ضعف المشاركات

**frhateg** · 17-11-2011 10:38 PM

لاحظت في منتدي اللوجان ضعف المشاركات ( الرد علي المواضيع ) علي الرغم من كثره المشاهدات . فعلي سبيل المثال في المواضيع المثبته : ــ
1 ) اماكن واسعار قطع غيار رينو لوجان : عدد المشاهدات 2777 و عدد المشاركات 55 فقط .
2 ) رينو لوجان2010...تقرير كامل مصور : عدد المشاهدات 45667 و عدد المشاركات 456 فقط .
3 ) البطاقة الفنية الكاملة للرينو لوجان ‏ : عدد المشاهدات 17432 و عدد المشاركات 100 فقط .
و كذلك في بعض المواضيع العاديه نسبه الأعضاء اللي بيردوا بسيطه جدا . فياريت تكون هناك اقتراحات لزياده نسبه المشاركات علي المواضيع .

**shabaka** · 18-11-2011 01:11 AM

السلام عليكم
في اعتقادي ان كل اعضاء قسم اللوجان لايبخلون باي معلومات للمساعده
وكذلك اعتقد ان اللوجان مازالت جديده في الشارع فمشاكلها بسيطه تحل بكلمتين
فاكثر الاسأله تجدها بسيطه عن كماليات ومراكز صيانه والضمان
هذه وجهة نظري وشكرا لك

**mostmoh** · 18-11-2011 01:29 AM

اعتقد المشاركات ستزيد مع زيادة إنتشار السيارة.
وبالنسبة لى أنا مشاهداتى كثيرة فى هذا القسم لأنى أود شراء سيارة واتابع كل جديد من أراء الأعضاء ، ومن هنا نويت شراء رينو سانديرو بعد بحث ومتابعه فى هذا القسم.
بارك الله فيكم جميعا

**waleedfadeel** · 21-11-2011 09:03 PM

اعتقد ان خير الكلام ما قل ودل هذا رأى الشخصى
بمعنى انه اذا كانت المشاركة لمجرد المشاركة فقط ولن تضيف الى الموضوع فلا داعى لها، لانى اعتقد انها سوف تضر بالموضوع الاصلى لان كثرة المشاركات الغير هادفه تنسى بعضها بعضا وانا شخصيا احس اننا خلطنا الغث (المشاركات الغير الهادفه) بالثمين (الموضوع الاصلى).

**Vampir** · 22-11-2011 12:02 AM

بصراحة على المستوى الشخصي مشاركات المنتدى وفت و كفت بالنسبة لي بخصوص قرار شراء اللوجان و مكان الشراء و وضع خطتي في التعامل مع السيارة
و لكن فلتكن دعوة زيادة المشاركات لتزيد الفائدة على الجميع .........
و ربنا يهدي المجلس العسكري أو يغير طقم العظم اللي في المجلس .... و يستبدلهم بناس يتقوا ربنا ...... قولو أمين

**a_nbm** · 22-11-2011 09:52 AM

لو السؤال تمت الاجابه عليه من اول او تاني اوتالت او عاشر مشاركه يبقى ايه لزمتها كتر المشاركت .. اذ هيبقى الباقي مشاهدات بس علشان يستفيدوا من السؤال والاجابه

**ModySheta** · 22-11-2011 10:04 AM

السلام عليكم ،،،
أنا ليا وجهة نظري المتواضعة و هي إن في كتير من الناس دخلوا و قروا المواضيع للتعرف على اللوجان و مساعدتهم في إتخاذ القرار و ده حصل معايا زي الأخ Vampir & Mostmoh و مكانش ينفع يشتركوا زائد إني قريت كتير من المواضيع و أكتر من مرة قبل ما يكون ليا حساب على الموقع!
ثانياً أنا ممكن أحط مشاركة في الموضوع و بعدين تيجي كذا مشاركة تانية فأكيد حشوفهم و لكن مش ضروري أعلق تاني أو أزود عدد المشاركات و خلاص! فحيتكرر عدد المشاهدات لكل اللي شارك في الموضوع و لكن دون زيادة المشاركات يا ريت أكون قدرت أوضح النقطة دي كويس! و أنا بحب قسم اللوجان جداً و استفدت منه كتير في عربيتي و لسه بستفاد! متهيألي ده أشهر قسم على مستوى الموقع!
شكراً و آسف للإطالة ... تقبلوا مروري و تحياتي لكل أعضاء و زائري الموقع الأكثر من رائع ...

**ModySheta** · 22-11-2011 10:07 AM

المشاركة الأصلية كتبت بواسطة a_nbm

لو السؤال تمت الاجابه عليه من اول او تاني اوتالت او عاشر مشاركه يبقى ايه لزمتها كتر المشاركت .. اذ هيبقى الباقي مشاهدات بس علشان يستفيدوا من السؤال والاجابه

+11111111
شرحك للنقطة دي أبسط من شرحي كتير ما شاء الله و أوضح :)