بخصوص التسارع

**sansan** · 04-11-2011 02:24 AM

السلام عليكم اخواني في المنتدي وكل عام وحضراتكم بخير وصحة وسعادة معلش سؤال كده عالماشي هو ايه اللي بيخلي العربية التسارع بتاعه بطيء يعني قبل كده كنت عايز اطلع من افيو فشدينا قصاد بعض المهم هو هرب مني بسهولة ومرة مع نوبيرا ومرة مع لانوس 1 زاي عربيتي برده عداني بسهولة المهم لما اجي ازود بنزين علشان اسرع قدام اي عربية بحس العربية تقيلة في الاستجابة للسرعة وبحسها متكتفه شوية مع شوية بتبدأ تجيب السرعة مع العلم انها لانوس 1 موديل 99 والسرعة القصوي 160 وسنة وبارك الله فيكم

**crayvor** · 04-11-2011 03:13 AM

أولا أعتقد ان حساسات اللانوس بتوفر في البنزين علي حساب الأداء والطريقة الوحيدة اللي تدي بيها أعلي أداء انك تضغط بنزين للآخر في كل نقلة.
ثانيا اللانوس عندي بتجيب 190 معني ان أعلي سرعة عندك 160 ان فيه حاجة غلط سواء بقي في البوجيهات أو الرشاشات أو حساس بايظ أو خلافه دي يرد عليك فيها واحد خبرة أكتر مني في الموضوع ده.

**sansan** · 04-11-2011 03:32 AM

بارك الله فيك اخي علي الرد طيب لو الرشاشات تعبانة شوية ممكن تكون السبب المباشر ولا في سبب تاني اصلي انا الرشاشات تقريبا عندي تعبانة شوية

**aliyosef** · 04-11-2011 03:55 AM

انت بتسوق ازاى
مثلا لما تحب تطلع منهم او تشد معاهم بتسوق ازاى
هى قياده عاديه وبتنقل بدرى ولا بتحرق وتقرص ؟؟؟؟؟؟

**crayvor** · 04-11-2011 04:03 AM

المشاركة الأصلية كتبت بواسطة sansan

بارك الله فيك اخي علي الرد طيب لو الرشاشات تعبانة شوية ممكن تكون السبب المباشر ولا في سبب تاني اصلي انا الرشاشات تقريبا عندي تعبانة شوية

زي ما قلتلك ماقدرش أفيدك 100% شوف حد يفهم أكتر مني عشان يبقي متأكد من اللي بيقوله.. بس الرشاشات لو تعبانة آه تبقي سبب مباشر لأنها حاتقلل كمية البنزين اللي بتتحرق. لو مغيرتهاش من أول ما جبت العربية غيرها أحسن.
عشان تريح دماغك روح التوكيل ياخدهالك كشف وشوف الحاجات اللي فيها اللي عاوز تعمله في التوكيل اعمله اللي عاوز تعمله برة أعمله. بس حاول تعمل الرشاشات برة عشان بالمرة تجيب رشاشات فيرنا أحسن من رشاشات الدايو.

المشاركة الأصلية كتبت بواسطة aliyosef

انت بتسوق ازاى
مثلا لما تحب تطلع منهم او تشد معاهم بتسوق ازاى
هى قياده عاديه وبتنقل بدرى ولا بتحرق وتقرص ؟؟؟؟؟؟

حتي لو مش بيقرص علي rpm عالي برضه مش سبب يخلي العربية آخرها 160

للتجربة بعد ما تظبط العربية: من غير تعديلات المفروض العربية تطلع من 0 ل 100 في حدود 12 ثانية وأعلي سرعة في حدود 190 أو بالظبط كدة 192.

**aliyosef** · 04-11-2011 04:11 AM

سرعه 160 او 200 حتى ملهاش علاقه بأول حركه للعربيه يعنى انت عربيتك بتجيب ال 190 وانا لو معايا 128 فايقه هاكلك فى الطلعه بس بعد كده انت هاتعدى 128
انا عمرى ماحاولت اجيب اكتر من ال170 معنى كده ان عربيتى فيها حاجه
السؤال اللى الراجل سألوه ليه الناس بتاكلو فى الطلعه وهو مش بيقدر يسد .
مال ال160 و200 كم بالطلعه الاولى

**crayvor** · 04-11-2011 04:27 AM

المشاركة الأصلية كتبت بواسطة aliyosef

مال ال160 و200 كم بالطلعه الاولى

المشاركة الأصلية كتبت بواسطة sansan

وبحسها متكتفه شوية مع شوية بتبدأ تجيب السرعة مع العلم انها لانوس 1 موديل 99 والسرعة القصوي 160 وسنة وبارك الله فيكم

حضرتك سمعت عن عربيتين لانوس الاتنين موتور 1500 - 86 حصان واحدة سرعتها القصوي 190 والتانية 160 بس الاتنين مافيهمش أي مشاكل؟!! راجع سؤال صاحب الموضوع بالكامل.. أنا ماتكلمتش عن ان السرعة القصوي دي المشكلة الوحيدة.. بس أنا باقول حتي لو موضوع التسارع بسببه مش بسبب العربية استحالة برضه السرعة القصوي 160 بسببه مش بسبب العربية.. يبقي أكيد العيب في العربية.. كدة ولا اييه؟

**apoadel_vip** · 04-11-2011 04:31 AM

مع كامل احترامي للاخوه بس في حاجه غلط في الردود الي مكتوبه
اللانوس 1500 الواحد كامه مستحيل توصل لسرعة 190 حتى لو زيروووو
من الاخر 185 لو المكنه 100 الميه يعني لسه بحالتها وفي الظروف المثاليه كمان

**crayvor** · 04-11-2011 04:35 AM

المشاركة الأصلية كتبت بواسطة apoadel_vip

مع كامل احترامي للاخوه بس في حاجه غلط في الردود الي مكتوبه
اللانوس 1500 الواحد كامه مستحيل توصل لسرعة 190 حتى لو زيروووو
من الاخر 185 لو المكنه 100 الميه يعني لسه بحالتها وفي الظروف المثاليه كمان

رشاشات فيرنا وبنزين 95 ومظبط فيشة الأوكتان

ملحوظة: أنا مش مسرف بس البنزين عندي علي حساب الشركة

كمان ملحوظة: أعتقد اللانوس عامة بتجيب ال 190 بس بتاخد وقت (تقريبا 35 ل 40 ثانية من 180 ل 190)

**crayvor** · 04-11-2011 04:48 AM

ملحوظة تالتة معلش: ياريت اللي عنده أي اضافة أو معلومة مفيدة يقولها غير كدة ماتبقاش الردود فقط لمجرد انتقاد اللي بيحاول يفيد أساسا.. والله الواحد مش حايبقي له نفس يرد تاني.