالى او منخفض الرصاص واكيد الكلام ده فى بلد تانى ).
معلومة 26: صفحة 1.50
لما تضع المسدس داخل فوهة التانك بيفصل عندما يمتلأ التانك بالبنزين، يمكنك ان تعاود الضغط مرة اخرى على المسدس حتى يفصل مرة اخرى ويمكنك معاودة المحاولة مرة ثانية واخيرة ولا تحاول ان تضع اى بنزين زيادة داخل التانك بعد المحاولة الثانية وذلك حتى تترك فراغ ملئ بالهواء يسمح بتمدد البنزين.
(بصراحة دى معلومة جديدة واول مرة اعرفها وانا دايما كنت لما بأفول وخصوصا وانا مسافر كنت اسحب المسدس لبره علشان ما يفصلش واضغط لحد لما اشوف البنزين بعينى وتنزل منه قطرات على الارض كمان وادينى عرفت ان ده كان خطأ وللاسف عملتها برضه مع اللوجان وخصوصا ان غطاء تانك البنزين فى اللوجان محكم الغلق يعنى لما البنزين يتمدد لن يستطيع التسرب الى خارج التانك بتاتا ).
معلومة 27: صفحة 2.7
داخل مربع العلامات التحذيرية (المربع به 9 علامات بعضها بينور وبعضها لا، حسب الوظيفه) توجد علامة فى الصف الاخير العمود الاوسط فوقها علامة الامبولايز ويمينها علامة فرامل اليد وشمالها علامة البطارية، هذه العلامه خاصه بنظام مانع التلوث لو اضاءت يبقى النظام فيه خلل.
معلومة 28: صفحة 2.7
- قد السيارة بتمهل عند بدية التحرك حتى تصل السيارة الى درجة حرارتها المثلى للتشغيل. (من التجربة وجدت ان الحرارة المثلى عند 4 شرط)
- زيادة السرعة تعنى تكلفة.
- القيادة الرياضية (اللى احنا بنسميها امريكانى) تستهلك كمية بنزين كثيره.
- ادرس الطريق حتى لا تستخدم الفرامل كثيرا.
- تجنب الزيادة المفاجئة فى السرعة. sudden acceleration
- لا تحاول المحافظة على نفس السرعة وانت طالع مطلع ولكن ثبت رجلك على دواسة البنزين عند نفس المستوى ولا تضغط.
- قبل اطفاء المحرك لا تعمل اثنين دبرياج وبعدين تزود بنزين فالعربات الحديثه لا تحتاج الى ذلك.(دى انا مش فاهم ايه الحكمة منها فى العربيات القديمه، هل علشان تدور بعد كده بسرعة؟)
- لا تقود السيارة داخل بركه من المياه مستواها اعلى من الحافة السفليه للاطار.
معلومة 29: صفحة 2.8
- الكهرباء تعنى بنزين اغلق كل الاجهزة التى تعتمد على كهرباء طالما انك لست بحاجه اليها (ودى برضه جديده الكهرباء طالعة من البطارية وايه علاقتها بالبنزين طالما انها كده كده بتتشحن مع العربية).
معلومة 30: صفحة 2.8
- استخدم التهويه عن طريق المروحه. القيادة مع النوافذ المفتوحه تزيد معدل استهلاك البنزين بنسبة 4% عند سرعة 100 كم/س. (دى معلومة خطيره جدا وانا تفاجأت بيها)
- من الطبيعى ان يزيد معدل استهلاك البنزين مع التكييف وخصوصا داخل الاماكن التى بها حركة سير بطيئة.
معلومة 31: صفحة 2.8
نصائح لتقليل معدل استهلاك البنزين
- لو كنت راكن العربية فى الشمس افتح الابواب لدقائق حتى يتسرب الهواء الساخن الى الخارج.
- لا تملأ تانك البنزين الى الحافة حتى لا يفيض.
- لا تترك اى اسقف تم تثبيتها بالسيارة طالما انها فارغة ولست فى حاجه اليها.
- من الافضل ان تقوم بقطر الاشياء الضخمة.
- تجنب استخدام السيارة فى المشاوير القصيرة مع توقف طويل لانه فى هذه الحالة لن تصل السيارة مطلقا الى درجة حرارة التشغيل المثلى.
