بخصوص خفة دم (صاج) السيراتو

**aaet1** · 05-11-2011 12:20 AM

السلام عليكم، وكل سنة وانتم طيبين جميعا،
هى السيراتو الصاج فيها خفيف قوى كده ليه، أى حاجة ممكن تسبب فيه نقره، النهاردة بخبط بإيدى على شنطة العربية لقيت الصاج ريح مكان الخبطة -الخبطة ماكنتش جامدة يعنى-، الناتج ان العربية هيبقى شكلها مش ولابد من كتر النقر اللى فيها، سؤال هى اتعملت كده لغرض معين ولا شغل استخسار وتوفير من اللى صنعوها، هى بالمقارنة بالعربيات التانية فكرة الصاج الخفيف ده واحد،
أخيرا بقى لو الواحد حب يعمل النقر دى هل الموضوع محتاج سمكرة كامله ودهان ولا ليها حل بسيط وخصوصا ان النقر عادة مافيهاش عندى تجريح

تحياتى

**ابو ليلى** · 05-11-2011 02:28 AM

فعلا موضوع النقر ده موجود عندى ورخم الصراحة بس شايف ان اصلاحه سهل
وعلى البارد عند اى سمكرى فاهم
اعتقد ان كل الموديلات الحديثة وخصوصا الكورى بيكون الصاج بتعاها من النوعية دى
واكيد ده مقصود فى التصميمات للعربية من حيث تقليل وزن العربية .

**SAMEH_FOUAD** · 07-11-2011 03:26 PM

المقصود منة حاجتين

1- تخفيف الوزن وذلك ( لاخد اقوى تسارع من المحرك - استهلاك وقود اقل - تقليل التكاليف )

2- امتصاص الصدمات ودة بيكون فى حاجة اسمها نقاط انهيار ذاتى بيعملها عشان هية اللى تمتص الصدمة وتبعدها عن المقصورة عشان كدة لازم يبقوا ضعاف

من الاخر هية كويس على لاقدر الله الحوادث الكبيرة لكن الخفيفة طبعا مكلفة جدا