الموضوع: حل مشكلة التعويم و الحدفة الشمال او يمين من توكيل كيا كوريا (مؤكد بالصور)خمس نجوم

ليه محدش مصدقنى فى كلامى نهائى مع انى نقلت كلام توكيل كيا فى كوريا اللى هما صنعوا العربيه و اكتر ناس فاهمه فيها.
العربيه دى .فى منها كمية انتجت بتاريخ معين تحتاج الى ظبط زوايا و اتزان بمقاسات معينه مش اى مقاسات .و هما ذكرينها فى الموقع بتاعهم Kia Global Information System (KGIS).و كمان قالوا انها ممكن تحدف او تعوم يمين او شمال بسبب المشكله دى.
الحل:ظبط العربيه زوايا و اتزان بمقاسات معينه هما حطينها مع الشرح بالصور كمان
يعنى متروحش لاى حد و تقوله ظبطهالى و خلاص.لازم تاخد المقاسات و يظبطهالك زيها بالظبط
و من الصور فهمت و اتاكدت ان العربيه فى الصور الاولى من الشرح (اللى هو عرض المشكله )ممكن او اكيد هتعوم و تحدف و كمان زاوية المساعدين و السست مش مظبوطه و الحمل بتاع اى خبطه او مطب او حفره بيحمل على المقص او جسم العربيه فقط .و المساعد و السست لا تمتص الصدمه نهائى بسبب زاوية ميلهم العكسيه و عكس اى منطق .و طبيعى المقص يتكسر او العربيه تحدف لان الحمل كله عليه و على جسم العربيه و مع الوقت هتلاقى المحظور حصل.
و بعد الظبط زوايا و اتزان كل شىء لاحظت ان المساعدين و السست زاويتهم اختلفت نهائى ,و كده هما اللى يشيلوا اى صدمه او مطب او حفر او غيره .و يلاحظ ثبات عالى جدا جدا .عكس الوضع الاول و مناوره بالعربيه و غرز و ملفات تمام جدا جدا .
الملخص:
يوجد اختلاف حاد فى الاراء و ده طبيعى لان المشكله فى بعض العربيات فقط و ليست كل السيراتو ,و بفضل انتشارها هتلاقى نسبه كبيره بيعانى من المشكله دى و نسبه تانيه لا .
الموضوع ذاكر تاريخ انتاج العربيات فى فتره معينه . و موضحها و شارح المشكله و حلها .
و انا اقتنعت و انا مش مهندس و لا فنى بالكلام و الصور , ما بالك بقى المهندسين اللى فى المنتدى هيفهموا اه....
المشكله حلها بسيط جدا بس للاسف التنفيذ صعب لان عوزين حد متخصص فى الموضوع ده و فاهم جدا جدا و خياله واسع عشان يسمع كلامنا و يفهمه.(يجب ايضا التشييك على ضغط العجل و حالة الكاوتش و العفشه بالمره للاطمانان .
يا رجاله اللى تظهر عنده مشكله فى حدفة شمال او يمين اكيد عنده المشكله دى و لازم يحلها و بسرعه تجنبا للمشاكل و اهدار المال و الوقت.
و الله اعلم
اللهم بلغت اللهم فاشهد