- زيادة استهلاك البنزين ممكن حدوثه ايضا بسبب ان ضغط الاطارات غير كافى أو استخدام اطارات غير موصى بها.
معلومة 32: صفحة 2.11
حسب حمولة السيارة وخصوصا عندما تكون مركونه على طريق منحدر لابد من استخدام فرملة اليد درجتين على الاقل و خد الغيار الاول او غيار المارشدير.
معلومة 33: صفحة 2.11
لا تركن السيارة وتترك عجلة القيادة فى اقصى دوران لها لان ذلك يتسبب فى تلف طلمبة الباور الخاصة بعجلة القيادة. (اعتقد ان ده كلام مهم جدا)
معلومة 34: صفحة 2.11
نهائيا لا تطفئ المحرك ابدا وانت نازل بالسيارة منحدر وكذلك اثناء القيادة على مستوى عدل (اطفاء المحرك يلغى عمليات مساعدة ضروريه اثناء القياده) (اعتقد منها الفرامل والباور الخ......)
معلومة 35: صفحة 3.3
لا تحاول اضافة اى اشياء من اى نوع الى دائرة التهوية لطرد الروائح الكريهة لان ذلك يتسبب فى تلف دورة الهواء او يسبب حريق.
معلومة 36: صفحة 3.4 و 3.5
بعد فترات طويله واثناء قفل النوافذ
1- مع وضع مفتاح سرعة المروحة على 0
2- او وجود سرعة لمروحة الهواء ولكن مع اختيار نظام دورة الهواء المغلقة اى ان الهواء ياتى من داخل السيارة ويعود اليها بعيدا عن الهواء الخارجى
يتكون بخار ماء على الزجاج الجانبى والخلفى والامامى وربما تحدث بعض المشاكل لعدم استنشاق هواء نقى لفترات طويله.
ولابد من الاسراع بتجديد الهواء.
معلومة 37: صفحة 3.5
المفتاح C هو المسئول عن اختيار نظام دائرة التهويه المغلقة وذلك بوضعه اقصى الشمال او اختيار نظام التهويه المفتوح وذلك بوضعه اقصى اليمين.
(كما ذكرنا سابقا دائرة مغلقه اى ان الهواء ياتى من داخل السيارة ويعود اليها ولا يوجد هواء متجدد والدائرة المفتوحة هى ان الهواء ياتى من خارج السيارة الى داخلها ويكون دائما متجدد)
(للحصول على درجة تبريد اعلى يفضل الدورة المغلقة وفى حالة الحصول على هواء نقى ومتجدد يفضل الدائرة المفتوحة)
معلومة 38: صفحة 3.6
(لابد من فتح الصفحة للتعرف على طرق توزيع الهواء داخل السيارة وذلك عن طريق المفتاح D لانه توجد فتحات كثيرة لخروج الهواء ويمكن التحكم بها حسب الاحتياج وكلما زادت سرعة المروحه زادت كفاءة توزيع الهواء داخل السيارة).لاحظ اننا نتكلم عن الهواء سواء عادى او مكيف.
معلومة 39: صفحة 3.7
- لا يعمل التكييف فى حالة اذا كانت درجة الحرارة خارج السيارة منخفضة.
- اذا وجدت ان الزرار E وهو الخاص بتشغيل التكييف غير منور بالرغم من انك قمت بتشغيله فهذا معناه ان نظام التحكم فى التدفئة والتهويه مماثل تماما للسيارة بدون استخدام التكييف.
(بصراحة مش قادر احدد المعنى الدقيق ولكن اعتقد ان المقصود هو ان درجة حرارة السيارة الداخليه وصلت الى درجة حرارة تساوى درجة الحرارة التى تخرج من التكييف سواء كانت درجة تبريد او درجة تسخين).
لى تعليق فيه شرح عمل التكييف بالتفصيل فى الرابط التالى
وكان تحت عنوان اللوجان والتكييف كلاكت تانى مرة (اللوجانوالتكييف كلاكت تانى مرة) للعضو المحترم ahfares
http://www.nilemotors.net/Nile/164507-a.html (اللوجانوالتكييف كلاكت تانى مرة)
معلومة 40: صفحة 3.8
- معدل استهلاك البنزين يزيد مع استخدام التكييف وخصوصا داخل الاماكن المزدحمة.
