شوية حاجات كده
زي أفلام عادل إمام في التمانينات .. بسيقانه الفظيعة وعضلاته المفتولة بيضرب ناس أكبر منه حجما 50 مرة .. في نفس الفترة دي كانت أفلام السينما الأمريكية أبطالها هالك هوجان وسيلفستر وأرونولد شوارزنيجر كأبطال أفلام حركة ..
المعارك بين محمود المليجي وفريد شوقي رحمهما الله
مع فارق الحجم الكبيرررررررررررر بينهم .. فاكر مرة في مشهد بينهم إن محمود المليجي شااال فريد شوقي من ع الأرض في باار تقريبا
.
أفلام الستينات
المشهد الممل المتكرر , لما البطل يدخل (الحانة) .. فتقف الموسيقة والكل يبص له
المشهد ده بيجيبلي إستبحس نفساوي مش عارف ليه
والمشهد بتاع حامل السلاح في أي فيلم
لازم يشيل المسدس ويوجهه ناحية الي قصاده بحركة روبوتية .. يعني كوعه بيكون بزاوية 90 درجة , ودراعه جنبه
متخيلين الحتة دي
شئ آخر
لما يحب يجيب البطل لما يكبر في السن .. يدوبك شوية صبغة بيضا على سوالف البطل , وخصلة بيضا في مقدمة رأس البطلة بدوووووووووون تغير
أي راجل بيكبر .. سوالفه تبيض .. وأي ست تكبر .. تطلع لها خصلة بيضا في شعرها من قدام
البطل لما بيكون فقير معدم في الفيلم
ومع ذلك تلاقيه لابس بدلة كاملة .. مهما كانت درجة فقره , لازم يكون لابس بدلة .. لازم
فين السني .. فين السنس؟؟
أه
حاجة تانية
تلاقي العصابة .. مسميه نفسها عصابة
يعني لما ييجي زعيم العصابة يقول لواحد ( لم الرجالة) .. يقوله لم العصابة
غير طبعااااااااااااااا
المريض يكون تعبان في مشهد .. أول ماياخد قرص الدوا , يقولوله (أحسن).. يقول (أحسن)
والتعب بتاعه يخف قبل ماقرص الدوا ينزل في البلعوم حتى
وسلسلة طويلة من الإستهانة بعقول الناس..وأهي كانت سبوبة وماشية
المفضلات