لانسر بومة 2011 !!!!!!

**كابوس الليل** · 12-11-2011 12:50 AM

بسم الله الرحمن الرحيم
السلام عليكم ورحمة الله وبركاته

امبارح كنت فى معرض سيارات فى شارع ذاكر حسين فى مدينة نصر اسمه (الاحمدى موتورز) شفت هناك لانسر بومة اتوماتيك موديل 2011 جميع الكماليات على 114 الف جنيه..... هل العربية تستاهل السعر ده. لأنى ناوى ان شاء الله اشترى بس والدى معجب جدا بلعربية لانها يابانى 100% وانا مستخسر التمن ده فى العربية موديل شكل قديم جدا.. ايه رايكم؟؟؟ معلش كمان عايز اسئل على العربية نفسها... مش لاقى مواضيع فى قسم متسوبيشى عنها....الى عنده لنكات يجبهالى ...هل العربية فعلا تستاهل التمن ده؟؟؟

انا عجبانى النسيان تيدا فى نفس التمن ترشحوا ايه اللانسر ولا التيدا السيدان مش الهاتش؟؟

غير كدة المعرض ده سمعته كويسة او حد اتعامل معه قبل كدة؟

**amrrashed** · 12-11-2011 01:06 AM

طب ليه تجيب 2011 بالتمن ده ما تجيب ال 2012 من عند سمير ريان مثلا وانا ارشح طبعا اللانسر على الرغم من جودة التيدا والاسباب معروفة ... اعادة البيع الانتشار قطع الغيار الراااااااااااحة والاعتمادية

**كابوس الليل** · 12-11-2011 01:32 AM

مفيش 2012 الموجود بس 2011 والى 2012 حتبقى شارك مش البومة....
كنت لسة قارى فى المنتدى ان ترتيب النسيان على المستوى العالمى اعلى من المتسوبيشى.. واكيد التيدا شكلها احلى واجدد بس الاعتمادية؟؟ وهل التيدا عربية معمرة ولا لا بس كل التعليقات الى قريتها عالى المنتدى هنا انها عربية كويسة واستهلاك البنزين محترم جدا بنسبة للصنى

**Ahmod** · 12-11-2011 01:46 AM

هي عربية محترمة طبعا مافيش كلام

بس الفكرة ان شكلها قدم اوي

وموديلها بقى قديم انت ليه تبقى في 2012 وتجيب عربية موديلها وشكلها موجود في السوق وفي الشارع من 2006 تقريبا

الناس دلوقتي بتجيب زيرو عشان تجيب العربيات جديدة كشكل وكاوبشن وكاكمليات وكل حاجة

وانا الصراحة حاسس ان الانسر بومة كاوبشن يعتبر فقير بالنسبة لعربية موديل 2012

وده طبعا مجرد وجهة نظري اما لو حضرتك معجب بالعربية توكل على الله وربنا يباركلك فيها

**amrico** · 12-11-2011 06:58 AM

يا سيدي الفاضل اشتري 128 هايكون ليها برستيج اكتر من اليومة اللي بقت اكتر من البشر
لو حضرتك بتدور على برستيج، وما شاء الله هاتدفع مبلغ مش قليل، اشتري اي حاجة غير العربية دي حتى لو ارخص منها في الفلوس

اما لو عاجباك ومنبهر بيها أوي، توكل على الله

وربنا يستر طريقك

تحياتي

**maryano** · 12-11-2011 07:13 AM

رائي البومه قدمت اوي مهما كانت ليها مميزات بس وقتها خلص اما التيدة مع واح صحبي بجد عربيها جمدة اوسع صالون شفته في عربيات هو صالون التيدا و شنطتها كبيره و سحبها كويس و اعتمديه بس عيبها انها مش سبته علي الارض في السرعات العاليه يعني مرة كنت بجري معاه علي طريق اسكندريه الصحراوي كنت بجيبو في الملفات من كتر مهوا بيهدي و تعتبر عربيها مش معقدة اوي كميكانيكا انا عن نفسي لو معايا فلوس و حغير حجيب تيدا

**hossam20102010** · 12-11-2011 07:15 AM

البومة عربية جيدة ... لكن نازلة من 2004 وشكلها قدم اوى

انزل اى معرض وبص عالفلونس او التيدا ... ده لو حضرتك من عشاق اليابانى فقط

وبرده السيراتو والالنترا الجديدة ... اعتمادية عالية وشكل جديد وابوشنز كويسة