- لخفض معدل استهلاك البنزين شغل التهويه واقفل الزجاج، اذا كنت راكن فى الشمس افتح الابواب والنوافذ لطرد الهواء الساخن من داخل السيارة قبل تشغيل المحرك.
معلومة 41: صفحة 3.8
- اذا وجدت ماء اسفل السيارة فهذا معناه انك كنت مشغل التكييف لفتره طويله.
(من المعلوم ان التكييف عموما يتم ضبطه على 50% رطوبه وهى درجة الرطوبه النموذجيه فاذا كان الهواء الذى يمر على المبادل الحرارى للتكييف به رطوبه اعلى من 50% تتكثف الرطوبه الزائدة وتخرج على هيئة ماء).
(على فكره حصلت لى فى يوم غريب هنا فى اسوان واول مرة اقيس الرطوبه واجدها فوق 50% وهى دائما لاتزيد عن 30% ووجدت المياه اسفل العربية واتخضيت وبعدين فكرت واستنتجت الكلام ده والحمد لله وجدناه مكتوب بالحرف فى الدليل)
دائما الكلام بين الاقواس وليس باللون الاسود شرح من عندى او تعليق.
معلومة 42: صفحة 3.9
يوجد عدد 2 مفتاح للتحكم فى النور داخل السيارة
مفتاح رقم 1 له ثلاثة اوضاع اولا اضاءة مستمرة ،ثانيا عدم الانارة نهائيا والوضع الثالث اوتوماتيك يعنى ينور عند فتح احد الابواب وينطفئ تدريجيا بمجرد غلق الابواب بما فيهم باب الشنطة.
مفتاح رقم 2 له وضعان اما انارة مستمرة او عدم انارة.
معلومة 43: صفحة 3.9
الوضع الاوتوماتيك لمفتاح رقم 1 مهم جدا لانه يعتمد عليه الاتى:
- اذا فتحت السيارة باستخدام الريموت تتم الانارة الداخليه للسيارة اوتوماتيكيا لمدة 30 ثانية.
- اذا كان هناك باب مفتوح لسبب ما او لم يتم اغلاقه باحكام تظل الانارة داخل السيارة لمدة 30 دقيقة. (دقيقه وليست ثانيه للتاكيد علشان البطاريه).
- اذا كانت كل الابواب مغلقة سوف يتم اختفاء النور بمجرد تشغيل المحرك.
معلومة 44: صفحة 3.10
لا تترك ابدا مفتاح الكونتاكت فى مكانه مع وجود اطفال او حيوانات لربما حدث بطريق الخطأ ان يقفل الزجاج على رقبة او ذراع الطفل او الحيوان فيتاذى.
معلومة 45: صفحة 3.13
لا تضع اى شيئ بالاسفل عند رجليك وانت تقود لربما تسبب ذلك فى اعاقة للقياده وخصوصا استخدام الفرامل.
- لا تضع اى شيئ حاد او ثقيل فى المكان المخصص لوضع الاشياء امام الراكب الامامى (رقم 2) لربما تسبب فى الاذى اثناء فرملة قويه او دوران شديد.
- يوجد مخرج شبيه بوصلات الكمبيوتر وله رمز a داخل الصندوق الامامى المخصص لحفظ الاشياء، حافظ على سلامة هذا المخرج ولا تعرضه للتلف وخصوصا بانزلاق سوائل عليه لان هذا المخرج مهم جدا فى اعمال الصيانة والتعرف على مشاكل السيارة بواسطة الكمبيوتر.
معلومة 46 : صفحة 4.2عند فتح الكبوت والسيارة ساخنه لا تلامس مروحة التبريد فاحتمال وارد انها تشتغل فى اى لحظة.
معلومة 47 : صفحة 4.3تحت اى ظرف من الظروف لا تجعل مستوى الزيت اعلى من العلامة العلويه a لان ذلك يسبب تلف الموتور.
معلومة 48 : صفحة 4.5حجم الزيت 4.8 لتر بالفلتر للموتور 1.6 16 صمام .
معلومة 49 : صفحة 4.6زيت الفرامل من الطبيعى ان يقل مستواه عندما يكون الموتور ساخن ولكن لا يقل ابدا تحت العلامة التحذيرية الصغرى.
معلومة 50 : صفحة 4.7لا تزيد ماء التبريد للمحرك ابدا وهو ساخن ويكون مستوى المياه بين العلامتين وهو بارد.
