ورجعت من السفر (سلوكيات السواقة)

**mailo** · 12-11-2011 01:05 PM

أجازة العيد ابتديت معايا من يوم الجمعة لحد الخميس
سافرت المنصورة اعيد على جدتي وبعض الاقارب ورجعت القاهرة أول يوم الساعة 2
سافرت الإتنين الساعة 6 شرم ورجعت الخميس الساعة 6 برده

المهم كل بلد وليها ستايل سواقة مختلف يعني مثلا وإنت ماشي على الزراعي بتلاقي الناس ماشية عادي جدا وكام عربية بتعمل غرز مش خطر والطريق ماشي
تنزل على طريق كفر شكر تبتدي بقى المأساه
مش هاقولك بقى إن المشكلة في توكتوك ماشي عكس أو بيقطع الطريق بالعرض لأ المصيبة بتكون فلكاررو والعجل اللي مش متخيلين إن ده طريق سريع
طبعا بقى ماتحاولش إنك تعدي من عربية نقل لإن كلهم طالعين الطريق ده عشان يطَلّعه الملكي فوق الرصيف, شكلهم بيحبوا يتشتموا ويتمرمط بكرامتهم الأرض قبل مايعدوك
في أي بلد ريفي تبع المنصورة بقى التكاتك ملوك الطريق بلا منازع بس طبعا بعد التعامل مع ميكروباصات القاهرة هتقدر توقفهم عند حدهم

نيجي بقى لشرم بعد النفق بيبقى الطريق رايح جاي وسرعته 120/140 والجامد بقى إن من غير كلاكسات ولا فلاشات الناس محترمة حبتين يعني لما حد بيشوف عربية في مرايتو ماشية أسرع منه بيوسع الطريق وبيخد جنب عشان اللي وراه ميروحش يعديه من الحرة المقابلة

توصل شرم بقى وتيجي بالليل تنزل تلاقي زحمة غير طبيعية في نعمة باي وتاكسيات بالعبيط وعندهم غباء منقطع النظير في موضوع الإشارات مبيفهموش يعني إيه حد يديله إشارة
واكتشفت إن الغباء ده رسمي في معظم السواقين هناك حتى لو بره شرم يعني وأنا راجع على طريق السويس كان فييه الانترا "معادي" الشكل اللي فات كنت أنا وهو بنتسلى مع بعض على الطريق وحمار بمرسيدس سبعينات أجرة "نمر تبع سينا برده" بيزنق عليه وقفش ميعادهوش بس بغباوة يا بني آدم إنت مش معدي 120 واللي جاي وراك 160 تلبسه ليه
المهم عدت السفرية على خير ورجعت للشوارع المهببة بـتاعتنا بمطباتها وميكروباصاتها وتكاتيكها

أكتر حاجة مفتقدها في السفرية دي طريق السفر :(

**wael ahmed** · 12-11-2011 01:24 PM

حمد لله على سلامتك يا باشا وكل سنه وانت طيب
بالنسبه للطرق الزراعيه انا شايف انها اخطر طرق تمشى عليها لان الغلطه فيها بفوره وبالذات لو انت مضطر تجرى :)
لانه كله ماشى بمزاجه تلاقى توكتوك طالعلك من تحت الارض جرار حلو وشادد 3 او 4 مقاطير وراه :)))) مطب تلاقيه ظهرلك وانت ولا بيك ولا عليك بس ربنا هوه اللى بيسترها

اما بقى شرم زى الغردقه انا بعانى فى الغردقه علشان مفيش ثقافه عن السواقين وبالذات سواقين التاكسى
بيعملوا كوراث هنا حوادث مميته لان الغردقه كلها فيرنا وبيجروا بغشم ومفيش اى ثقافه ولا فليشر ولا استخدام مرايات ولا اى بتنجان ماشى بالبركه لان معظمهم كانوا راكبين ميكروباصات ونزلوا ركبوا عربيات بنزين وفيرنا كمان فصباح الشد وبيتسابقوا على مين يلحق الزبون فلك ان تتخيل المأساه :( واكيد لو حضرتك نزلت الغردقه هتعرف انا بتكلم عن ايه
انا عندى اسوق فى زحمه القاهره ولا اسوق فى زحمة الغردقه فى الصيف او اوقات الاعياد وربنا يسامحه المحافظ فتح باب الترخيص فعدد التاكسيات كتر جداا فالبتالى السواقين ماشيين فاضيين والبلد اتزحمت بسبب التاكسيات
انا ساعات ابقى ماشى فى شارع يبقى قدامى بتاع 8 تاكسيات او 9 فيرنا بدون مبالغه !!!

ويا رب تكون اقضيت اجازه سعيده .....
تحياتى

**ahmed_mido1889** · 12-11-2011 02:49 PM

حمدالله علي السلامه

يا راجل انا كنت فاكر مفيش ..... من سواقين ميكروباصات الدقهليه

اللي بلا فخر كله معلوماته انه يزنق عليك وانت تهدي

وسواقين التكسيات في العاشر من رمضان اللي بالنسباله المرايات ودان للعربيه

........................*
يرجي مراعاه اختيار الالفاظ ومراعاه الاداب العامه للحوار
ومراجعه قوانين المنتدي

10.06م
12/11/2011

مشرف 14 ب

**KaReeM10** · 12-11-2011 04:38 PM

فعلا الغردقه بقت رهيبه .. سواقين التاكسي ملهمش حل

لك ان تتخيل ان من يوم ما جيت اشتغل في الغردقه من 4 سنين اي حادثه تحصل لازم تلاقي طرف فيها تاكسي

المشكله زي ما قال استاذ وائل ان كل العربيات موديلات عاليه وبتجري + ثقافة سواقين صفر

بالتالي كله بيجري من غير حساب ولا اي مراعاه لاداب السواقه .. ده غير ان في اصلا ناس سنها صغير جدا وماشيين من غير رخص

ربنا يسترها علينا كلنا ...........

