++++111111
انا جايب ال apt 1000 وات و زى الفل
و حاليا عملو من apt انتاج تانى و أسمة crown برضو ممتاز
عرض للطباعة
طبعا حاجه محترمة يبقي اكيد هتقعد العمر كله .. شكرا ياباشا مرورك الكريم
شكرا ياباشا علي المعلومات القيمة ديه و فعلا كان استخدامي للشنيور ليس احترافي زي ما شرحت كده لكن كويس اني عرفت المعلومات الجميلة ديه للمحافظة علي الشنيور كمان
الف الف شكر يا احمد علي محبتك الغالية ديه .. هي المشكلة اني نزولي صعب للقاهرة الايام ديه بس احنا عندنا شوية محلات تحفة فيها انواع كتيرة من الادوات ديه .. ان شاء الله هشتري منهم و شكرا ليك تاني يا جميل
ربنا يرتب يا هشام باشا لو لاقيت ان اسعار البلك اند ديكر مغالي فيه اوي يبقي هضطر اني ادور علي APT او crown .. شكرا جزيلا
العفو يا باشا و بص طالما استخدام منزلى و مش حا تخرم فى الخرسانة كتير يبقى كويس جدا
اكتر حاجة حا تتعب الشنيور الخرم فى السقف و الخرسانة بوجة عام
غير كدة شغال زى الفل و الحمد للة و بخرم بية الحديد كمان ببنط ألمانى و شغال كويس
بص يا باشا أنزل شارع الجمهورية و اتفرج على الموديلات و بص بصة على الكراون حا يعجبك
بوش
واغلب الموجود دلوقتي مضروب
تقريبا كلينتون مش بوش :)
بلاك اند ديكر مضمون الى حد ما عن بوش دلوقتي
وزي ما العضو الكريم قال لحضرتك اتعامل معاه بتكنيك شويه مش بالعافيه
والصيني على فكره بيتصلح وممكن يبقى العطل عند حضرتك بسيط
لو قريبم من الهرم او المعادي هاته وابصلك عليه
انا بفكك الحاجات دي من وانا صغير
ولما كبرت بقيت اجمعهم تاني هههههه
APT /crown الاتنين بقوا شركة واحدة و ممتاز بناء على تجربة الهيلتي 800 وات و بيجي معاه راس للشنيور و طقم بنط
و انا جبته من 9 شهور و اشتغلت بيه في خرسانة و حوايط في مشروع لحد ما مات خالص رحت فاكه و نظفته و غيرت الشحم بنوع نظيف و غيرتله بلية و ظبطته و شغال .. كنت جايبه ب 370 تقريبا
و جبت ديوالت ألماني ب 1500 لأن دي عدة مصنع و لازم تكون طول الوقت موجودة و جاهزة للصيانة أو الظروف .
لكن لاستخدام منزلي كراون أكتر من ممتاز زي ما الزملا قالوا ..
انا فعلا هبص بصة علي الكراون و بالذات ان في اعضاء قالولي ان ممكن اجيبوا هلتي يبقي ده معناه انه ممكن يكون جهاز قوي .. متشكر خالص يا هشام
هههههههههههههه شكرا يا باشا علي المشاركة الجميلة ديه .. انا ان شاء الله بعد العيد و المحلات تفتح هبتدي كده ادور علي الانواع اللي الاعضاء الاحباء قالولي عليه و ان شاء الله خير .. متشكر خالص
تمام كده اوي يعني شايف ان لو استخدام منزل يبقي كفاية الكراون و مالوش لازمة ادور علي حاجه تكون اغلي من كده صح .. متشكر يا باشا
علي رايك فعلا م.احمد الموضوع مش مستاهل ان اجيب حاجه عاليه اوي لأن في النهاية مش هيستخدم كتير يعني ممكن مرة كل شهر فعلا .. بس كويس انك اشارت لي اني اجيبه هيلتي دقاق عشان موضوع العماويد فعلا لأن عندي عماويد في البيت فعلا .. شكرا جزيلا علي النصائح الغالية
العفو يا باشا على اية
و انا كان عندى كتالوج صغير كدة فية كل منتجات كراون بيبقى موجود مع اى منتج بتشترية بس مش لاقية لو لقيتة حا ارفعة بالاسكانر و افرجك علية
كل حاجة كراون بتعملها شنيور بلاور هواء منشار كهرباء و هكذا