معلومة 51 : صفحة 4.8مستوى زيت الباور يكون بين العلامتين وهو بارد.
معلومة 52 : صفحة 4.8ممكن وضع سائل غسيل مع الماء داخل التانك الخاص بالمساحات ويمكن ضبط زاوية خروج الماء عن طريق بلية صغيرة باستخدام قلم.
معلومة 53 : صفحة 4.9يكون ضغط الاطارات حسب حجم الاطار وهل امامى او خلفى وهل على الطريق السريع ام لا ويوجد جدول ملصق بالباب الخاص بالسائق به كل هذه المعلومات .
معلومة 54 : صفحة 4.9عندما تحتاج الى تغيير اطار واحد فقط يجب ان يكون مطابق لباقى الاطارات فى الصنع والحجم والنوع والشكل. (يعنى اخوهم)
معلومة 55 : صفحة 4.11 و 4.12بالرغم من ان السيارة معالجة بكفاءة عالية جدا ضد الصدأ ولكن احذر من الجو الذى به امطار حمضيه او تلوث غازات صناعية عالى الخ.ولا تلجأ الى هذه الاشياء مطلقا:1- غسيل السيارة تحت اشعة الشمس (دى معلومه مهمه جدا) او بماء متجمد.2- كشط الطين او الاوساخ قبل تبليلها.3- ترك الاوساخ تتراكم.4- استخدام مذيبات لازالة البقع غير موصى بها.5- السير باستمرار داخل اماكن طينيه دون غسيل السيارة وخصوصا الاماكن حول العجلات والجسم.6- ازالة الشحوم والتنظيف داخل غرفة المحرك واسفل جسم السيارة باستخدام ضغط عالى غير موصى به.اشياء موصى بها:- اغسل السيارة بانتظام واحرص على ازالة الاتى:1- مخلفات الاشجار مثل الصمغ والسخام2 – مخلفات الطيورلان بها مواد كيميائية ويجب ازالتها فى الحال.3- ازالة الطين حول العجلات لانه يكون بقع رطبه.
معلومة 56 : صفحة 4.13لنظافة السيارة من الداخل مهما كانت الاوساخ استخدم ماء بالصابون العادى جزء صابون لكل 200 جزء ماء واستخدم قماش ناعم وطرى.- عند التعامل مع الاجهزه (الراديو الكمبيوتر الاماكن التى بها وصلات كهربيه) استخدم القماش الناعم الطرى او القطن بدون ماء واذا لم يفلح فى النظافة بلله بكميه قليله جدا جدا بحيث يكون مندى وليس به ماء يعصروجفف كويس جدا الاجهزه بعد ذلك ولا تستخدم اى منظفات تحتوى على الكحول تحت اى ظرف من الظروف مطلقا.
معلومة 57 : صفحة 4.13- غير موصى بشده استخدام الضغط العالى او الرشاشات داخل السيارة لتنظيفها لان ذلك يسبب تلف الاجهزه الكهربيه والاكترونيه.- لا تضع معطرات الهواء والعطور بالقرب من فتحات تهوية الهواء لان ذلك يمكن ان يتلف تثبيت التابلوه. (مش فاهم ليه)من الملاحظ ان الترجمه ليست حرفيه ولكن المهم المضمون بالاضافة الى ان المعلومات المنقوله هنا هى اللى انا اعتقد انها الاهم وكده يبقى باقى اخر فصل وهو رقم 5 بعنوان نصائح عمليه.
معلومة 58 : صفحة 5.2- لا تقم بتركيب اكثر من اطار احتياطى فى نفس الوقت.- قم باصلاح الاطار الاساسى باقصى سرعة واعد الاطار الاحتياطى مكانه.- لا تستخدم سرعات عاليه اثناء تركيب الاطار الاحتياطى.
معلومة 59 : صفحة 5.3- لا يمكن اصلاح اطار به ثقب طوله اكبر من 4مم.
