كنت مشترك في باقه فودافون 59 كانت بتقعد معايا من 10-15 يوم و بقيت الشهر بشد في شعري
رحت فاكك شفرة الفلاشه القديمة و جبت خط اتصالات داتا و اشتركت على 99 ميه ميه ولا فراخ الجمعيه بقى عندي نت 22 يوم في الشهر وبقيت الشهر على 64 كيلو مش مشكله بتشل بس مش مقطوع عن العالم
قلت ارجع لفودافون تاني لقيت عرض 59 اتلغي و طلعوا داونلودر و براوزر و استريمر اشتركت في باقه ب 50 جنيه طبعا فرق سرعه فودافون لصالحها عن اتصالات و هوب خلصت و هوب 64 كيلو سياسه استخدام عادل
رجعت تاني لاتصالات وكلي ندم اني سبتها و المرادي حبيت اصالحها اشتركت في باقه 149 سرعه تحميل 130 كيلو في الثانيه و ايه ده 30 يوم معايا نت مش مصدق عنيا و بعمل كل اللي نفسي فيه حملت بيهم اربع افلام و البومين و فيرم ويرين للموبايل الويف بتاعي و سيرفيس باك 1 للويندوز 7 و شويه ابديتات كتيره و حملت الافيرا الجديد و ابديتاته و حملت كذا فيديو من اليو تيوب
قلت كدا انا ميه ميه اروح اشترك فودافون تاني على 150
6 جيجا زي اتصالات و سياسه استخدام عادل
رحت الفرع لقيت الباقه معمولها خصم ال نص بالنص قلت ميه ميه \
الكلام ده كان الاسبوع اللي فات
حملت فيلم فاست 5 و عملت ابديت للويندوز بسيط و شفت كام فيديو على الفيس و اليو تيوب و سرعه التحميل بسم الله ماشاء الله 200 كيلو في الثانيه !!!و بعمل تشيك على الميجا على موقع فودافون لقيتهم 3 جيجا !!!!!!!!!!!!!
دول مكملوش اسبوع و طار 3 جيجا هوا كده
فان شاء الله يخلصوا من هنا راجعلك تاني يا اتصالات والله المستعان