ازاز عربيتي اتدمر

**nermeen757** · 10-11-2011 10:50 AM

السلام عليكم ورحمة الله وبركاته
كل سنه وانتو طيبين
يوم الوقفه بالليل كنت ماشيه في امان الله وفجاه لقيت واحد رمي نفسه علي ازاز العربيه
الحمد لله الراجل سليم ومفهوش اي حاجه بس ازاز العربيه البربيز اتكسر من ناحيه الدركسيون طبعا كنت محتاجه العربيه جدا دورت علي محلات اصلاح الزجاج ملقتش غير محل واحد بس فاتح طلب 580 جنيه وبعد الفصال وصلنا ل500 جنيه
طبعا انا مش عارفه السعر ده مناسب ولا لا لان خبرتي في العربيات قليله جدا المهم غيرت الزجاج
اللي عايزه اعرفه بقي انا مامنه تبع شركه المصريه للتامين التكافلي ياتري لو طالبت الشركه بال500 جنيه هيدهوهالي يعني لو جبت فاتوره من المحل ورحت الشركه هيدوني ال500 جنيه ولا خلاص عوضي علي ربنا وياتري مبلغ ال500 جنيه اصلا مناسب لزجاج اللوجان ولا الراجل استغل الظروف وزود المبلغ
وجزاكم الله خيرا

**wael30003** · 10-11-2011 11:17 AM

انا مقدرش افيدك قوى بس اعتقد ان السعر مناسب
وبالنسبة للتامين اللى اعرفه انهم لازم يصوروا العربية وهى مخبوطة لكن اتاكدى برده

**nermeen757** · 10-11-2011 11:21 AM

المشاركة الأصلية كتبت بواسطة wael30003

انا مقدرش افيدك قوى بس اعتقد ان السعر مناسب
وبالنسبة للتامين اللى اعرفه انهم لازم يصوروا العربية وهى مخبوطة لكن اتاكدى برده

متشكره جدا لردك
بس يعني الشركه معندهاش اي تقدير للظروف دي الازاز ا تكسر يوم الوقفه بالليل يعني كنت لازم اركن العربيه اربع ايام العيد لحد اما ا روح شركه التامين ع شان يصورا العربيه بيتهيقلي لو قالولي كده مش هامن السنه الجايه عندهم

**eng_maged** · 10-11-2011 11:28 AM

بصي انا كان عندي موقف زي ده
المفروض انهم يصورا العربيه بس برضه هما كانوا قافلين عشان في عيد
وكلمت حد اعرفه من الشركه وقالي على شويه حاجات
انا صورت العربيه كذا صوره يكون فيها الازاز باين وكمان نمره العربيه ظاهره وبعدين تبعتي الصور مع الفاتوره وصور الرخص للشركه وكده تمام

بس ده كانت شركه مختلفه عن الشركه بتاعتك

بس كمان خدي بالك ايه المبلغ اللي لازم تتدفعيه عشان تطلبي بقيمه الاصلاح
يعني شركتي مثلا كان لازم ادفع 400 جنيه تقريبا عشان اطالب بقيمه الاصلاح تقريبا مهما كانت قيمته
عشان كده قارني القيمه ده عندك بثمن الازاز

**nermeen757** · 10-11-2011 11:31 AM

المشاركة الأصلية كتبت بواسطة eng_maged

بصي انا كان عندي موقف زي ده
المفروض انهم يصورا العربيه بس برضه هما كانوا قافلين عشان في عيد
وكلمت حد اعرفه من الشركه وقالي على شويه حاجات
انا صورت العربيه كذا صوره يكون فيها الازاز باين وكمان نمره العربيه ظاهره وبعدين تبعتي الصور مع الفاتوره وصور الرخص للشركه وكده تمام

بس ده كانت شركه مختلفه عن الشركه بتاعتك

بس كمان خدي بالك ايه المبلغ اللي لازم تتدفعيه عشان تطلبي بقيمه الاصلاح
يعني شركتي مثلا كان لازم ادفع 400 جنيه تقريبا عشان اطالب بقيمه الاصلاح تقريبا مهما كانت قيمته
عشان كده قارني القيمه ده عندك بثمن الازاز

مرسي جدا لاهتمامك بس انا للاسف مصورتش العربيه وازاها مكسور وطبعا الرقم اللي حضرتك بتقوله ده 400 جنيه كتير جدا انا ازاز عربيتي اتكلف 500 جنيه
المشكله اني بكلم الشركه من الصبح ومحدش بيرد ربنا يسهل وان شاء الله هبقي اقولكو ايه اللي هيتم

**eng_maged** · 10-11-2011 11:55 AM

لو العقد معاكي بصي فيه وشوفي البند بتاع المطالبه بالاصلاح
وشوفي مفروض تدفعي كام
في شركات مفهاش دفع خالص

**cementman** · 10-11-2011 11:59 AM

انا غيرته عند جريش فى العاشر ب 350 تقريبا

**mostafamndy** · 10-11-2011 02:30 PM

الحمد لله على سلامتك يا أ. نرمين ...
طبعا المبلغ ده كبير جدا... لأان زجاج اللوجان عند د.جريش بيعمل من 300 الى 350 جنيه ...
وأعتقد انك كان لازم تصورى العربية بموبايلك كام صورة قبل ما تركبى الزجاج الجديد ...
ع العموم حاولى مع الشركة وربنا يقدم اللى فيه الخير ...