معلومة 60 : صفحة 5.10 و 5.11- اذا كان عمق الخطوط الخارجيه بالاطار اقل من 1.6 مم من الضرورى تغيير الاطار لان ذلك يضغف السيطره على قيادة السياره وخصوصا اثناء الطرق المبلله.- يقل عمر الاطارات بسبب الحمولة الزائده – الرحلات الطويله على الطرق السريعة وخصوصا اذا كان الطقس حار – القياده لفترات طويله على طرق غير ممهده.- التصادم بالرصيف او ما يشابهه يسبب تلف الاطار وربما الجنط واحيانا يتلف زوايا الاكس الامامى.- يجب التاكد من ضغط الاطارات مرة شهريا وقبل الرحلات الطويله بما فى ذلك الاطار الاحتياطى.- عدم ضبط الاطارات بالضغط الصحيح يساعد على سرعة تاكل الاطار وثبات ضعيف واحيانا انفجار الاطار او سماع صوت.- ضغط الاطارات يجب ضبطه والهواء بارد واذا لم تستطع اعتبر ان هناك زياده حوالى 0.2 الى 0.3Par. ( يعنى المفرض الضغط المطلوب فى حالة الهواء الساخن يكون ازيد من الطبيعى بحوالى 2.9 الى 4.35 PSi يعنى بدلا من 30 تظبط على حوالى 33 وده طبيعى لان الهواء بعد ما يبرد سوف ينكمش ويكون ضغطه 30)معلومة 61 : صفحة 5.11
- تغيير وضع الاطارات غير موصى به. (مهمه)- تغيير اطاراو اكثر مختلف عن نوعية الباقى يسبب عدم ثبات السيارة- حساسية القيادة قد تتغير – عجلة القياده تصبح ثقيله.
معلومة 62 : صفحة 5.13للحفاظ على عمر كاوتشة المساحات- نظفها باستمرار بماء به صابون.- لا تستخدمها ابدا وهى جافة.- انزعها فى حالة عدم استخدامها لفترة طويله.تستبدل الكاوتشه سنويا.
معلومة 63 : صفحة 5.13 : 5.22كيفية استبدال جميع اللمبات الخارجيه والداخليه والاهم من ذلك مذكور نوع كل لمبة.
احظت ان هناك استفسارات كثيرة حول ضغط الاطارات فلزم ان نستفيض قليلا فى شرح المعلومة رقم 60 الفقرة الاخيرة وهى- ضغط الاطارات يجب ضبطه والهواء بارد واذا لم تستطع اعتبر ان هناك زياده حوالى 0.2 الى 0.3bar. ( يعنى المفرض الضغط المطلوب فى حالة الهواء الساخن يكون ازيد من الطبيعى بحوالى 2.9 الى 4.35 PSi يعنى بدلا من 30 تظبط على حوالى 33 وده طبيعى لان الهواء بعد ما يبرد سوف ينكمش ويكون ضغطه 30)
وذلك عن طريق مجموعة من النقاط1- يوجد على باب السائق جدول بانواع الاطارات وكل نوع مرسوم امامه رسمتين العلويه وهى طريق وعليه شرطه بالعرض وتعنى ان السيارة ليست على الطريق السريع والسفليه بها رسم طريق بدون اى شرط و تعنى ان السيارة تسير على الطريق السريع وباقى الاعمده واحد للاطار الامامى والاخر للاطار الخلفى.2- ما يعنينا هنا نوع الاطار للوجان وهو بالطبع محفور على الاطار وهو 15 / 65 / 185 وبمراجعة الجدول يتضح ان الضغط للاطار الامامى هو 2 bar(ما يعادل 29 psi) والخلفى هو 2.2 bar (ما يعادل 32 psi ) وذلك فى جميع الاحوال اى على الطرق السريعة والغير سريعة. ومن المعلوم ان 1 bar يعادل 14.5 psi3- علميا يتغير الضغط داخل الاطار بتغير درجة الحرارة تبعا للقانون العام للغازات of Ideal gas Law وكلما زادت درجة الحرارة زاد الضغط مع ثبات حجم الاطار.