فائده عمل Scanner

**mero100** · 08-11-2011 10:15 PM

عندي بعض استفسارات بخصوص ال سكانر

1 - هل هناك فائده اخري من عمل اسكانر بخلاف انه بيكشف الاعطال ؟
2- هل لازم يتعمل لما لمبه ال تشيك انجاين تنور و لا المفروض يتعمل بصفه دوريه مثلا لتظبيط حاجات معينه؟
3- ايه اللي المفروض يبان علي السكانر او بمعني تاني ايه الاجزاء اللي بتظهر علي السكانر ؟
4- هل كل الحساساات بتظهر علي السكانر ولا فيه حساسات مبتظهرش عيوبها عليه؟
5- هل فيه انواع من اجهزة السكانر ؟....و هل فيه اجهزة كبيره بتتبقي افضل من الصغيره ؟

تحياتي للجميع و كل عام و انتم بخير
عمرو ابراهيم

**MMamdouh** · 08-11-2011 10:48 PM

1- الاطمئنان على حالة الحساسات لان بعض الحساسات بتدى قراية مش دقيقة و لمبة التشك مبتنورش زى مثلا حساس الشكمان او حساس حرارة مية التبريد

2- لما لمبة التشك تنور او لو انت شاكك ان العيب اللى فى العربية نتيجة خلل فى احد الحساسات... غير كدة مفيش داعى له

3- قراءة جميع الحساسات و توقيت الاشعال و زمن فتح الرشاشات و درجة فتح الايدل كونترولر

4- كل الحساسات بتظهر

5- فية انواع كتير من ابسطها اللى بيطلع كود العطل لما لمبة التشك تنور فقط الى اعقدها اللى بيعمل اختبارات للمحرك للتاكد من حالتة

MMamdouh

**MMamdouh** · 08-11-2011 11:30 PM

لا... يعنى تعمل سكانر لو العربية فيها مشكلة... غير كدة متعملش

حساس الحرارة ممكن يدى قراية اقل من الطبيعى بكتير فا العربية تبقى سخنة لكن الكونترول فاهم انها باردة فا يفضل يحرق فى بنزين زيادة على امل انها تسخن و دة بيظهر فى صورة اسنهلاك بنزين زيادة و ارتفاع فى سرعة الايدل و ضعف اداء بدون سبب واضح

حساس الشكمان قرايتة متغيرة بين 200 الى 800 و معدل التغير سريع... لما الحساس بيضعف ممكن ميوصلش الى ال200 او ال800 او الاتنين... و ممكن يبقى معدل التغير بين القيمتين بطىء... هنا الحساس يبقى تالف و لازم يتغير

MMamdouh