**mailo** · 12-11-2011 05:31 PM

فعلا شرم كده برده قليل قوي الملاكي نسبة للتاكسي
أحسن تصرف مع الغجر دول إنك تعلمه الأدب على الطريق وبعد متربيه تطلعله "إيدك" تحية وتمشي
ساعتها بيتلمو ووالله بيمشي وراك زي ......

سواقين ميكروباص الدقهلية سواقين بجد عرفت منهم كتير ومشفتش منهم قلة أدب قبل كده
بس اللي ...... بجد بتوع القليوبية هم اللي على الزراعي على طول ومقرفين بجد

........................*
يرجي مراعاه اختيار الالفاظ ومراعاه الاداب العامه للحوار
ومراجعه قوانين المنتدي

10.09م
12/11/2011

مشرف 14 ب

**minicooper20** · 12-11-2011 07:09 PM

ههههههههههههههههههههههههه ههههه
المريات ودان للعربيه
و انا الكنت فاكر ده عندنا احنا فى البلد بس

**ahmed_mido1889** · 12-11-2011 07:57 PM

المشاركة الأصلية كتبت بواسطة mailo

فعلا شرم كده برده قليل قوي الملاكي نسبة للتاكسي
أحسن تصرف مع الغجر دول إنك تعلمه الأدب على الطريق وبعد متربيه تطلعله "إيدك" تحية وتمشي
ساعتها بيتلمو ووالله بيمشي وراك زي ......

سواقين ميكروباص الدقهلية سواقين بجد عرفت منهم كتير ومشفتش منهم قلة أدب قبل كده
بس اللي ......بجد بتوع القليوبية هم اللي على الزراعي على طول ومقرفين بجد

انا بتكلم علي سواقتهم كتغريز وتزنيق وجري بغباء
مفيش عندهم اساسيات القياده

ومعاك في حكايه سواقين القليوبيه واللي بقي اكتر سواقين طنطا وكفر الشيخ

**SASA3** · 12-11-2011 08:45 PM

المنصورة فى العيد كانت تتنزل الصبح بس انما بليل دى ابدااااااااااا اياااااااااااك و اسئل مجرب

**mailo** · 13-11-2011 12:37 AM

المنصورة فى العيد كانت تتنزل الصبح بس انما بليل دى ابدااااااااااا اياااااااااااك و اسئل مجرب

المنصورة دي لسة عندي أحسن مدينة في مصر بس بجد يعني فيها زحمة ولا شارع البطل أنا عشان أروح أي مكان فيها بلِف حواليها من بره وأدخل على المكان اللي رايحه في خط مستقيم غير كده مش هينفع

**wael ahmed** · 13-11-2011 07:48 AM

المشاركة الأصلية كتبت بواسطة KaReeM10

فعلا الغردقه بقت رهيبه .. سواقين التاكسي ملهمش حل

لك ان تتخيل ان من يوم ما جيت اشتغل في الغردقه من 4 سنين اي حادثه تحصل لازم تلاقي طرف فيها تاكسي

المشكله زي ما قال استاذ وائل ان كل العربيات موديلات عاليه وبتجري + ثقافة سواقين صفر

بالتالي كله بيجري من غير حساب ولا اي مراعاه لاداب السواقه .. ده غير ان في اصلا ناس سنها صغير جدا وماشيين من غير رخص

ربنا يسترها علينا كلنا ...........

فعلا كلام حضرتك سليم ... فيه قاعده ثابته هنا ...لازم كل يومين تشوف حادثه طرف اساسى فيها تاكسى ان لم يكن تاكسين ... مع ان الشوارع عندنا هنا واسعه ومش زحمه بس شوارع باظت خالص من كتر الحفر واللى زاد وغطا كمان المطبات اللى عاملوها على طريق المطار ومن غير علامات مش فاهم بيلبسوا الناس ولا ايه :@

تخيل بقى السواقين دى لو ساقت فى القاهره هيعملوا ايه !!!!!!! هتبقى مهزله

مخهم لما بيقفل يعملوا حاجه بيعملوها من غير تفكير

وفرصه سعيده يا كريم باشا

الموضوع: ورجعت من السفر (سلوكيات السواقة)

LinkBack

أدوات الموضوع

عرض

-

-

-

-

-

المواضيع المتشابهه

رحت شارم الشيخ ورجعت بالعربيه

ورجعت من السفر (عرفت إيه مشكلة العربية)

أتسرقت ورجعت المسروقات بس زعلان

ورجعت لى الكانشيل تانى

ورجعت من السفر.. يا زول!

الكلمات الدلالية لهذا الموضوع

المفضلات

المفضلات

ضوابط المشاركة