اذا يوجد للاطار الواحد اكثر من ضغط حسب درجة حرارة الهواء داخل الاطار فمثلا بعد مشوار طويل تجد الاطارات ساخنه وبالتالى فان الهواء بداخلها ساخن ولو قست الضغط فى هذه الحاله سوف تجده زياده.4- والسؤال هو متى اقيس الضغط واضبطه على 29 او 32 والاجابه عندما يكون الهواء داخل الاطار بارد اى فى درجة حرارة الهواء العادى الخارجى وتسمى درجة حرارة الهواء المحيط Atmospheric temperature.5- لو اضطريت تضبط والهواء ساخن داخل الاطاريعنى كنت عامل مشوار جامد (حط ايدك على الكاوتش وانت تعرف) زود حوالى 3 زى ما الدليل بيقول علشان لمل يبرد الهواء ويكون فى درجة حرارة الجو المحيط هيرجع لوحدة ويكون 29 او 32 زى ما انت عاوز بالضبط.(عملت حسبه سريعة وجدت ان 3 لما تكون درجة حرارة الاطار فى حدود 60 درجة).6- وهل يوجد اختلاف بين الشتاء والصيفوالاجابه لا يوجد فرقوالسبب لو انت ظابط على 29 شتاء فى درجة حرارة 10 مثلا سوف تظل 29 طول ما درجة الحرارة فى حدود 10ولو انت ظابط على 29 صيفا فى درجة حرارة 30 مثلا سوف تظل 29 طول ما درجة الحرارة فى حدود 30 وطبعا مش هاروح اقيس ضغط الهواء كل ساعة علشان درجة الحرارة بتتغير على مدار اليوموهذا يقودنا الى النتيجة الاخيرة وهى ان العمليه نسبيه لانه يوجد قدر من الخطأ خارج عن ارادتنا بسبب تغير درجة حرارة الجو وايضا تبعا لنوع المشاوير التى نقوم بها والتى تؤثر على درجة حرارة الاطاروبالحساب وجدت ان كل زياده 10 درجات فى الحرارة يزيد بالمقابل الضغط درجة واحده فقط تقريبا.وهنا يسعنا الخلاف يعنى 32 ماشى 31 ماشى 30 ماشى 29 ماشى كله ينفع فى حدود خطا لا يتجاوز 10% يحدث هذا الخطأ شئنا ام ابينا
رقم العضوية : 111302
تاريخ التسجيل : 24Aug2011
المشاركات : 149
النوع : ذكر
الاقامة : cairo
السيارة: logan
السيارة[2]: النترا
دراجة بخارية: http://www.facebook.com/
الحالة :
تسلم ايدك ...
معلومات قيمة جدا ..
ونحتاج لتذكرها فعلا ...
رقم العضوية : 56032
تاريخ التسجيل : 16Dec2009
المشاركات : 442
النوع : ذكر
الاقامة : اسكندرية
السيارة: RENAULT LOGAN
السيارة[2]: 131
دراجة بخارية: لا
الحالة :
ربنا يجعله فى ميزان حسانتك
فكرة رائعة جدا جدا
م / محمد عبد القادر abo omar
[img2]http://img706.imageshack.us/img706/8711/loloza.jpg[/img2]
http://www.facebook.com/groups/Greatlogan
رقم العضوية : 101576
تاريخ التسجيل : 01Jun2011
المشاركات : 1,130
النوع : ذكر
الاقامة : السعودية
السيارة: سيراتو ٢٠١٥A/T
السيارة[2]: 2012 logan B/L
دراجة بخارية: no
الحالة :
انا مش لاقى كلام اقوله لك غير جزاك الله كل خير وربنا يكتر من امثالك وايضا باقى الاعضاء اللذين هم فى خدمة المنتدى واعلم انه مجهود غير عادى اولا الترجمة فى ورقة خارجية وتنسيقها وترتيبها ثم التعليق عليها ثم تبييضها مرة اخرى ثم كتابة المعلومة التالية وهكذا حتى وصلنا الى 63 معلومة ربنا يبارك لنا فيك وفى امثالك .
