تجربة زيت ليكوى مولى الالمانى

**smsm91158** · 18-11-2011 07:51 PM

احب اقولكم انى قريت عن الزيت دا كتير قوى قوى وبعد اقتناع اشتريت
1- زيت ليكوى مولى للموتور 10000 كم وتمنه 199ج
2- السيراتيك وتمنه 135 ج
3- منظف للموتور وتمنه 35 ج
4 - منظف دورة البنزين ب 35ج

الاول حطيت منظف الموتور على الزيت القديم وخلى العربية دايرة لمدة 10 دقايق دا بيشيل اى رواسب جوة المكنة (والناس الى بيحط 80 حيبقى ليه مفعول جامد معاهم وحيحسوا بالفرق)

ثانى حاجة نزل الزيت وغير الفلتر وحط الزيت الجديد ووراه السيراتيك اول حاجة حسيت ان صوت العربية بدا يهدى وكل ما امشى بيها اكتر صوتها بينعم ويوم عن يوم بيفرق قوى... اما عن السحب حسيت فعلا بجد ان السحب زاد بصورة ملحوظة ... ولو حرقت على الغيار بتحس ان العربية بتجمع اسرع وصوتها اهدى جميل بجد..

انا لسة محطتش منظف دورة البنزين والانجكشن بس بجد الحاجات دى تمنها فيها وتستاهل
والى عايز يعرف اكتر عن وتجارب ناس تانية اللينك دا حلو قوى

http://www.nilemotors.net/Nile/254159-a.html

نصيحة الى مش عاجبوا موبيل 1 او شيل او توتال يجيب ليكوى مولى وحيرتاح قوى معاه

**shabaka** · 18-11-2011 11:53 PM

شكرا على هذه المعلومات القيمة

**Youssef.Awad** · 19-11-2011 12:27 AM

طيب يا باشا لو تكرمت ضيف مشاركتك هنا فى الموضوع اللى حاطط اللينك بتاعه للاستفادة العامة

**frhateg** · 19-11-2011 08:40 PM

متابع .

**frhateg** · 19-11-2011 09:24 PM

في المنتدي العام ليهم موضوع كامل يخصهم و بيردوا علي اي استفسار و ده اللينك بتاعه
http://www.nilemotors.net/Nile/254684-liqui-moly.html
و اللي فهمته ان الزيت نفسه فيه مادة السيراتيك . فهل هذا يكفي و الا لازم نشتري الماده دي لوحدها و نضيفها علي الزيت .

**elsherif_2000** · 20-11-2011 09:07 AM

يا جماعه ارجوكوا بطلو تجارب دة زيت غريب اول مرة نسمع عنه خليكوا في زيت توتال الموصى به مع العربيه كل فترة في المنتدي ييجي زيت و يعمل اعلان مدفوع في المنتدي و كل الناس عايزة تجربه و يطلع مش كويس في الاخر زي فيسكو كدة فالاحسن خليكوا في الزيزت المعروفه العالميه

**ModySheta** · 20-11-2011 03:26 PM

الناس كلها بتشكر في زيت ليكوي مولي!
أنا جبت التوب تك 4100 و السيراتك بس حتحطهم إن شاء الله في صيانة الـ10000 إن شاء الله!
الزيت ألماني و الناس بتشكر فيه ، مش لازم الواحد يخا أوي كده من كل حاجة جديدة ! كمان هو الزيت المعتمد في كثير من توكيلات الخليج !!! و ده كلام ناس قدام من المنتدى و نحسبهم على خير!