انا اسف جد بس بصراحه في حاجه مش مقنعه في المنتدى

**ahmedassaf** · 19-11-2011 03:55 PM

معقول كل انواع العربيات ممتازة ومافيهاش عيوب وسبب سوء سمعتها اي عربيه هو الاشاعات وقله الثقافه في العربيات بالنسبه للمصريين؟؟؟؟؟؟؟؟؟
يعني في عربيات كل الناس عارفه انها فاشله وبرضه بتلاقي الناس في القسم بتاعها بيقولو لا دي اشاعات
ارجو من الاداره مراجعه المعلومات في المنتدى لان في ناس بتعتمد على منتداكم بجد وممكن يتضررو
مش معقول ابدا ماالاقيش ولا عيب على اي ماركه عربيه في قسمها
سامحوني انا زي اخوكم ياجمعه بس كنت عاوز اقول الكلمتين دول
والسلام عليكم

**م.محمد علاء** · 19-11-2011 04:00 PM

يا سيدي متزعلش نفسك قوي كده..أصل القرد في عين أمه غزال برغم كل شيء..

**KemozTanta** · 19-11-2011 04:05 PM

لا انا مختلف معاك جدا لان العربية لما بيكون وكيلها وحش الناس هنا بتقول وبتدعي عليها من ملاك العربية نفسها
ولما بيكون الوكيل محترم بيقولوا وعيوب العربية بتتقال كلها اكنك سايقها وبناء عليها بتحدد اختياراتك
انا لما بعت اللانوس بتاعتي من اسبوع و بقالي فترة بتابع مواضيع المنتدي كلها عن الاسبرانزا ام 11 او اللوجان او اللانوس وبشوف العربية اكنها معايا بالظبط
وفي النهاية الازواق بتختلف وكل واحد مستريح مع عربيتة بالشكل اللي هي علية لكن انت ممكن متستريحش بيها بالشكل دا , مثلا كلاكس اللوجان وازرار العربية ملاك العربية نفسهم مدايقين منه وبيقولوا كدا لكن بيشكروا فيها هل انت تفرق دي معاك بقي او لا حاجة تحددها انت
لكن في النهاية المنتدي هنا الاراء فيها اغلبها منطقية وانت بتحدد في الاخر ودا ميمنعش ان في ناس بتبالغ اوقات بس انت بقي بتعرف المبالغة من الحقيقي

**Elawany13** · 19-11-2011 04:55 PM

كل شيئ له عيوبه وله مميزاته
والموضوع بيكون نسبى
بيختلف من شخص الى آخر

**Ashraf_Ashraf** · 19-11-2011 05:20 PM

صدقنى مافيش عربيه بدون عيوب بكت فيها المرسيدس والبى ام ده شئ بديهى لكن انت شايف العيب ازاى تتحمله ولا لا
وبعدين كتير بيعكس الحقيقيه ويقول مافيش عيب عشان يصبر نفسه على اللى بيشوفه فى عربيته

**rompo10** · 19-11-2011 06:38 PM

طبيعي جدا ياباشا اي واحد يشتري عربيه وتطلع وحشه لازم يصبر نفسه واقوي مثال الرينو ميجاان مع احترامي لاصحاب السياره

**Ahmod** · 19-11-2011 09:31 PM

برضوا يا باشا لازم تعرف ان فيه ناس بتبقى منتمية للماركة اللى هي راكبها

وبيحب عربيته وفي بينه وبينها عشرة وشايفها احسن عربية في الدنيا

يعني على سبيل المثال انت لو معاك عربية مثلا قول موديل 2006 يعني بقالها معاك اهو ست سنين وعمرها ماكسفتك ولا عملت معاك مشكلة

دي حاجة هتخليك تتخاطى عن عيوبها وتبقى شايفها احسن عربية في الدنيا ويبقى فيه بينك وبينها زي العشرة كدة واي حد عايز يشتري تنصحه بيها علطول

انا قريت احد الردود هنا في المنتدى وعجبني جدا

الرد ده كان بيقسم مرحلة شراء العربية لتلت مراحل

1- اول ماتشتري العربية وتبقى لسه معاك ودي بتبقى منبهر بالعربية ومبسوط منها وفرحان وخايف عليها ودي فترة بتستمر مابين شهر الى شهرين

2- بعد ماتبدا تتعود على العربية تبدأ تكتشف عيوبها (مثلا تكييف وحش - سحب ضعيف - ثبات ضعيف ...الخ من العيوب) وتبدا تكره العربية وتكره اليوم اللى اشتريتها فيه ويبقى نفسك تغيرها

3- بعد مالعربية تفضل معاك سنين ويبقى فيه بينك وبينها عشرة وتلاقيها شالتك وشالت افراد اسرتك وعمرها ماقلتلك لاء هتلاقي نفسك شايفها احسن عربية في الدنيا وتنصح اي حد انه يشتريها

ففي ناس هنا كتير في المنتدى وصلت للمرحلة التالتة ... ! وده مش معناه انه بيضلل الناس لكن هو من جواه شايف عربيته احسن عربية في الدنيا

**graffittiii** · 19-11-2011 09:59 PM

المشاركة الأصلية كتبت بواسطة ahmod

انا قريت احد الردود هنا في المنتدى وعجبني جدا

الرد ده كان بيقسم مرحلة شراء العربية لتلت مراحل

1- اول ماتشتري العربية وتبقى لسه معاك ودي بتبقى منبهر بالعربية ومبسوط منها وفرحان وخايف عليها ودي فترة بتستمر مابين شهر الى شهرين

2- بعد ماتبدا تتعود على العربية تبدأ تكتشف عيوبها (مثلا تكييف وحش - سحب ضعيف - ثبات ضعيف ...الخ من العيوب) وتبدا تكره العربية وتكره اليوم اللى اشتريتها فيه ويبقى نفسك تغيرها

3- بعد مالعربية تفضل معاك سنين ويبقى فيه بينك وبينها عشرة وتلاقيها شالتك وشالت افراد اسرتك وعمرها ماقلتلك لاء هتلاقي نفسك شايفها احسن عربية في الدنيا وتنصح اي حد انه يشتريها

+11111
الكلام ده جامد جدا ... عشان كده متسألش حد عن عربيته لو ممرش عليها 3 شهور علي الأقل علي مامرحلة الأنبهار تنتهي ويفكر بواقعية ...

في حاجة كمان ... التقييم بيبقي مرتبط بردو بالفئة السعرية بمعني أن العربية يكون فيها عيوب لكن عيوب مقبولة مقارنة بسعرها ...
يعني نقول العربية دي حلوة ف فئة ال 100 ألف... لكن لو أتحطت ف فئة ال 120 تبقي وحشة ..

-

-

الموضوع: انا اسف جد بس بصراحه في حاجه مش مقنعه في المنتدى

LinkBack

أدوات الموضوع

عرض

-

-

-

-

-

المواضيع المتشابهه

رأيك بصراحه

المنتدى نايم ليه ماتيجى نعمل حاجه جديده الكل يشارك

حاجه تكسف .. ممكن واسطه من ثقات المنتدى ...

سؤال لا أجد له إجابه مقنعه؟

الكلمات الدلالية لهذا الموضوع

المفضلات

المفضلات

ضوابط المشاركة