اسمح لى اعرفك بنفسى اسمى وائل عبد اللطيف
ثانيا انا استلمت اللوجان 2012 بلاك لاين يوم الاحد الموافق 30 اكتوبر 2011 استلمت ورقها يوم 1 نوفمبر 2011 ورخصت يوم 2 نوفمبر 2011 للعلم لبعض الرواد (785 ضريبة ونمر جديدة + 32 نماذج + 15 جنيه نماذج تانية + 320 تامين +121 طفاية +75 مثلث وشنطه) 1350 جنيه تقريبا (دفعت اكرامية واحدة بس للبصمة وبمزاجى بدون طلب منى) (وكان فى عمال غلابة بره ياريت ما تنسوهمش بنضفوا الشوارع ) مرور القاهرة الجديدة بمدينة الشروق الجو هناك رايق ومريح احسن مدينة نصر هو بعيد شوية بس مش مهم طبعا المعلومات دى للاعضاء والملاك الجدد
ثالثا الشركة اللى اشتريت منها شركة محترمة جدا ما كانش فى اى مشاكل فى التسليم والتسلم وايضا مواعيدهم مظبوطة الشركة اسمها عربيات
رابعا انا سعيد انى اشتريت اللوجان بلاك لاين 2012 وباشكر كل اللى نصحنى اشترى الفول اوبشن عشان ماندمش وخاصة الاستاذ abdm او الاستاذ عبد الحى
خامسا انا هاعمل تقرير مفصل ومقارنة بين الفيرنا واللوجان بلاك لاين لانى استخدمت الفيرنا 2009 لمدة شهر فى تنقلاتى قبل استلام اللوجان وعملت بالفيرنا 1100 كيلومتر طبعا دى هاتكون مقارنة مبدئية لانى لسه ما عملتش باللوجان الا 250 كيلو بس كان لازم اعمل المقارنة الان عشان لسه احساسى بقيادة الفيرنا واحتكاكى بها لا زال عالقا فى زهنى
انتظرونى وائل عبد اللطيف
رقم العضوية : 6569
تاريخ التسجيل : 27Feb2008
المشاركات : 70
النوع : ذكر
الاقامة : Cairo
السيارة: Renault
السيارة[2]: Daewoo
دراجة بخارية: no
الحالة :
تسلم ايدك يا استاذ وليد بجد الواحد مش عارف يشكرك على المجهود الرائع ده ازاى
رقم العضوية : 81772
تاريخ التسجيل : 02Oct2010
المشاركات : 7
النوع : ذكر
الاقامة : alexandria
السيارة: BMW X6 isa
السيارة[2]: Renault Sandero 2011 FO
دراجة بخارية: dfd
الحالة :
مجهود رائع الف شكر يا باشا
رقم العضوية : 85392
تاريخ التسجيل : 09Jan2011
المشاركات : 48
النوع : ذكر
الاقامة : Egypt
السيارة: Renault Logan
السيارة[2]: Hyundai Accent
دراجة بخارية: لا يوجد
الحالة :
مجهود رائع تستحق عليه كل شكر و تقدير يا أستاذ وليد . و فعلا من أكتر الحاجات اللي بنهملها كمصريين هو قراءة دليل الاستخدام (المانيوال) بتاع أي حاجة و للأسف بنعتمد على الشطارة و الفهلوة و الخبرة الشخصية أو المنقولة أكتر من المعلومة الصادرة عن المصنع و علشان كدة بيكون في حاجات بسيطة جدا ممكن نهملها أو نتجاهلها أو نسهى عنها لكن بتسبب شكاوي نقعد بالساعات أو الأيام ندور لها على حل . بانتظار باقي موضوعك المتميز جدا و تقبل خالص تحياتي و تهاني بمناسبة عيد الأضحى المبارك و كل عام و أنتم و كل شعب مصر بخير
رقم العضوية : 30005
تاريخ التسجيل : 14Jan2009
المشاركات : 469
النوع : ذكر
الاقامة : cairo
السيارة: Renault Fluence
السيارة[2]: Renault Logan
دراجة بخارية: no
الحالة :
كلمه واحده بس هاقولها
الف شكر على مجهودك
ويجعله فى ميزان حسناتك
رقم العضوية : 77384
تاريخ التسجيل : 09Aug2010
المشاركات : 227
النوع : ذكر
الاقامة : مدينه 6 أكتوبر
السيارة: Logan F/O 2011
السيارة[2]: Mazda 323 Mo.1982
دراجة بخارية: لايوجد
الحالة :
جزالك الله خيراً
احلى عديه من الأستاذ / وليد لكل اللوجانويه
وكل عام والجميع بخير
رقم العضوية : 51177
تاريخ التسجيل : 26Oct2009
المشاركات : 141
النوع : ذكر
الاقامة : دمياط الجديده
السيارة: رينو لوجان 2011
السيارة[2]: بيجو 504 -- سكودا فلشيا
دراجة بخارية: no
الحالة :
تسلم ايدك ،، ولزم تكملنا الباقى انشاء لله ،، عشان يبقى موضوع ثابت
المفضلات