الموضوع: تقريباً غيرت زيت الفرامل :) تجربة ورأي

من اسبوع تقريبا بدأت أستفسر من أعضاء منتدانا الكرام بخصوص الفرامل في الموضوع ده:

http://www.nilemotors.net/Nile/253625-a.html

والنهارده وبعد افادة من الشباب في الموضوع وبرضه في الموضوع القيّم ده:

http://www.nilemotors.net/Nile/254101-a.html

قلت أغيّر زيت الفرامل بنفسي:
اتفرجت على فيديوهات كتير على الـ Youtube وكوّنت فكرة عن المفروض يتعمل
جبت سرنجة 50 مل وخرطوم (سعرهم 3 ج) من محل بتاع أدوات طبية بعد دوخة على الصيدليات!
المهم أول حاجة رفعت العربية من قدام وفكيت العجلة الشمال (على أساس ان ترتيت استنزاف الزيت يمشي بالترتيب شمال قدام -> يمين ورا -> يمين قدام -> شمال ورا) بصيت على بلف الهوا أو صمام الفرامل وركبت فيه الخرطوم ركب تمام قلت نبدأ وسحبت الزيت القديم من الخزنة (حوالي 200 مل او اكتر) كان يبان لونه أسود لكن لقيته مخضِرْ وحطيت زيت جديد وقفلت وبعدين ركبت مفتاح 8 في الصمام وفوقيه الخرطوم وفيه السرنجة على اساس اني لوحدي هغيره وماشي على الخطوات خليت السرنجة والخرطوم فيهم زيت عشان ماتتخّدلش هوا وفكيت حاولت اسحب تقريبا مفيش حاجة بتتسحب بل بينقّط من حوالين الصمام
قلت خلاص نستعين بصديق ونشتغل بطريقة واحد يكارك والتاني يفتح ويقفل ، ناديت اخويا وكانت نفس الصدمة الزيت تقريبا مش بيخرج قلت أفتح خزنة الزيت ، برضه، قلت ندّور العربية يعني الزيت بدأ ينزل
العجلة اللي بعديها الزيت بينزل بسهولة !
العجلة اللي بعديها نفس المشكلة !!!!
العجلة الأخيرة الزيت بينزل بسهولة

انا تخيّلت احتمال لسبب ان الموضوع مامشيش ببساطة او زي ماكنت متخيل: كل الفيديوهات اللي شفتها ونصايح الناس كانت بتقول هتلاقي سدادة كاوتش فوق كل صمام وللأسف مالقيتش الحاجات دي !!! فقلت اكيد في تراب او طين سادد الصمامين اللي عاكسوا معايا

المهم قلت اجرّب العربية الحمد لله الفرامل كويسة (ع الأقل مش أوحش من الأول: لو كانت خدت هوا) لأ بقت احسن من الأول والعجل بيمسك كويس، مشيت تقريبا كيلو ورجعت جرّشت

بس دماغي لسه شغالة في ان في زيت قديم ما نزلش فقلت لنفسي ان مش مشكلة على أساس ان الزيت الجديد Ate SL Dot 4 Made in Germany 0.5 L يعني اعلى منه في التصنيف Dot او زيه وده كده يبقى مايعملش مشكلة

رأيكوا ايه في القصة دي؟
لأني بقول لنفسي أرفع من عند العجلتين اللي عاكسوني واحاول انضف الـ valve بإبره مثلا على اساس تسلك وفي زيت باقي لسه جديد؟
والا كده تمام ومش فارقه؟
لأني متخيل ان الزيت الجديد تقريبا 80 % او يزيد حبة من اجمالي الزيت

وشكرا على اهتمامكم