الموضوع: صوت دبدبه من العجل الخلفى واتحل ذاتيا

فى اثناء سفري فى العيد من الغردقة الى المنيا حوالي 450 كيلو المهم قبل ما اوصل البيت بمسافه 30 كيلو واثناء وانا ماشي في طريق المنيا القاهرة الزراعي حيث المطبات اللي كل 500 متر تقريبا بدات اسمع صوت دب دب دب جاي من العجل اللي ورا مع دوسه الفرامل وانا داخل على المطب قبل ما اشيل رجلي من على الفرامل المهم كنت قلقان طبعا لان الصوت كان واضح روحت ريحت من المشوار وتاني يوم كان يوم الوقفه قولت اتسلى وان صايم واغامر وافك العجل اشوف ايه المشكله المهم بدات بالعجله اليمين ورا اللي كنت باسمع الصوت من ناحيتها المهم لاقيت التيل شكله كويس المهم ركزت شويه لقيت الوصله اللي واصله ما بين فردتي التيل اللي بيتعمل منها الرجلاش بتاع الفرامل واصله من طرف ووقعه من الطرف الاخر بعد معانه عرفت اركبها تاني وقفلت الطنبوره وربط العجله وقولت اجرب لقيت الصوت مبقاش موجود لكن لقيت مشكله تانيه هي اني فكيت الرجلاش جامد علشان اعرف اركبها فده طبعا تسبب في ان فرامل اليد تكون خفيفه جدا وبتشد لحد الاخر وكمان دواسة الفرامل اصبحت بتوصل لحد الاخر .
المهم ان عرفت السبب ومرديتش اجازف تاني وافك العجل لاني مش هعرف اظبطها زي الميكانيكي ( لكل واحد صنعته طبعا ) واستنيت لحد ما وصلت وروحت للميكانيكي خلته فك الاربع عجلات وصنفر التيل وننظف كل حاجه ورجلش فرامل اليد وكله بقا تمام الحمد لله .
حبيت بس اقولكم علي التجربه وان الواحد ممكن يجرب لكن في حدود وانا بصراحه استفدت من التجربه دي وانا عند الميكانيكي كنت فاهم هو ها يعمل ايه وكمان قولته اعمل ايه بالظبط بدل ما اقولو على المشكله ويعقد يعمل فيها متخصص وفتح ونصب والكلام بتاع الصنايعيه اللي احنا عارفينه .
اخوكم مصطفى ممدوح