الموضوع: السيراتو بتاعة والدي إتسرقت

المشاركة الأصلية كتبت بواسطة moudyman

يا جماعة عربية أبويا إتسرقت من تحت البيت فجر الخميس إلي فات في حدايق الأهرام أموت وأعرف إلي فتحها ودورها و هي أوتوماتيك ازاي وفتح القفل بتاع الدركسيون ازاي....!!!


العربية رقمها
ف س ع 829
شاسيه رقم 5827917


يا ريت إلي يشوفها أو يعرفها يقولي 01004919556

ربنا يردلك ضالتك و يعوضك خير ان شاء الله
1- هل يوجد اثار زجاج محطم مكان السياره او لا
2- هل يوجد بها انزار او لا
3- هل والدك بيسيب مفتاحها مع حد و الا لا
4- هل فيها ايموبلايزر و الا لا
5-هل كانت متموره و الا لا
6- رقم الشايسه اللى ملزوق على الزجاج خلف السائق كان موجود و الا منزوع و هى تم اخءه و اخفاء اللى فى زجاج البرابريز و الا لا
7- العربيه بتعمل صيانتها فين و هى خليجى و الا وكيل ,و اتعاملت مع ورش اه بالظبط.و هل ظلت فتره من الزمن عدة ايام او اكتر من يوم عند اى ورشه او مركز او توكيل.

1- فى حالة الزجاج المحطم ( بيكسر الزجاج )و يفتح الباب و بيطفش قطمة الدركسيون و بيقطع السلوك و يدورها زى الافلام الاجنبى .و فى طرق كتير اوى لفتح الباب هما ادرى بيها ,و لو دورت على النت هتلاقى .

2-فى حالة وجود انزار بيعطله (بس مش عارف ازاى ) فى حالة عدم وجود انزار يبقى كانت غلطه.و ربنا يعوض عليك.
3-لو والد بيسيب المفتاح و ده طبعا غلط فى البنزينه او غير او لاى شخص .الله اعلم .
4- لو مفهاش ايموبلايزر تبقى سرقتها سهله ,و لو فيها ممكن تكون اتقطرت و الله اعلم.
5-لو كانت متموره ممكن تكون اتقطرت بعربيه نصف نقل او كده.
6- كان يجب اخفاء رقم الشاسيه لان فى حراميه من التوكيل معاهم كمبيوتر التوكيل و بيدخل رقم الشاسيه و يطلع كود المفتاح و يبرمج العربيه بعد فتحها و يمشى بيها كمان و يطلعلها مفتاح فى وقت لاحق
7- ممكن يكون اى حد من المراكز دى عمل مفتاح مشفر زى بتاعك بالظبط و راقب المكان و سرقها فى الوقت اللى محدش واخد باله منها .
عموما هو فى سيناريوهات كتير اوى لسرقه العربيات منها
مكروباص بيقف بجانب العربيه او تاكسى عشان يقفل الرؤيه على اى حد ماشى فى الشارع و بيفتح الباب و و يطفشها و يدورها و يمشى
او عربيه نصف نقل بتربطها و ترفعها و تمشى بيها او ونش الاعطال .
و الله اعلم .
يا ريت اكون ادرت ارد على حضرتك .و ربنا يهدى كل الناس المفتريه الحراميه و يهدى الشرطه و تشتغل و تريحنا و ترجع حقوق الناس الضايعه .
و كل المعلومات اللى انا زاكرها ماخوذه من الجرائد و من وكلاء نيابه و ظباط شرطه و من بحثى على النت و اليويتوب و جوجل.
و ربنا يعوض عليك و يردلك ضالتك و يرجعلك العربيه .
و لو فى صوره للعربيه يا ريت ترفعها و تعمل محضر و تبلغ و تعلن عنها فى كذا موقع و اعمل اللى عليك و ربنا يعوضك باذن الله
و الله اعلم
و السلام ختام

المشاركة الأصلية كتبت بواسطة devil_storm

ان شاء الله ترجعلكم و ربنا ينتقم من الحرامى باذن الله, ان شاء الله حيكلموك و يتفوضو معاك على مبلغ تدفعة و يرجعوهالك بس انت اعمل محضر فى القسم و تبلغ المرور و تعمل بلاغ فى ادارة مكافحة سرقة السيارات فى السيدة زينب.
ممكن حضرتك تقولنا هى فيها بصمة؟؟؟ و هل كان فيها انذار؟؟
انت تقصد بقفل الدركسيون مسوجر الدركسيون ولا انت كنت مركب القفل الحديد اللى بيكلبش الدركسيون؟؟

لو فى قفل للدركسيون بيقصو الطاره الجلد نفسها ,بيبقى معاهم عده و عملين حسابهم على حسب الحرامى .بس القفل بيعطلهم شويه حلوين و الحرامى بيخاف جدا ,ففى نوع منهم بيسبها و يدور على وحده سهله و فى منهم بيبقى جاهز .
قفل الدركسيون بتاع العربيه بيفك لو دورت العربيه بمفتاحها و لو من غير مفتاحها ليه اداه معينه تقريبا مفك بيدخله فى حته معينه فى العربيه و بيفك عادى .و كل ده للاسف شفتله فيديوهات على اليوتيوب و فى كمان عربيات بى بتتسرق بالكمبيوتر اللى زكرته فى الاول برقم الشاسيه .
الحل تعمل كل حاجه و تشيل فيوز طرمبة البنزين و تركنها فى حته منوره و اوعى تركن فى حته مش منوره او مهجوره شويه و اركن فى جراج و يكون فى سايس او حارس .و متركنش تحت البيت او فى حتت متعرفهاش ,و ابقى شقر عليها كل 5 ل 10 دقابق او اقل
و ركب انزار فيه كتاوت فصل و عند حد ميعرفش بيتك فين .
و ربنا يصلح حال مصر و يكرم اهلها و الامن و الامان يرجع تانى .
للاسف 90% من العربيات على مستوى العالم بتتسرق بطريق الافلام الاجنبى يقطع و يوصل سلوك و كده .فقط 10 % لا تدور الا بمفتاحها فقط لا غير و نسبة الامان فيها عاليه جدا جدا .

الطارة بتاعة العربية مش كلها جلد من جوة فى صلب !! مينفعش تتقص دة كان موضوع قديم واتناقشنا فية قبل كدة !

انا بقى مش عارف اذاى بدور وهى فيها امبولايزر !