الموضوع: حادث باللوجان

حمد الله على سلامتك اشكر الله ربنا ستر

ربنا يسلمك دايما وفداك الف خربوش..

سؤال بس هو ال 128 اتبهدلت لضعف ال 128 ولا لقوه اللوجان ؟؟

حمد الله على سلامتك اولا والحمد لله ان خسارتك اقل من الطرف التانى اللى خبطك انا حصل معايا نفس الموقف بس فى العاشر من رمضان مع الاختلاف البسيط فى التفاصيل كنت ماشى وقربت على ملف يوتيرن ومشغل اشارة شمال فجأة لقيت طخخخخ من ورايا بصراحه اعصابى سابت واترجيت لولا انى كنت رابط الحزام وكمان العربيه حدفت جامد وكنت هفقد السيطره عليها نزلت لقيت عيل راكب فيرنا هو اللى كان سايق والمنظر يصعب ع الكافر والفيرنا ملهاش ملامح من ادام غير مياه الريدياتير اللى نزلت ع الارض ببص عندى لقيت خبطه جامده فى الاكصدام غيرت ملامحه وخبطه بسيطه تحت الشنطة لدرجه انها فتحت ومكانتش بتقفل المهم الناس اتلمت وقالولى ده عيل وربنا يعوض عليك وانا كنت مصر نعمل محضر بس كنت على سفر حمدت ربنا على كل شىء ومشيت بعدين كلمت التوكيل قالو هات العربيه نعمل معاينه روحت العبور وعملت المعاينه ودفعت 250 جنيه وكانت الصدمه التكلفه 7000 جنيه المهم خدتها ومشيت بعدين قابلت صديق شافها قاللى ولا يهمك انا هوديك لسمكرى شاطر ومش هتتكلف كتير المهم روحنا للسمكرى فى الزقازيق امام ادارة المرور اسمه عثمان المهم سبتها عنده وروحت مواصلات بلبيس وتانى يوم بالليل روحت لقيته بيفنش فيها انا شوفتها مصدقتش نفسى والله رجعت زى ماكانت ع البارد تخيلو اخد اجرة كام 500 جنيه واديته كمان 50 جنيه للصبيان اللى كانو بيساعدوه وشكرت ربنا على قضاءه بجد ياجماعه اللوجان دى نعمه واهم ميزه فيه انها عاليه وبالذات من الخلف عشان كده اصابتى كانت أقل من الفيرنا انا متأسف طولت عليكو بس حبيت احكى عشان الناس فى المنتدى تستفيد ولكم جزيل الشكر

احمد الجوهرى - رينو لوجان 2010 كاملة فيرانى

لا مؤاخذه ف الفظ انت عملت الصح

وكمان فى مثل ......................

والف حمد لله على سلامتك وسلامه اللوجان


رجاء حسن اختيار الالفاظ حفاظا على واجهة المنتدى

مشرف رينو
ب9