الموضوع: ارجو المساعة فى مشاكل 128

صباح الفل على اعضاء احلى منتدى
معلش انا حبيت استشير خبراء الفيات فى اللى انا عاوز اعمله و اشوف الصواب ايه
انا عربيتى 128 موديل 75 و عندى فيها ثلاث مشاكل :
- المشكلة الاولى : زيت الموتور
انا كنت بحط زيت التعاون ابو علبة زرقة اللى هو ابو 4000 كيلو و اغيره عند ثلاث الف لان مشوارى كبير و بمشى كتير بالعربية و انا اصلا عندى الموتور حفيف سنة ففى تغيير الزيت من حوالى اسبوعين لاقيت الراجل بيقولى انا الزيت نازل ناقص و انى حارق على العربية رغم انى مشيت 3000 كيلو بس فقالى حط زين تالتعاون البرتقالى و امشى عليه 1500 ، النهاردة نزلت ابص على الزيت لقيته ناقص عند العلامة max شوية و لون بقى اسود0 يبقى ايه اللى بيحصل فى العربية ؟
المشكلة الثانية :فتيس العربية
ان صوت الفتيس لما برجع بالعربية لورا عالى جدا و عرفت ان دا بسبب التروس اللى فى الفتيس و الموضوع دا بقاله سنتين ،
الجديد بقى ان مستوى زيت الفتيس بينقص ولازم ازوده كل شوية (4000 كيلو زودت حوالى نصف كيلو) .
و بعدين العربية بنقط زيت من قدام فكشفت عليها الميكانيكى قالى ان اولسيه الكرنك لازم يتغير و دا بتغير بفك الفتيس كله ، فانا بفكر ان طالما هفك الفتيس ، يا اغيره بفتيس استيراد او اجيب ببلية و اسطوانة و ديسك و احاول احل مشكلة صوت الفتيس لما برجع العربية لورا .
الشكلة الثانية : الكاوتش
انا عندى ثلاث جنوط حالتهم متوسطة و جنط حالة تعبانة كل شوية بينفس ، فالراجل بتاع الكاوتش الى انزل شارع احمد سعيد و هات اربع جنوط جديدة الجنط فى حدود 100 ج ،فهل فعلا فى مقاس 128 جديد و لالا و هل كلامه صح . انا مقاس الكاوتش 170/45 .
معلش انا اسف على الازعاج بس ارجو اهتمامكم بالموضوع و الرد عليا لانى عاوز احل المشاكل دى

فين يا جماعة خبراءء الفيات ؟؟؟؟؟؟؟؟؟؟؟؟